John

11Dati inu tuba Nigburang na rani, nigbura nazi nigino me nan Asere, nigbura nigino me Asere mani. 2Me mani datti unu tuba mazi nan Ugomo Asere. 3Vatt timumum, awuzi ahira ameme, daki a barka ire imum sarki me ba.

4Me mani ivai irani, ivai igino me ya cukuno masaa ma nabu. 5Masaa mazin nu gido mareu,mareu me daki ma ranga masaa ba.

19Yahaya ma beziwe imumbe samarusa, ine ini ayahudawa watumi ahira ana katuma kudege. Ugomo Asere nannan lawiya uhana urshalima wa ikime nani memani aveni. 20Manno mabuki kadura, daki mawuzi matara nan weba ma; azomemani ugomo asere ba;. 21Wanna wa ikime wagun me aneni homami iliya me? makabirkawe, "A'a azomemaniba." Wanno wagunme hamani unu beze tizeme? Manno magunwe, A; a".

9Kadure ka masaa me ka raani sa ka ehzi unee me sa mazi nu bezi anu masaa me.

10Maa ra anyimo unee me, unee me wa cukuno atari ti meme vat anime unee me waa rusi in me ba.11Maa eh ahira anu meme, anu ameme wa nyare me.

12Vat ibinani andesa waa kabi me, andesa wahemi in niza ni meme maa nya we nikara wa cukuno ahana Asere. 13Ande besa ayoo inzo a maye ba nani usuro unipum nani unubu, usuro Asere ani.

14Nigburang niginome na cukuno nipum. Anyimo aru ta ira ni nonzo nimeme,ninonzo ni vana u inde ugino me ahira acoo umeme, gbem ini mum iriri nan kadure. 15Yuhana maa bezi uni tisa in nikara magu, "Unu ugeme me mani maa buki tize anice nimeme unu guna, 'Desa ma ehze adumo am ma tekum, barki maa rani aje am."'

16Barki umyinca umeme taa kabi imum iriri aseser imum iriri. 17Barki u inko utize atari ti Musa a nya tini urunta nan kadure. ka ciki ahira a Yeso vana Asere cas. 18Daki a iri uganiya sa uye ma iri Asere ba. Vana u inde Asere me, me sa ma hibi abigiri ba acoo, me mani maa bezi me.

19Yahaya ma beziwe imumbe samarusa, ine ini ayahudawa watumi ahira ana katuma kudege. Ugomo Asere nannan lawiya uhana urshalima wa ikime nani memani aveni. 20Manno mabuki kadura, daki mawuzi matara nan weba ma; azomemani ugomo asere ba;. 21Wanna wa ikime wagun me aneni homami iliya me? makabirkawe, "A'a azomemaniba." Wanno wagunme hamani unu beze tizeme? Manno magunwe, A; a".

22Wanno wakuri wa ikime hu aveni barki tikem ukabirka uweme barki tirusi imumbe satidi kabuka andesa tumanduru? Utisa nicce agi aveni? 23Makabirka we magun mi nigmirangnige sa nitisa anija'a nigusa nyani ugomo asere muriba mushime gusi imumbe sa Ishaya mazinnu boo me."

24We me,Afarisiyawa wani watumi we. 25Wanno wa ikime barki nyanini uzorsanu azohu ugomo asere mani ba a zohu iliya mani ba hume unu bezizzi kadura kagino me?

26Yahaya makabirka we, magunwe me in gei mani in zorso anabon, uye maluri anyimo ashime sa iteshi me. 27Memani ma-eze adumo umunu be sa binyimo bakpatak ameme daki mabari in suso ini ma ba. 28Awuzi anime ubatanya uni uhuru uraba u urdu uni, ahira sa yahaya ma zorso anabon.

29Unu sana-ahira yahaya ma iri yeso ma eze ahira ameme,yahaya magu,"yaira mi vana ubitan bu gomo asere,desa madi ziki madini munee. 30Anime ani mabukishi uye ma eze adumo am,memani unaje am barki dati marani aminiba. 31Dati maruseme ba me abezeme ayumu isaraila ma-ah ma zorsanu in maye.

32Yahaya kaberka magu ma-ira bibewu bezennu tuzo. Kase kuhurge ka sure a zesare ku cukuno ane gerza numeme. 33Dati maruseme ba, memani dese matumum in zorso anu in mayi, memani ma bukum dese ma ira bibew ba asere batu bikure bicukunu aneeh numeme memani. Ma zorsa anabu in bibew ba asere. 34Makure ire in kure beze, unu uginome vana asere mane.

35Unu sana ahirs yahaya ma lure nan na nakatuma ana ware. 36Mazen nuhira yeso mazen tanu manno magu irane vana ubetam baasere!"

37Ahana akztumame ana ware sa wakunna ma rezo adeze, wanno wadusa wa tarse yeso. 38Yeso magamirka ma iri wazinnu tarsa ume, manno maunwe, "Nyanini izin nu nyarame? Wanno wagun me,hu unu urusa abanga abanname unu unyenkike uciki abanie. 39Manno magun wae ayeni, i'iri." Wanno waha waka ira ahira me sa machikin, wanno wahirii negome uhana azumo anazi unu wunjoro.

40Unu idai ayumo ana wareme sa wakunna tize ti yahaya wanno wa kuri wa tarzi yeso, andarawas mani mazi uhenu u bitrus. 41Maubi ma uhenu umeme sa bitrus, takem Asere, "Memani asere ma hummaka maturi me. 42Manno mahan me ahira Ayeso, Yeso ma iri me, magun me hamani saminu vana u yahaya? adi tesawe kefas." (ni neni bitrus).

43Sa ahira asana yeso mahiri udusa a manyanga mu galili, abini me ani makem Filibus magun me ano tarsam. 44Filibus unanu betsaida mani nepeni numeme nan andarawas, nan bitrus. 45Filibus ma kemnata-ala, magumme ta kem dey sa musa ma nyatike abanga ameme anyimo aka dura be sa ugomo. Asere ma inki men, ana kadura ka asere wa kuri wa nyentika abanga ameme, memani yeso una anu nazere, vana u yusufu.

46Nata ala magunme ade kem imum ihuma unazarat me filibus magun me aye u'iri. 47Yeso ma-iri nata-ala ma eze ahira ameme, magu ina nu ana ira'a ni, unu u isara-ile nun ukadura, de besa mazo me ini mum izenze a puru ameme. 48Nata-ala magunme urusam abane? Yeso ma kabir kame ma gunme udaniya, sa wara akurame filibus matitiwe mamu rusawe.

49Nata-al ma kabirka me magu, "Una kura huu vana asere mani hurugomo isara'ila mani!" 50Yeso makabir ka me, "Ma gumme mi maguna huu mairawe akura uzunu bezi kadura,ude ire imum be sa iteki iginome." 51Yeso ma bukime ane ani mabuka, "Shi ide ire a zesere a harzena Malika asere wazen nu yize nan na tazu nan vana unuboo.

21Uwui utaru uwuzi nigura ukana amanyanga mu galili,alno yeso marani ahirame. 2Abezi yeso nan an a akatum kameme,

3Sa gmei mu in nabi, masizi kime aino Yeso magu wazin nukasu ugmei mu inabi." 4Yeso magun ka inome, "inne tizetiginome tiwe me tiniba uganiya um, wamu unaba udaza. 5Ine ini, a'ino a yeso magu narereme, "Vat imum be sama buka shi, iwu hirani, iwu ini."

6Ahirame masirau manu tasi.Mapo ainki usura utanda wa yahudawabarki ukpijo umadini vat masirau me maciri adong uta-tasi. 7Yeso magunwe "myincani adonga ginome,in gmei, wanno wa myinciza ani,gbem-gbem. 8Manno ma gunwe intani ika nya aco anigurame wanno waka nya me.

9Sa aco ani gurame,sama kuro gmei me sa ahanna men,mage sa a gamirka macukuno gmei mu inabi. Daki marusi ahira musa akem manin,(We arere me waruse ahirame sa akemni). 10Magu gmei mariri mani mu inabi mu inabi manno mameki unyinza anabu. Sa anabu wa siza maduku en magebe sa masiziki me maje me unu ure am, huu wa hunze mari-rimen ana mani wadiku ayyen immani."

11 Ine ini mu ujizai mutuba sa yeso mawuzi,mano mawuzi u kana amanyanga mu galili.Mabezi ubari umeme,ahana aka tuma kameme wano wahem in me

12 Manno madusa ukafarnaham,me nan ka inome,anu kenu umeme nan ana katuma kameme,maka cukuno abirko wa wu kayen ni.

13 Ni gura na yahudawa,na-eh mamu yeso madusa urshalima. 14 Anyimo udenge uninanzo numeme,waziki uni ucokono we ahira atijamani tinah,nan nitam ma tantabara,nan nanu corso ikirfi waciki ahira akatuma ka wome.

15 Manno mapi macobiwen ma gidiwe vat uwe anyimo udenge ubiringara me nan ni tamme a iname anu corso ekirfi ma samirka nan ma tantabara me vat.16 Magun na nabo hum koni adadu ageme yazika,akura ugomo asere a cukono ahira ati jamani;.

17 Ine ini ahana aka kuma kameme.Waringi a nyentike ihori agi acara akura ugomo asere. 18 Ayahudawa wakabirka me wagu nyanini udi bezinduru sa uzi ana me. 19 Yeso makabirka we magu, tuburkoni udenge ugomo asere mi indi hirza uni anyimo atiye.

20 A yahudawa wagu awu time akure anazi in tinu tasi azinu bara ahira aninonzo no gomo asere,me maguna.Tiye ti taru madi barkaa. 21 Udenge uninonzome sa yeso mabukani uneni nepom nu meme. 22 Barka anime uganiya sa ahirzame, anyimo a mu cau ahana akatuma kameme, wanno waringi agi mabuki anime wanno wa hem in ni mum be sa abuki unu tuba nan tize ti yeso sa ma buki.

23 Abinime uganiya samarzni u urshalima atiye tini gura na yahudawa,anabu gbardang wa hem inza nimeme barki uira imumbe sa mawuzi. 24 Ine ini yeso ma hem we be. 25 Barki marusa ma ri a muwe me, azome agi uyye mani mabezime barki me,licce ni me me marusa vat imum be sa iraa a mu ruba ma nabu.

31Urunu marane neza numeme nikodimo memani unaje wa yahudawa. 2Unu uginome ma e ahira a yeso in niye magunmme hu una jetirusa hu unu rusamani sa wa e ahire asere,barki unu rusa wuza katuma kawe ma maraneba,de be sa mazi nigo nan na Asere memani madi uiuzi kani."

3Yeso makabirka me magu aneni inzinu bezi uwe in kadaki akuri ayo unububa mada irame akura asere be;. 4Nikodimo magun me adi wo aneni ayo unubu sama uiuna ucokoro? ani madi kuri maribe aburu aino meme makuri mayome?"

5Yeso makabirka me magu, "Inkadaki ayo unubu usuro ugmei nan bibe ba asere ba mada ribeneme akura asere ba. 6Immum be sa unubu mayo unubu mani, imum be sa bibe ba yo bibe bini.

7Kati icukuno we imum itize barki sa ma guna ya cukuno gbas akuri ayo we. 8Ueebu usuma uhama ahira iriba u uni uduki u kunna tanu tu uni utame ahira sa wasuroni uyami ahira me sa uhazani,anima izi ahira ade be sa bibe ba yo me."

9Nikodimo ma kabirka me magu, "Aneni idi cukuno?" 10Yeso ma kabirka me magu hume sa uzi unu bezi ihori anyimo isra'ila daki wa rusa ani me ba? 11Ine ini inzin nu gusan hu,imumbe sa tirusa ine ini ta buka we tizin nu kuri ubizi imumbe sata ira yagashi uhem inni mumbe sata bezi.

12Izi nu uboo ushi abanga uneh da hem ni ba,indi wa aneni i hem in na banga atize ta zezzere? 13Avene mamu nyene azesere in daki memani de be sa matuu usuro azezze abanname me mani vana unu be sa marani azezzere me.

14Kasi musa sama yeze biwa,biginome ani ja'a, ane ani adi yeze vana unubu. 15Barki vat desa ma hem in me madi kem uvenke uzatu umara.

16Barki uhemme sa ugomo asere mawu uneh men madusa ma nya vana uinde ugino me, barki vat debe sama kaba me kati macorno me, idi cukono me madi kem venke uzatu umarsa. 17Ugomo asere matubarka vana umeme uneh ugeme barki agi ma weki tize tini ba manyari uneh ukem ukaba ahira amame. 18Vat debe sama hem me, ada weke me tize ba vat debe sa ma nyari me uhem in niza nu vana u inde ugino ugomo asere.

19U weki utize teki u yenne masa'a mariba uneh anabu wa taki unu nyara u mareu nan kani. 20Vat de sa ma wuza imum izenzen ma nyar si me masa'a me nyani agu ma hanaa hira anmasa'a me barki kati a iri katuma ka zenze ka meme. 21Unu uwuza ukadura me mani madike ma-e ahira a masaa me, barki masuso tize timeme, unuguna, ugomo asere mani mawuna ini.

22Yeso nan nahana akatuma kameme wa dusa amanyanga mu yahudiya abinime madii nan we mazi nu zarso anabu. 23Yahaya mazin nu zorso anabu uainon mamamun nan nu salima barki gmei marani gbardan ahira me anabu wa ezi azorsowe. 24Barki anime da amu hanan yahaya udenge uni rereba.

25Abineme ana katuma ka yahaya wa meki matara nan ure u yahude ahira a tize tumeki unicce. 26Wakuri wa eh ahira a yahaya, wagunmme desa dati wazi wazi nanme, urusa u urdun me, desa hu necce nu we wabezi urusa ume, manno mazin nu zorso anabu ine ini anabu wazin nu haza ahira ameme.

27Yahaya ma kabirka magu in daki anya unu imum ahira a sere unu ukem ini mazoni. 28Shi acce ashime irusa uguna ana azo mimani asere me, mi a tuburkon ini a je ameme.

29Una anya memani unu unee uso uroni unu nee sa ma turi, magunna tize timeme, ma wuza apuru arom kgan innu kunna uni gmirang ni manyani manya me, barki ani me iriba iram in ya gminca. 30Me madingi ukingizi mi, indii unu kaza unupum.

31Unu aye usuro azesere marani azesere nan na nabu desa marani adizii me una dizzii mani tize ta dizii tini mawuza, unu uayye azezere mara azezere a ko de avi. 32Imum be sama kunna ma kuri ma ira, ine ini mazin nukurzo men, vat anime anu wa game imum be sa mazi nu boo me. 33Vat desa mahem ini mum be sa maboo makuri, matunno azezzere ani uguna ugomo Asere una kadura mani.

34Barki desa ugomo asere matu mime, abanga ugomo asere ani maboo, ugomo asere ma nyinza bibe bizatu ubinani. 35Acome ma hem invana me makuri mawu vat imum atari ti meme. 36Desa ma hem invaname mazin nu venke uzatu ubinani. De be sa ma game vana me, mada kem me uvenke ugino me, madi ribe anyimo iriba ugomo Asere.

41Sa ugomo asere Yeso mausi unu guna afarisiyawa wa kunna agi ma kem ahana akatuma makuri ma zorsowe matike yahaya me. 2(Azome yeso mani ma zorso anuba ahana aka tuma kami kani). 3Ma dusa maceki manyanga mu yahudiya, makuri a manyanga mu galili.

4Ya cukuno gbas ni uwatu a manyanga mu samariya. 5Ma-eh anire nipin ni manyanga mu samariya, sa atisa nini agi saikar, ma-manu nan nu ubinani u manyanga me sa yakubu mei nya van umeme yusufu.

6Urijiya uyakubuwabini ani urani: Barki auzo atanu, Yeso macukuno ani me ayo urijiya me, ina tii ma uwui uni wazi. 7Abini me ure uca wanu samariya ma-eh utuka uymei. Yeso magun me, "Nyankum gmei in sii." 8Ana katuma kameme waribe anipin ukpa imumare.

99 Ucha wanu Samariya magun, "Yeso aneni u Yahude udi ikum gmei ma saa ahira am mi sanzi unanu samariya?" (Barki a yahudawa wazo me anu inde nan anu samariya). 10 10Yeso makabirka me magu dagusi urusa unyanki wa asere uni, nani desa magunan hu unyanki me gmei me uda ikome ma nyaki we gmei mu zatu marsa.

11Uneme magunmme hu una aje uzo we ini imum u inta ugei me, urijiya me uyenne uzi coccom abani hu udi kem gmei mu zatu umarsa. 12Ya cukuno hu uteki acco uru me yakubu unuge sa cekin duru urijiya me, nicce ni meme wana ahana ameme, nan ma damba ma meme, sa wa sii gmei mu rijiya ugenne me.

13Yeso maka birka me magu, "Vat desa masa gmei maginome madi kuri makunna niwee ne gmei. 14Desa masaa gmei me sa indi nya me madi kuri makunna niwee nigmei ba gmei me sandi nyame madi cukuna me uvenke uni ahira ameme uzatu umarsa."

15Unee me magume, hu una kura gmei me mu venke me, kati niwee nigmei nikuri nimekum, barki inkuri in'eh utukame. 16Yeso magumme dusa uka aye nan nu ruma uwe me.

1717 Uneeme makabirka me inzin nu rumaba, "Yeso magummee kadura kani wabuka uzin nu uruma ba. 18Wa wuza anya kani chibi desazi nan me uruma une maniba abanna wakuka kadura."

19Uneeme magumme hu una kura marusa hu una kadura kani. 20Acokoro aru uzi biregara anipo nige me shi be yagu u urshalima uni ahira me sa ateki shi unu uree idingi u wuzizza ubi ringara men."

21Yeso magunmme unee hem mi uganiya u eze, sa adi da wuzaa biregara ba, azesere anipo, nani urshalima ba. 22Shi itunguzuno imum be sa ita shi ini, haru ti tunguzuno imum be sa ti rusa ini, barki ukem ubura uro usoro yahudawa uni zi.

23Uganiya u eze, wamu aye, sa anu tukunzino ukadura wadi tunguno acco anyimo abibe, nan kadura anu usanda utugungino ugino uni asere ma nyara we. 24Ugomo asere bibe bini an debe sa wa tunguzino me wa tunguzino me anyino abibe nan kadura.

25Unee me magunme, "Inrusa masihiya ma eze, desa atisame ugomo Asere uganiyame sama aye, madi bezi imum vat. 26Yeso magunme mimani unatize tige me sa in zin."

27Abinime ahana akatuma kameme waze wakemme mazin tize nan vanu u'eh imum me i nyawe biygan anyimo aweme daki uye magu nyanini vana u'eh me ma nyara nyani nyanini ya wuna mazin in tize nan me.

28Uneh me mahiri ma ceki nidong ni meme,ma kuri anipin ma buki anu, 29"Ayyenii liri unu be sa mabom vat imum sa ma wuza ini kati nyani memani asere me?" 30Wanno wasuri anyimo anipin me wa ka kem me.

31Arani anyimo anime ahana akatuma kameme wa tir me tari wagunmme hu una aje, "Re'imare." 32Abini me magun we inzini imare be sa shi iteshi ini." 33 33Ahana akatuma kameme wa igi acce awe me, kat uyye mani ma ayye men inimare me?"

34Yeso magun, "We imimare im ine ini in wuzi katuma kade sa matuman inkuri in minca katuma ka meme. 35Izinu gusa agi usana-ahira wade tipeu tinazi hanii? In zini uboo ushi, irani tirung l iri in tabari uguna adri bisana me. 36Unu kara ubisana me madi kem imum be sa ma nyara, makuri mazinu orzo ubi sana me ahana uvenke uzatu umarsa, barki una tibira nan unu orso wa wuzi iraba irom nigo me.

37Abanna me, ni gbuang ne tizeme kadura kani sa na guna uyyen inti bira, a uyyen unu orso. 38Matumashi uka wa saa ni re-ren shi ya kem ya re uronta me."

39Asamariyawa gbardang anipin ni gino me wa hem imme barki tize tu unee ugino me sa ma magu, ma boom vat imum be sa ma wuzii ini. 40Sa asamariyawa wa ha-a ahira ameme wa gunme matuu ahira aweme mawu tiye tire nan we.

41Ayye gbardang wa keki ana je me wa hem in kadura me barki tize timeme. 42Wa dusa wagun, "Vanu u-eh me haru ta hem in kadura barki imumbe sawabuka cas ba barki haru ta kunna ina cee aru me."

43Sa mawuna tiye tire mahiri madusa ama nyanga mu galili. 44Barki anime Yeso mabuki uguna vana ukadra ka sere ada hira me iri imum ini amanyanganmu meme. 45Sa ma biki a manyanga mu galili ini anu galiliyawa wa-eh wakabi me barki wa iri vat imum be sa ma wuzi ini a urshalima uganiya u idi, barki we me wa haa udi me.

46Manno makuri mahaa ukana a manyanga mu galili, ahirame sa magamirka gmei macukuno, uwango. Ukarna hum uyye marani desa vana umeme mazi uhumaba. 47Sawa kunna Yeso masuro amanyanga muyahudiya makuri amanyanga mu galili mano madusa ahira ameme maka tirame tari agi ma-eh ma human vaname barki amarani ayino iwono.

48Yeso magume inka daki mawuza imombe sa idi nyashi biyyau ida nyashi kadura ba. 49Una katuma kanyino kalikobo me,magunme unu-udang aye a kpana kum kudaa sarki wono. 50Yeso magunme;dusa imum iwe vana me maciki uhuma mawono ba,unome madusa ma hem in tizeme sa Yeso mabuka ma dusa atan tume.

51Maraa anyimo tanu ba ana katuma ka meme wa kabi me, wagun me, vana u weme ma huma. 52Madusa ma ikiwe uganiya be sa nipum ni vana me ni ba tuba uwuna u me shew wagun me, ninji inna azumo a inde uwui ukoni me wa ceki me."

53Ine ini acco me marusi uganiyame sa Yeso maukime, vana uwe me mahuma. Meme in nicce ni meme ma kabi kadura me, nan ana akura ameme vat. 54Iginome ine ini imum ibiyyau ikure sa Yeso mawuzi, sa ma kuri amanyanga mu galili usoro amanyanga mu yahudiya.

51Anyino anime awuzi ure uidi wa yahuduwa,yeso abini me ma dusa me urshalima. 2A urshalima,mamu nan nana tukum itam mare gmei marani a tisa mani betasda inti yahudawa akiti ahirame in madanga manu cibi. 3A ma dangame anatikoni wameme utozoni,arubo nan na gurgu nannu kasu ana tikoni wa nyarga abankurko gmei me.

45Urunu marani ma wu tiwe akure taru in tini wititari unu koni. 6Sa Yeso ma iri me marari, marusi madadan kino innu konime, manno ma ikime unyara uhuma?"

7Unu konime makabirka me magu hu unaje, inzin desa madi benkum ba uganiya sa bukurko gmei me uganiya sa ahira u hana ahira a gmei me uye madi agizamni uribe me. 8Yeso magunme hira uziki upenge uwe me udusa.

9Abinime unu konime mahuma maziki upenge umeme mamiki tanu unu uwui asabar.

10Barki anime ayahudawa wagun in de sa ahumame, kanime asabar ani daki yawuna uree uzeki upenge uwe meba. 11Manno makabirka we mi desa mahumanmi memani maguna inziki upenge umme in dusa."

1212 Wanno wa ikime uya unu mani maguna hu uziki upenge uwe me u dusa?" 13Me de sa a huma me daki marusi unu uhumam me ba,barki Yeso manu ceki ahira me barki anu wa ori gbem.

14Yeso makuri ma iri me udenge ubiringara magumme, ira wahuma ceki uwuza umadini, barki kati iri mumbe sa iteki igino me unu zenze ikewwe. 15Unu me madusa mabuka a Yahudawa agi Yeso mani mahunan me.

16Barki anime ayahudawa watubu suzurka u Yeso agi mahumzuna anu uwui asabar. 17Yeso makabirka magu acco-am mazin katuma ana me, mi me in zin nu wuza me. 18Barki anime Ayahudawa watubu unyara unaa uge sa wadi hu Yeso barki uwuza ukatuma ihuwui wa asabar cas ba agi maguna acco ume mani Asere agi mainso nicce numeme rep nannu gomo asere.

19Yeso makabirka we magu, "Aneani mabuka shi vana mada wuza katuma in sissi me ba barki vat imum be sa acco mazi nu wuza me, ine ini me vana me kane kani vana mazi nu wuza ma. 20Barki acco me mahem vaname makuri mabezime imumbe sa ma wuza, madi kuri mabezime bi wuza-wuza bige sa biteki bigino me, barki i kunna biyyau.

21Kasi acco me sama hirza mukizi makuri ma wuzi we ivai ni ani mani vana me madi wu de be sa tutto me iriba iai. 22Acco mada hungo un titoi hem anime ba madi ceki imum atari ti vana tini vat. 23Barki kodevi manonziko vaname,kasi acco me sadi nonziko vana me ba mazo me uni nonziko acco me ini.

24Ine ini mabuka shi, vat desa madi kunna tizetum manya kadura nan desa matumam, mazin nu venke uzatu binani. Ada hunguko me tittoi ba barki mamu hangirka iwono, ma hana nan nu venke.

25Mabuka shi uhaniya u'eze wamu aye sa andesa wawijo wadi kunna gmirang nivana asere anu kunna me a wa kem uvenke.

26Kasi acco me sa me mani nitin nu venke animani ma wuna vaname macukuno nitin nu venke. 27Makuri manya me nikara nu inko utize barki me vana unuboo mani.

28Kati ikunna sas tiye ti eze tige sa andesa warani amucau wadi kunna tize tumeme. 29Wakuri wasuri desa wuza katuma karere wadi hiri andesa wawuza katuma kazenzen, wadi hiri u hira u weki utize.

30Indake in wuzi ire imum ni iri sisii um,kasi rep imum be sa in kunna animani in wesi tize uwesi utize tume tire-retini barki azo imum iriba in iniinzini euza imum ide be sa tumam. 31Inzin nubezi nicce num ubezi unicce num wacukuno irimum ini ba. 32Un tize ani nicce num marani sas mi in rusa tize me sa mazin anicce nume tire-retini.

33Yatumi ahira a yahaya meme mabuki kadura. 34Vatin anemi tize me sa ma tonnon azo ti nuboo tini tizi ba. Mi mabuka anime bati i kem ubura uni. 35Yahaya upitila uni sa uzin inu raa nan ma saa ya hem unu guna iwu aburu arom gbardang anyimo aku ganiya cingilin.

36Abanna me tize me sa in boo shi ti keki ti yahaya in nikara barki katuma sa acco manyam immari, kane karu ka sa in zin nu wuzame, kane karu ka di susom ama saa unu guna acco am mani matumam. 37Acco me sa matumam me cangi mabuka tize anicce num, ite shi ni gmirang ni meme nyani irusi uzina umeme. 38Tize timeme tacukono amuriba mushi me ba, barki ya nyare shi in kadura ka desa ma tumam.

39Izi nu gungizino utize ta sere, shi ibassa anyimo ati ne tini idi kem uvenke uzatu umarsa, ani me tine tini ta sabi ta susom am saa. 40Vat anime ya nyare shi u aye ahira am ikem uvenke.

41In da uyaram tinanu ahira anabu ba. 42Ayimo ani me in rusa shi izo shi unu hem Asere a mu riba mushi me.

43Mi ma aye in niza nacoo om iyenne, shi be ya nyare mi a gusi uyye mani madi eh in niza ni cicce nume, me mani idi kabin me. 44Idi wuzi aneni ihem kadura shi sa i uyinza acce ashi tina nu ugomo asere mani una tinanu cas ya gaa shi a nyara ume?

45Kati ibassa indi han in tize tishi me ahira acco unu hana in tize tishi me marani, me mani Musa. Unu me sa shi ibassan me. 46A gusi ya hem in musa ida hem in mi barki abanga am ma nyentike ani. 47In daki ya hem ini mum be sa ma nyetike ini idi wuzi aneni i hem in tize tume?"

61Anyimo anime yeso makafa u teku ugalili, a gusan uni uteki utibariya. 2Ni gura gbardang ni tarsime barki wa iri katuma ka biyyau sa mazi unu wuza ana tikoni. 3Yeso ma nyane anipo macukuno abirko nan na hana a katuma kameme.

4(U idi wa yahudawa wa mu aye mamamu.) 5Sa yeso mavanki nicce ma iri ni gura ni gbardang ni haza ahira ameme, magun in filibus, "Abani tidi kem immu'are be sa anu age me wadi ree." 6Mabuki anime bati madari me ma iri, barki meme nicce ni meme marusa imumbe sa madi wuu.

7Filibus ma kabirka magu, immare dinari a ino ana akure ida barime kode vi makem ma re cingiln ba ma. 8Abini me andarawas uhenu u bitrus debe sa mazi vana u katuma me, magun me ana. 9Ira kure ku kpana kuinta immare ma mara u cibi musha'ir, nan ni cere ini-re idi wuzi ane ni ibari anabu gbardang ana me.

10Yeso magu bukan anabu wacukono ahira me azin ukpe. A hana ruma wa cukuno ahiranawwe wazi we udabu cibi. 11Yeso mazeki ugurasa me, sa bezi a puru aram a meme ahira Asere ma hari andebe sa cicaki ani mani makuri mawun in nicere me, ubinani imumbe sa wa bari we. 12Sa ware watii magun na hana aatuma kameme, orsoni ukasume sawade kati iremum ihun neme.

13Wanno wa orso ukasu ugurasa ugino unu cibi usha'ir uge sawa din sa koda vi mari matii, ukasume wa minca mugira kirau in mure. 14Sa anabu wa iri ubari sa ma wuzi, wa gu ani mani,unu ugeme memani una kadura kasere ugino sa ma eze unee. 15Sa yeso marusa wa nyarsa uzika ume inni kafa nan nu binani urusa abanga aweme wa tirzi me tigomo, madusa makuri anipo me in sissi ume.

16Unu wonjoro a hana akatuma kameme wattu uhana uteku. 17Wa ribe uzirgi me wa dusa ukafa uhana ukafarna hum, uganiya me mareu mamu wuna Yeso mada sarku u aye. 18Ine ini uteku utubi ranza barki upebu wa hiiri ini nikara.

19Sa wazin in tanu wa biki gusi ma mei ma taru ahana manzi, wa dusa iri Yeso ma haka azezzere agmei me, ma aye mamamu nan nu zirgi me wanno wadiri urusa ahira me sa warani . 20Yeso manno magun we kati i kunna biyyau. 21Abini me ani wa hem me maribe uzirgi me, uzirgi me uba dusa ubiki ukiri me sa wa hazan.

22Sa ahira asana ukasu uni ori me sa wadii uhuru uteku me warusi uguna ure uzirgi usoni ahira me, kure ku ciniln kuni karani, iri daki Yeso maribe une nan na hana akatuma kameme, ahana a katuma kameme kani wa dusa cas. 23Mure muzirgi mu nan na ahira sa a na ori ware immaren sa ugomo asere ma wu iriba irom men.

24Sa niori na ira yeso mazoni, ahana akatuma wa zoni ahirame, wa dusa waribise a mu cinici mugino cangi, uhana ukafarna hum unyara u yeso. 25Sa wa kem me uhuru utekum me, wagume hu unudang, "Wa aye abanname unu mayya uni?"

26Yeso makabirka we magu, rep animami,in booshi izi na nyara um azo barki imum ibiyyau, barki immare ini sa yare ya tonii. 27Kati iziti unu nyara immare ige be sa idi corno me, inki immare ido-dongino uhana uvenke uka biki uvenke uzatu umara, uge sa vana unubo mani madi nya shiBarki me mani unu be sa acco, mamani Asere, ma nya me likara ni wuna ugino."

28Wanno imum be sa asere ma nyara? 29Yeso makabirka we magu, katuma ka gino kane kani Asere nyara, ine ini ihem in de sa ma matuma me."

30Wanno wagumme nyanini udi wu i biyyau sa tidi iri ti hem in huu? uyanini udi wu? 31acokoro aka cokoro aru ware inama anijaa,sa anyetike unuguna, ma nyawe immare usuro azesere warii."

32Ine ini yeso magun we,inzinnu buka ushi, izome musa mani manya shi immare me sa asuso ini azesere me ba, acco am mani manyin shi immare me. 33Ya ira immare igomo Asere ine ini i suso azesere, unu nya unee uvenke. 34Wanno wagumme ugomo Asere uyan duru immare igino-koya uwui.

35Yeso magum we, mimani immare nyinza uvenke me, desa ma aye ahire am, madi kunna ikomo ba desa manya kadura madi kunna niwe ni gmei ba. 36Ma mabuka shi ya ira vat ani ma daki yanya kadura me ba. 37Vat desa acco me manyan, madi eh ahira am, desa ma aye ahira am mi inda gido me ba.

38Barki matino azezsere azo gunna intarsi iriba ini cce num neneba, sai intarsi ireba idesa matumam. 39Iriba idesa matumam, ine ini in hem nan kodevi anyimo aninonzo nan desa manyam, indi hirza we rono aye umeme. 40Iriba yaco am, vat desa mahira vaname,manya kadura nanmi, madi kem uvenke udadankino, mi indi hirzame rono aye ugomo asere.

41A Yahudawa wa meki ugbejere agi Yeso maguna memani immare iginome saya suro azezsere. 42Wanno wagu, "Ingusa Yeso mani,vana u Yusufu, desa ainome nan ka come. Ingusa tirusa we? Nyanini yawuna me maguna,masuro azizsere ani?"

43Yeso makabirka magun we, "Kati ihummoro acce ashimi ba. 44Unu rusa uhana ahira am mara niba, aco memani cas desa matumum, memani ma hungu kom madi hirza anaboo rono umara unee. 45Anyentike anyimo atize ta sere,nanu bezi tize ta asere vat uwe asere ani adi beziwe, vat desa makaba mamanza ahira acome madi eh ahira am.

46Unu ira acco me mazoni abanna me desa marani ahira Asere memani maira a come. 47Mabuka shi makuri mabuka shi,desa ma nyara kadura mazinnu venke udandang.

48Mimani immare uninza uvenke. 49Vat aka co ashi me wari umanna anijaa wanno wa wee.

50Immare inno izinno tuzo azezsere kode vi marii kati kadevi ma wee. 51Mimane uzatu umara sa in zin nu tuzo azezsere desa mare immare me madi wii ba immare me sa manya inama inipum nom nini barki unee ukem uvenke.

52A Yahudawa wa hiran initize acece aure me agi aneni unu ugene me madi nyam duru inama inipum nameme har tirii?" 53Ine Yeso magun we ine ni mabuka shi, inki daki yare inama inepum ni vana unububa, ikuri isii maye mameme, izo shi unu venke ahira a shi me.

54Vat andesa wariza inama inipum num, wasii maye mam, maraa anyimo uvenke uzatu umarsa, mi indi hirzame rono umara unee. 55Barki inama inipum immare ige be sa ahira ini, maye mam immare be sa ahirani ini. 56Vat andesa wariza inama inipum num, amasii maye mam maciki anyimo am, mima ayimo ameme.

57Gusi acco me sa ma ciki anyimo uvenke sa matumum, in raa anyimo ati cukum ta cco me tini, ani mani ahira unu ge be sa imani immare imeme madi venke barki mi. 58Ige me ine ini immare sa ya tuu usuro azezsere, azo ige sa acokoro anka cokoro ushi me sa warii, vat ani me wanno wa wii. Vat desa mare immare ige me madi madi venke ukabiki. 59Mabuki anime anyimo udenge wasere, ahira me sa ma zinu bezi uwe tize ukafarnahu.

60Innu kunnu anime anugbardang anyimo ahana akatuma kameme. Wanno wagu tize tiginome tikuna, aveni madi kunna tini?" 61Yeso sammu rusa irba imeme ahana akatuma kameme wazennu humoro, mano magunwe eginome ini yacukono imum upilko?

62Idi zi ani inkiya ira vana unubu mazinnu nyeze ahirame sama rani dati? 63Abanna bibe sere bini bi eze nu venke nipum ni zin katuma ka hura, asap me sa mabuka shi abibe bi rere bini wannu, wannu venke.

64Ayye ashi me sa warani wa nyarima kadura me, barki datti Yeso marusa ande sa nyara me unya acce in kadurame, nan de be sa madi vete wen. 65Manno makuri magu ine ini mabukashi, unu aye ahira am ma, omi, inki acco am maceki me abine ani madi eh.

66Barki tize gino me ahana akatuma ka meme gbardang wakuri madumo, daki wakuri wa haki nan me. 67Yeso magun nanu kirau in wa-re me, shi me cangi inyara udusa? 68Bitrus makabirka magu, ugomo Asere ahira aveni tidihan? Hamani uzin tize tu venke uzatu marsa. 69Harume tanya kadura takuri taira hamani unu lau ugi wa Asere."

70Yeso makabirka magunwe ingusa mimane mazauka shi kirau nanawarem? Unu inde ushi uburu mani. 71Ma insi ani cce ni yahuza isicaroti usan usamanu barki memani nyam me, sa izi uye anyimo ashi me ukirau ina na ware.

71Anyimo anime Yeso mameki ukesse amanyanga mugalili mahem mateki manyanga muhudaidaba, barki ayahudawa wa nyari huna ume. 2Uidi wa yahuduwa wamu aye mamamu.

3Ine ini anu henu umeme wagunme, hira abanname udusa a manyanga mahudiya, ahana akatuma ka we me wa iri imum be sa uzinu wuza ma. 4Una katuma nihunzi maraniba, inka manyara macukono ma bari hu sa u wuza ti mum-mum tige me, kini ubezi unee nice niweme.

5Barki we anu henume daki wa hem in kadura ka meme. 6Ine ini Yeso magun we, uganiya um udazo asime vat uganiya ushe uni uzi. 7Unee ukaki uda nyare shi, abanname mi,mani wa nyare mi barki ma buka uguna katuma ka uni kaburu kani.

8Shi dusani ahira uidi me, mi inda hanam a'aname, barki uganiya um udaa sarki u aye. 9Sa mabuka we anime mausa matonno amanyanga mu galili.

10Sa anu henu umeme sawa dusa udime, me mahiri madusa anyimo awi hunzi, daki masuso nice ni meme a masaa. 11Ayahudawa wameki unyara ume ahira uidi me wameki gusa, agi maraa abani?

12Nigura nimeki bibukom anicce numeme, aye wa gusi, unubo mani sa adi iri aye wagusi mazin nu ranga anabu. 13Daki uye matonno ma buki tize timeme a ma saa, barki wa kunna biyyau ba Yahudawa.

14Sa u idi wabiki atii Yeso maribe u denge utize ta sere mabui tize. 15A yahudawa pum a wu we cam-ca, wa gu ama, aneni unu uge me maruse u bassi ihuri lau aname, iyenne daki mabezi uguna marusa ire imum. 16 16Yeso makabarki magu, urusa ugime sanzini umumi ba. Udesa matumum uni.

17Vat de sa manyara ma wuzi katuma ka Asere, madirusi ubezi wa asere uni, nya in, inzi nu uboo me anicce nu mini. 18 18Desa maboo tize barki necce nume, manyara unonzo unicce ni meme nini unu nyara unonzo udesa matumame, memani una kadura, macico mazoni anyo ameme.

19Azo musa mani manya shi ainko utize me? Vat ani me daki ya inko ni tize me anyimo ashi me.Nyanini ya wuna ingara uhuna um?" 20Anu me sa orno wakirka wagu, "Uzinu pebui aveni manyara ahuna uwe?"

21Yeso makabirka magu, katuma ka inde kani ma wuza, vat ushi izinu hira imu isso ini. 22Musa maceki shi nigbari, uguna memani matubi acokoro wa cokro wani, ayenne, i wuza nu nigbari rono uwui wa sabar.

23Unubo nigbari unu wui asabar barki kati agu afatilka tize ti muusa, ine ini ya kunna iriba barki a human nu unu rono uwui asabar? 24Kati i waki tise anyimo uzatu urusa, abanna me wenki imum be sa idi ronta."

25Ara anu urshalima wanno wagu, azome unu ugino mani sa wa nyara uhuna umeme ba? 26Mayenne mazin tize a masaa, daki wagunamme imumba, nani anaje arumae warusa memani vana aserer me? 27Agino haru tirusa ahira me samarani, uganiya sa vana asere ma eh unu urusa ahira me sa marani mazoni."

28Yeso mazennu bezi anaboo. Tize ta asere anyimo udenge Asere, manno mayeze nigmirang magu, irusam irusa ahirame sa in rani. A zo agi ma ayye barki nicce num, de sa matuman una kadura kani, meme teshi me. 29Mi in rusa me, barki ahira ame ani masuron, memani matumam.

30Bark anime wanyari guna wudi mekime, a diri de sa madi darimme barki uganiya umeme wada sa arku aye. 31Vatin aneme anabo gbardang ahira anigura me wa hem in kadura ka meme, wazi nu gusa ana, uganiya sa ugoma asere ma aye, madi muzi ti mummu tige sa ti teki ti unu geme? 32Afarisiyawa sa wa kunna magusa- magusa anime, abini me ana adandang atize wa farisiyawa watumi ana katuma kudenge Asere agi wa mekime.

33Yeso magu, "Ana uganiya um wa dee cingilin nan shi, abini me ani indi kuri ahira ade sa ma tumam. 34Idi nyarin ni, ida irani ba, ahira me sa indi rani ida kem i haa ahira me ba."

35Abini me ayaduawa wanno wagu acce-acce awene, "Abani ma hazanna sa tida ke ti haa ahira mee? Ma haza ahira a Yahudawa be sa warani anyimo alem, ma bezi alem mee. 36Ma bassa aneni unu guna agi, idi nyari ni mi ida kem mi ba? Nan nu guna agi ahira me sa in rani ida kem i haa ani ba?"

37Rono masirka uidi, uwui udandand yeso mahiri matono, mayeze nigmirang magu, desa makunna asaa agmei a ma eh ahira am masi gmei. 38Vat sa ma hem mi, gusi ubuku utize ta Asere, usuro iriba imamani maraba ma gmei madi zi.

3939 Agino me ani mabuki abanga abibeu, ahiran ande be sa hem me wadi kabi, barki daki a munya bibeu me, barki sa a daa saarku unoziko u Yeso.

40Sa kunna tize tiginame, aye anyimo ani gura wagu, animani unu uge me memani una tize ta sere ugino me. 41Aye wagu, unu geme Asere mani, aye wagu nyanaa? Asere madi sura a manyanga mu galilinmani?" 42Tize ta sere daki ta buka uguna Asere madi suri ani kura ni Dauda nini ba, nyani ubaitalami uni tirani, nigiro sa Dauda ma a'kin?"

43U harzina waribe a acce-acce aweme ameme. 44Ayye wanyari umeki ume, wanno wa diri acce uguna wa meki me nyani unu inde ma daki madari me ba.

45Abini me ana katuma kudenge Asere wakuri ahira ananu a ma firistoci nanna Farisiyawa wanno ayen me ahira aru me? 46Ane ani ana katuma kudenge wagu, azo animani izi, daki uye ma ma cukuno mabui tize gusi tigino me!.

47Afarisiyawa waka birka we wage, kati, shi me cangi a soki shi a ma reu? 48Antani uye marani anyimo ana jaa nyani Afarisiyawa ma hem in m? 49Nagura nigenome sani da ta me tize ta sere me, Asere a vavi we tari adii-si.

50Nikodimo sa mahaa ahira ameme dati, me arani nanwe, mayunwe. 51Ani, tize tiru ta guna weki unu tize azo akunna anyo amemeba, arusi imumbe sa ma rani anyimo me?" 52Wa kabirka me wagu, hume unanu galili mani? Gunkonon memeru uiri, unu ube zi utize ta sere mago ni sa madi suri amanyanga mu Galili."

53Abini me kondevi ma dusa akura.

81Yeso maha ani po nu zaitun, 2Ni sisizo maze udenge wasere, anu vat wa eh ahira ame; ma cukuno madun garwe. 3Ba anu nitike nan nanubezizi uru sa wa en ure vanau e sa amekki me in ni hara ni ma dini. Wawume atii.

4Ba wagun me, "Unu dungara, unee uginome a mekkime mara anyimo uwuza uni hara ni madi. 5Anyimo uweki utize ti Musa maguna n duru ti tizi usasana wanu aginome, hu nyani waguna me?" 6Wabuki anime barki wa masame. Wa kem imumbe sa wadi buki ani ce nu me, Ba Yeso ma tunguno ma nitiki a dizii inni bo nume.

8Sawa reje innu igizo ume, maluri ma tonno magunwe, "Deebe sa ma zoome in madini ba anyimo ashime, matubi u vingizi ume inpo". 7Makuri mutunguno, ma nitiki innibo nume adizii.

9Sawa kunna anime, wasusi a inde-inde, umeki uzika unaanu uwe. Umasir ka a ceki Yeso me i sisi ime nan nu ne me sa mara atii awe. 10Yeso mahiri matonno ma gunme, "Unee, ani anu boo uwe wa raa? Daa unu reki uwe marani ba? 11Magu, "Unu mazoni, Ugomo Asere" Yeso magu, "micangi daki mare kuwe ba. Dusaule kati ukuri u wuzi ni hara nimadini.

12Yeso ma kinki ubuku tize nan nanume magu, mimani masz munee, me desa ma tarsam, mada wuza me tanu anyi mo amareuba. Anime madi kem masa mi vai. 13Anu bezizi urusa wagun me, "U nyinza urusa uni ce nuwe, urusa uwe daki u ka daure kaniba".

14Yeso ma kabirka magunwe, "Inki manya urasa ani ce num kadure kani, inrusa ahira sama suroni nan na hirame sandi dusani shi tashi ahira sa masuro ni ba, ida kuri irusi shi ahira sandi dusa niba. 15I wesi tize tu hemu ni ce, mi daa mawe ki uye tize ba. 16Ko gusi ma agu ma weki uye tize, u weki utize tum kadure kani barki dakki min sisi in iniba, inzi nanka coo desa ma tumam.

17Um, anyimo u inko u tize tishi a ni tike u guna unyinza urusa ana ware kadure kani. 18Mimani in zini nyinza urusa unice num, me a coo desa matumam mazin nu nyinza urasa um.

19Wagun me, "Acoome maraa?" Yeso ma ka birka we magu, "itashimiba nani a coo um , inda gi irusam ida rusa a coo u me. 20Mabuki ni guran nigino mamu nan na hira ati inso uganiya amen nu dungara anyimo udenge Asere, ani me daki uye ma meki barki sa u ganiya u me dakki wa wuna ba udaza.

21Makinki uguna uwe, "indi dusa, idi nyarini mi ida kem me miba, idi wiji a nyimo u cara abanga ashimeni. Ahira san in haza idake irusa u hana me ba. 22Mayahudawa magu, " Madi hu ni ce nume ni ni, sama guna ahira sa in haza idakee ida hana shiba?"

23Yesu magun we, shi a dizi ani irani, mi Asesere ani. Shi ira unee ugeuni, mi kuma daki un nee ugen ne uniba. 24Inee ini ya wuna magunan shi idi wiji anyimo ucara abanga ashime in. Indaki ya hem in mi ba idi wiji anyimo amadi mashi.

25Ba wagun me,"Humani aveni?" Yeso magun we, "imumbe sa mabuka shi da ti utuba. 26In zin ni mum gwardang san di buki shi, inkuri in gbarika shi aini. Vat a ani me de sa ma, tumam, una kadure mani, ati mumume sa makuna ahirame, ti mu mum tigino tini in bo unee." 27Daki wa rusa imumbe sa mazin nu bo me ani ce na coo me.

28Yeso magu, "Inki yahiriza vana unu Azesere ani me idi rusi mimani, daki ma wuza ani me barki ni ce mumba, kasi gusi a coo ma dungaram, ane ani in bo ti mumum tiginoo. 29Mede sa ma tuma, ma zi nigome nan mi daki ma cekum isisi imba, barki in wuza timumu sa ti mumum tiginoo. 30Sa Yeso mazin nu bo uti mumu, gbardang wa hem in me.

31Yeso ma buki Ayahudawa sa wa hem in me, "inki yatonno anyimo atize tum shi anu tarsa um wani aka dure. 32Idi rusi kadure, kadure kadi burishi. 33Wakabirka, "We bisana bi Ibrahim bini daki tamu wuza nirere ahira a uyeba, aneni udigu, a dibuiri shi?"

35Yeso magun we, " kadure, kadundure, in gussan shi, vat de sa ma wuza bi wuza wuza bima dini urere u madini mani. 34Urere be, mada cikke akura madini ba,dama ciki madisani. 36Barki anime, inki vana mabura shi, idi cukuno anu bura kam.

37In rusa shi bisana bi Ibrahim bini, inyara ihuni mi barki ni guran num ni zomen na hira ati cukum anyimo ashi. 38Mabuka ti mu mum sa ma ira ahira a coo um, shi iwuza imumbe sa ya kunna ahira a coo ushi."

39Wa kabirka wagun me, "Ibrahim mani a coo uru" Yeso magun we, "Gussishi a hanna Ibrahim wani ida wuza i mumbe sa Ibrahim ma wuza. 40Ine ini aname inyara ihunimi, unume sama buka shi kadura sa makunna a hira Aserte. Ibrahim daka ma wuzi anime ba. 41I wuzi imumu ya coo ushi. Wagun me, "Haru daki ayon duru upebu uniba, tizinka coo u inde: Asere."

42Yeso magun we, "Gusi Asere a coo u shi mani, ida hemin mi, barki ma aye usuro a hira Asere mibe abame, daki barki ni ce num nini ma aye ba, Me nani matuman. 43Nyani ya wuna daki ya rusa tize tumba? barki sadaki sa idake ikuntize tum tiniba. 44Shi wa coo, ushi uburu mani inyara i wuzi imumu ya coo ushi. Me unu huzaa nu mani daati utuba mada tunzino me a kadure barki kadure ka zoni a anyimo ame. Uganiya sa mabo ma cuco, mabo u zina ume uni barki me una macuco mani nan ka coo a mooco.

45In boshi kadure daki ya nyaa ce in mi ba. 46Avee ni anyimo ashime mamekum in hara nimadi? Inki mabuka kadu re kani nyani yawuna daki ya hen in miba? 47Me de sama zi wasere make ma kunna tize ta, asere, shi da kunna shi tize tasere barki sa shi da Asere."

48Mayaduwa wakabirka me, "tidabome kadure ba barki sa taguna hu ubasamariya mani u zin na gbergene?" 49Yeso makabirka, "Minzoom na gbergene, inyinza a coo um ti nanu. Slibe ida nyin zami tinanu tum ba."

50Idaa nyaram u ye zize u nice numba, anunyara u anime warani wagwara. 51Kadure, Kadure imboshi. Vat due sa matarsa tize tum, madida irame iwono ba."

52Ba mayahudawa wagunme, anume tarusa in zin na gbergene. Ibrahim nan ana katuma kasere wa wijo. hube waguna, debesa matarsa tize tuwe madi da donkin kino me iwowoba'. 53Uda tekuwe a coo uru Ibrahim sama ma wi, nani uteki me? ana dang aka tuma kasere wawijo, hu ucira nice nuwe aveni?"

54Yeso makubirka, "Inki ma heza nice num uyeze usisi unee ani, acooum mani Asere ashime. 55Shibe itashime ba, min inrusanme. inki maguna intamin me, macukuno kasi we ini, una ma cuco. 56Min rusanme intarsa tize tume. Aco ushi ibrahim ma zin na puru a rum in nu ira u wui um, ma ira uni ma wuna apum arum".

57Ma yahudawa wagun me, "Daki wabiki tiwe akuru ciibi sa udigu wamu ira Ibrahim?" 58Yeso ma gun we, "kadundure kani in boshi, ayoo Ibrahim adumo am ani. 59Wa ziki apo wadi tizimeni, Yeso ma hunze nice mimeni, ma suri u denge Asere me.

91Sa Yeso ma haka u aka ma iri ure urubu datti sa ayo me. 2Anu tarsa umeme wa iki me"vana udungara utize ta Asere, aveni ma cari abangan, me mani nani aka co me, sa ayo me urubo?

3Yeso makabirka, Inzo memani ba nan aka co me wa cari abangan ba, ani me bati abezi katuma ka Asere anyumo ame. 4Ya cukuno gbass tiwuzi katuma ka de sa matuman unu wui. Niye ni ize ba de sa madake ma wuzi katuma. 5Uganiya sa marani une mi mani ma saa mune.

6Sa Yeso ma boo timum tigeme, ma cofi tobi adizi, ma cumzo manyanga me in tobi tumeme, ma humka aje unu me inti nyanga me. 7Ma gun me, dusa, uka kpico ani w(n nu siliom (Agi kadura). unu me ma dusa maka kpico aje me apokino.

8Anu turra umeme nan nabu sa wa russi me ini kuri wa gu, "Inzo unu ugeme mani unu wuza unukuri nigemeba?" 9Aye wa gun "memani". Aye wa gu " im-im,anime ma insa muhenu mumeme". Anime ma gu "mimani unu igino me".

10Wa gun me " Awuza aneni a poko we aje?" 11Ma kabirka "Unu me sa agusan me Yeso mani ma rumo tinyanga ma humka aje ma gunan mi. hana uraba u siluwam uka kpico. mi be maka kpico. aje anno apokino". 12Wa gun me "ma raa? ma kabirka in tam ba?"

13Wa eh unu nume sa maazi urubo me ahira anu bize urusa. 14Unu wui wa sabar uni Yeso ma pitti tinyanga, ma poki me aje men. 15Anu bezi urusa wa kuri wa iki awuza aneni apoko me aje me. ma gun we "ma wunam tinyanga aje am, ana me in hira".

16Aye anyumo anu bezi urusa me wa gu "unu ugino me unu Asere mani ba barki mada tarsa uwui asabar ba" Aye wa gu "Adi wu aneni unu cara abanga ma wuzi usandi imum igeme?" Abini me wa harzina. 17Wa kuri wa iki urubo me, "Nyanini u boo anice nume barki sa ma poko we aje?" urubo ma gu "unu kurzo utize ta Asere mani". 18Ana me daki a Yahudawa wa hem ini rubo imeme nan upokino aje ameme ba, senke sa wa titi anu uyo ude sa makem upokino aje me.

19Wa iki anu yo umeme, "Vana ushi me mazigeme sa ya guna ya yoo me urubo me? a wuna aneni ma hira aname?" 20Anu yo umeme wa kabirka we "Tirusa vana ugeme uru mani, ta yoo me urubo. 21Ana me sa ma hira titandura ba, de sa ma poki me aje me titandura me ba. Ikoni tize inice nume" .

22Anu yo umeme wa buu timum tigeme, barki sa wa kunna biyau ba Yahudawa. Barki sa a Yahudawa wamu hem vat de sa ma guna Yeso vana Asere mani, wadi suso me udenge Asere me. 23Barki anime ani anu yo umeme wa gu, "ma zome vana ba ikomme".

24Wa kuri wa titi urubo me uku kure wa gun me, "Nonzo Asere. Haru tirusa unu ugeme unu cara abanga man". 25Unu ugino me makabirka, " In tam nan me unu cara abanga mani, imum inde ini inrusa mazi urubo mani, aname be in hira".

26Wa gun me "Nyanini ma wuna we? ma wuu aneni ma poki aje awe me?" 27Mamu buka shi daki ya kunnaba! nyanini ya wuna inyara ikuri ikunna? Nani inyara icukuno anu tarsa umeme, ana me? 28Wa cari me iruban wa gu "Huu unu tarsa ume mani, haru anu tarsa u Musa mani. 29Tirusa Asere ma buu tize nan Musa titanduru unu ugeme ma suro abaniba".

30Uni me ma kabirka ma gunwe "kash ita shi ahira me sa ma suron ba, ma ye ma poko aje am. 31Tirusa Asere madi kunna anu csara abanga ba, ingi unu ma nya nice ma wuza imum sa ma ma nyara, maka kunna me.

32Datti sa abari unu daki amu kunna uye ma poko aje unu sa ayoo me urubo ba. 33In dagi unu ugeme inzo ahira Asere mani ba, madada wuza imum ba". 34Wa kabirka wa gun me "Aye we anyumo ucara abangan, huu be u nyara u dungaran duru?" wa suso me.

35Yeso ma kunna agi we suso me udenhe Asere. Ma kem me ma gun me "Wa nya vana Asere uhem?" 36Ma kabirka me ma gu "Aeni me, Ugomo Asere, sa indi hem me?" 37Yeso ma gun me "wa ira me, memani mazin tize nan hu"38Unu me ma gu. "Ugomo Asere ma hem". Ma wuzi me ninonzo.

39Yeso ma gu "Ma aye unē ugeme barki ubarka an de sa wa ira wa iri, barki ande sa wa hira wa cukuno arubo". 40Are anu bezi urusa sa wazi nan me wa kunna timum tigeme, waiki me "Haru arubo wani cangi?" 41Yeso ma gun we "Idada zina shi anu cara abangan ba ingi shi arubo wani ana me ya guna, Ti hira,' ani me ucara ushi me wa cukuno.

101Kadura, kadura inboshi desa daki maribe ana tukum uhana itamba, manno matarsa ure una, unu uginome ukari mani. 2Desa da maribe ana tukum memani unu tarsan ini tam imi.

3Unu hira anatukum ma adi pokimeni itamme ikuna nimyiran numeme, matisa item imeme in ta zaa tiwe na kuri ma han we amatara. 4Sa ma ēn we vat a matara, ma haki aje aweme, itame unu tarsa ume, barki wa rusa nimyiran numeme.

5Wa ke wa tarsa ugenuba senke wa sumime, barki wa tame nimyiran ni ugenuba. 6Yeso ma wuzi we tize in nubata, da wa tinka imum me sa ma buu we ba.

7Yeso makuri magun we, "Kadundura, kadundura, in buu shi, mimani ana tukum item. 8Vat andesa wa ē aje am akari wani nan anu bursa tirunga tanu, da itam me ya kunna we ba.

9Mimani anatukum, me desa maribe ahira am, madi kem ubura, madi ribe ma suri makure makim ahiraukese. 10Ukari mada ezeba senke barki ma wuzi ni kari nan uhuna anu, ma aye ini barki wa kem uvengize wa kuri wa kem uvenke gbardan.

11Mi mani unu tarsa inanu uhem, unutarsa inanu uhuma maki nyanice nume barki itam ime. 12Desa mazi vana uka dura, da unu keseba, desa da memani unu itam, ingi ma ira Biyayau bi eze madi sumima ceki itam me, Biyayau me bidi zike itam me bi samirkawe. 13Ma sumi barki me una katuma ki kirfi kani mada igizome ini itam ba.

14Nimani unu tarsa ina anu uhuma, in rusa am, am wa rusam. 15Acoo me ma rusam, nima in rusa acoo me, ma nya nice num barki itam. 16In zin in ire itam sade ini goo nige niniba itam iginome, ya cuku, in ēn in ini, we cangi wadi kuna nimyira num barki wa cukuno nigoo ni inde unu utarsa u inde.

17Barki ane ani acoo ma hem in ni ma nya iriba barki in kem me. 18Unu zika ume ahira am ma raniba, ini nice num ma nya shi me barki ma bari in nya me, inzini ubari in ziki me. Na kaba ubuka ugino me ahira acoo um.

19"Uhana ace wa ribe anyimo ama Yahudawa, barki ogoran agino me. 20Gardan anyimo awe wa gu, nizin unu gbardan, unu iranza mani. Barki nyanini in zinu kunna ume". 21Aye aweme wa gu, agoran agino da ade sa mazin in na gbargena mani ba. Nani una gbargene mada ke ma poki aje urubo?

22Uganiya u udi kpechu a Urushalima wa aya. 23Uganiya unikuzi nini, Yeso mahak anyimo anikobo ni Sulemanu. 24A Yahudawa zogizi wa gu, "Unu maya uni idi ceki duru, anyimo ma, aye, ingi hama iri Asere, bukan duru ti rusa".

25Yeso magun we, "In boo shi a ani daki ya hem ba, imum be sa in wuza anyimo nizana acoo um ine ini ibezizi me aveni. 26Vat ani me daya hem ba barki shi da itam in ini ba.

27Itam ini ikuna nimyiran num, in rusa we wa tarsam. 28In nyizawe i zatu marsa, wada dinkino me iwono ba, unu bara uwe ataritum mazoni.

29Acoo um, desa ma nyam we mateki kondavi uni gbardan, unu rusa ubura uwe atari acoo ma rani ba. 30Ni nan kacoo a inde ani. 31Ba ma Yahudawa wa ziki apo barki wa vingizi meni.

32Yeso makabirkawe, "Mabezi shi timu mum tihuma gbardang ahira acoo um barki iya imum ini anyimo iginome izin vingizi umni?". 33Ba ma Yahudawa wakabirkame, "Da barki kare katuma kahuma kani ti nyara uvingizi uwe ni ba, barki u cara, barki hu unu ma ni, ukurzuzo nice nuwe Asere".

34Yeso makabarka we, "Unyitike u ginome u zoni, anyimo ashi, maguna, "Shi makiri?". 35Inki mattawe makiri we ande sa tize ta Asere ta ē ahira aweme (wadake wa da pura me tize ba). 36Ibo desa acoo ma zauka makuri matumime unē, uzinnu cara, Barki maguna , mi vana Asere mani?.

37Indaki ka coo um kaniba kati ihemin mi ba. 38Ingi in wuza anime, daki shi yahem inmi ba, hemni inni mu me barki i rusi, ikuri irusi acoo ma raa anyimo am, mi in raa anyimo coo. 39Wakuri wa sokace umeki ume, madusa me imumime, masuri atari tuwe.

40Ma dusame imum ime uhana uraba u Urdu, uhana ahira sa Yohana ma zin nu wuza u baptisma makuri ma cukkuno a hirame. 41Anu gbardang wa ē ahira me, wagu "Kadure daki Yahaya ma wuzi ire imum u ira ba, vat imum me sa Yahaya magu anice ninu ugeme kadure kani". 42Anu gbardang wa hemen imme a hirame.

111Urunu nisame Li'azaru, mawzi uko ni. Me unanu Batayamani agiro an maryamu nan nu henu me Matta. 2Maryamu uginome sama humuka Ugomo Asere in mani mahuma mavisi me ti buna tume inti ce tumeme, deebe sa uhenu me Li'azarus mazi uhumaba.

3Anu henunugino me a eh watumin inkadura ahira a Yeso, agi, "Ugomo Asere, gunkuno, me de sa wahem ni mazome nihuma ba". 4Sa Yeso ma kunna, bama gu "ukoni uginome udaa ayo me in ni wonoba, anime uzika Asere uni, barki vana Asere makem ninonzo ahira ame".

5Yeso ma hemum matta, nan nu henu u me a Li'azaru. 6Sama kunna uguna Li'azaru mazi uhumaba, ba ma cukkuno uha atiye tire ahira sa ma raa ni. 7A' anime, magun nanu tarsa unme, "Acatiha u Yahudiya".

8Ba anu tarsa umeme wagunme, "Unu dungara aname ma Yahudawa ma nyarawe barki wa tizziwe inna poo, anime unyara ukuro abirkome?" 9Yeso makabirka magu, "Ingussa uganiya kana kirau in kani kare ka ni ani hiriba? inki unu ma wuza tanu inwui, Mada pilikome ba, barki mahira u suro umasa mune ugeme.

10Anime inki unu ma wuza tanu a nyimo aniye, madi pillizo barki masa ma zoo me nan meba. 11Mabuka immum iginome, adomo atinum tigino me, bama gunwe, "Uroni uru Li'azaru mahama amoro ma, indiha inka hiriza me.

12Ba nu tarsa umeme wagunme, "Ugomo Asere, inki moromanimazin innu wuza madi hiri". 13Yeso ma buki tize tiwono i Li'azaru we wa gusi mazin inmoro muvenk u ni. 14Yeso beziwe uguna, "Li'azaru ma wono.

15Inzin hiruba irum barki shi, san zoo ni barki ihem. Acetiha ahira. 16Toma sa atissame bibara, magun nu kasu anu tarsa umeme, "Acatidusa barki tiwi nogome nan Yeso".

17Sa Yeso ma buki, makem Li'azaru mamu wuna tiye tinaazi anyimo acau. 18Ubatanya uzi mamu nan nu Urshalima, "Tanu tini cin sa ti zoome piit nan we. 19Ma Yahudawa gbardang wa eh u iso u Maryamu nan matta tiyom ti wono unu uwe. 20Sa Matta ma kunna Yeso ma eh ze, bama dusa barki maka kemme, a Maryamu ma ciki anyimo kura.

21Matta magun Yeso, "Ugomo Asere , dagu urani unu ura, mada wonoba". 22A anu ma vat imube sawa ikko ahira Asere madi nyawe. 23Yeso ma gunme, "Unu uwe madi vengize".

24Ba matta ma gunme, "Min rusa maa vengize roo nu hira anu wijo roni mara vat". 25Yeso magunme, "Mimani uhirsa a nu wijo, im mani u veno ize, desa maa nya kaduren in mi, in ma wono madi vengize. 26Anime vat desa ma vengize, mahem in mi, mada wono ba, wa hem in ani me?"

27Ba magunme, "mh. Ugomo Asere, mahem ma inko iriba hamani vena Asere sa u eh ze unee. 28Sa maa buki anime, makuri makatita uhe nu me Maryamuanikira. magu "Unu dungara mabiki, matissawe". 29Sa ma kunna anime, mahiri dibe maha ahirame.

30Yeso mazi mamu ribe akkupinme ba, maraa ahirame sa matta ma kem meni. 31Nan ma Yahudawa maginome sa ma zi nan Maryamu, ande sawa eh me tiyom. Wairi ma suro akura dibe, watar sime, waa basa agi mahana a so a ni icau. 32Sa Maryamu mabiki ahira a Yeso, ma rizi atibuna tumeme, magu, "Asere, agi wa zi nan haru, uhenu um mada wonoba".

33Sa Yeso ma irame mazinna so, nan ma Yahudawa ma gino sama tar sime, ma bassa anyimo abibe bilau makuri ma wuzi ma aye. 34Magu, "Abani ya natameni?" bawa gunme, "Asere, aye ira". 35Yeso ma shi.

36Ma Yahuidawa wagu, "ira u hemme sama zini ahira a Li'azaru!" 37Aye wagu, "Unu geme sa ma nya u rubo u hira hira, madake makarti unu uge me iwonoba?.

38Yeso mazinnu basa abanga in nice nume, madusa icaume, icaume ubere unu a inpin inipo. 39Yeso magu, "Akari nipome" matta u he nu u Li'azaru sa wi, magun Yeso, "Asere, nipomme naa mu ma wuna tiye tinaazi". 40Yeso magunme, "Magunan u inki wa hem udi iri ubari Asere".

41Wa kari nipome. Yeso ma yeze aje magu, "Acoo, ankoi barki u kunnam". 42In rusa ukunnam vat uganiya, barki nigura nige sana katem inzin tizee tiginome, barki wa hem hamani wa tumam.

43Sama guna anime, mayeze nimyiran magu, "Li'azaru, suro! 44Uni wonome ma suri, tibuna tumeme nan tari me atirzi innu malti, muhenu me a impi unu poru. Yeso maa gunwe, " Soponi me, madusa".

45Anyimo Yahudawa sa wa eh ahira a Maryamu wa iri mmme sa Yeso ma wuza, wahem. 46Aye wukuri ahiraanu bezi urusa wa buku we imumbe sa Yeso ma wuza.

47Ana katuma kadang ka sere nan anu bezi urusa wa ari ti cukum ahira inde, wagu, "nyaani tidi wuzi?" unu geme mazin nu bezi imum gbardang. 48Inki ta ceki me anime, vat wadi hem imme, ma Romawa wadi eh waburi a hira aru nan ti mum tiru.

49Vat anime, uye anyomo, kayafa sa me mani unu dangdang ukatuma ka sere aniwe niginome, magun wa "Ita shi imumba". 50Daki ya merum unu inde mawi barki anu, innu vat ta nu wawi.

51Mabuki anime barki daki ni ce nu meba, barki me mani una katuma ka sere kadang, mawuzi tizee tigino ubezi uguna Yeso madiwi wi barki anabu. 52Daa barki sa anu cas ba, barki a orso ahana Asere sa wa shagali ahira a inde. 53Datti usuro uwui ugino me watubi unyara una uhuna u Yeso.

54Datti abinime Yeso ma cekki tanu amasa anyimo a Yaudawa, makuri unire nikira anija ai pine sa atissa Ifraimu. Abirko me ma cukunonan nanu tarsa umeme. 55Uganiya vidi wa Yahudawa wa eh maa mu, vat uwe wadusa u urshalima ani kira nini pin me da uwui u idime wamu aye ba barki wa kpici ace a we.

57Waribe unyara Yeso in tize inna cece awe sa wa tutur anyimo u denge Asere, agi, "Nyani ibassa? mada aye me u idime ba?". 56Unakatuma kadang ka sere nan anu bezi rusa wamu nya tize agi vat ahira sa a ira Yeso ni a eh abukkuwe barki waka mikime.

121Adi tiye utasi u idi u eh yeso vana Asere ma eh ubatanya ahira sa li'azaru marani, de sa yeso ma hirza me iwono. 2Asiri imumare ini yee abini me, marta mani ma wuzi niyau me, li'azaru mara anyimo anu reeme na yeso me. 3Maryamu ma ziki mani ma humaka atibuna ti yeso, ma ditri in tice tumeme, akura a dusa agumurka unu nya umani me.

4Yahuda iskariyoti, unu anyimo ahana aka tuma kameme, de sa madi nya yeso me, ma gu. 5Nyani ya karti azizi mani mage me, ama danarii akura ataru, ahari anu dira ikirfi me?. 6Ma buki ahini me, barki ma da nyiza me anu dira ba, barki me ukari mani ulalitan ikirfi me ura atari time tini madi sosi tari anyimo me ma isa ikirfi me.

7Yeso magu, aceki me ma inki mani me, barki ronu uvati um uni. 8Iciki na nanu udiri ko di uya uwui, ida ciki shi na mi kodi uya uwui ba.

9Sa ni ori na yahudawa gbardan na kuna agi ma rani, wano wa eh, u aye uweme azo barki yeso mani cas ba barki wa iri li'azaru desa ahirza me iwono. 10An dadan dang wa cukuno wa gu, ahu li'azaru me cangi. 11Barki me mani ayahudawa gbardan, wazinu harzina utarsa u yeso.

12Ahira asani ni ori na u sa wa eh u idi, sa wa kuna yeso madi eh a urushalima.13Wa ciri mava mu dasino wa susi uka kaba ume, wa heze amyinan wa gusi hossana a, anonzo niza nun eye anyimo aniza nu gomo Asere ugomo isra'ilawa.

14Sa yeso ma kyem ku zanki ma nyineni, kasi sa anyetike agu. 15Kati ukuna biyau, uca anu sihiyona, ugomo uwe mano ma eze asesere aku zenki.

16Unu tuba ahana katuma kememe wa rusi imume ba, sa amare ninonzo ni yesu, wadu ringi imume sa anyetike abanga mameme i yenne awuza me ini.

17Ni ori me sa ma zina we uganiya sa ma titi li'zaru masuri anyimo icau, ma hirza me iwono, we wani wa bezizi agi ana. 18Ine ini ya wuna ni ori me na suri ukaba ume, barki sa wa kuna ma wuza timumum.19Afarisiyawa a gusin na cece awe me, ya ira! ti darusan duru iri mambe irani une vat ura amaru ame ani.

20Ade sa wa eh u idi uni nonzo a helenawa wa rani. 21Sa wa eh ahira a filibus, unu anu betsaida amyanga mu galili, wa iki me wa gu, "Una kura ti zin nuzo ti iri yeso." 22Sa filibus ma ha maka buka Andarawus, andarawus makuri maka aye nan filibus wa duku buki yeso.

23Yeso makabirka we magu, uganiya wa aye sa adi nonozo vana unubu. 24Ane ani in boo shi, ingi da abira be hoo bi alkama ba wono ba, bidi cukuno isi si bini. Ingi ba wono bidi nyozo ahana.

25Unu so urai umeme madi diri uni, desa ma game urai umeme unee ugeme, mabarka uni uhana umara unee. 26Desa madi wuzom katuma, ma tarsum, Ahira sa irani abine ani urere um madi cukuno ni, desa ma nonzom aco madi nonziko me.

27Ana me in kuna gitak iriba im, nyanini indi gu? in gu aco zikam uganiya ugeme? ma aye ini barki uganiya ugeme. 28Aco nonziko niza nu we me, a kunna nire ni nyira asesesre na guna, ma nonzome idi kuri in nonziko me. 29Ni ori me sa ma turi ahira aweme wa kuna ni myira, wagu, "Iri imum ini ya gumo" aye wa kuru wa gu, "Bibe biri ba sere bini ba buka me tize".

30Yeso ma kabirka magu, azo barki mimani awuzi nimyiran nigin aba, barki she wani. 31Ana ani adi wuzi une dang une ugeme .

32Me uganiya sa ahenzem asesere adizi indi hunguko anu vat ahira am. 33Ubuka anime ma bezi usanda iwono sa madi wuzi.

34Ni ori me na kabirka me nigu, u shiria uru wa bezin duru unu guna a vana Asere madi cukuno uhana umara unee. Anani udi gu udoli uni ayeze vana unu? aveni vana unu me?. 35Yeso magun we, masa mazin nan shi uhana uganiya cin waje. Wuza ni tanu uganiya sa masa mazi na shi kati mare ma biki shi, una tanu anyimo amare ma tame ahira sa ma hakani ba. 36Hem ni in masa me, uganiya sa in zi nan mani, barki icukuno in me a ma sa. A yahudawa wa hem in me ba, yeso ma buki ani me uganiya sa ma dusa uka gune uwe.

37Yeso ma wuzi we tere timumum gbardan aje aweme, in anime wa hem in me ba. 38Barki amyinca ubuka ishaya magu, ugomo Asere,aveni ma hem in tize tuwe me? ahira aveni abuki ubari ugomo Asere.

39Ine ini ya wuna da wa hem ba barki ishaya ma kuru magu. 40Ma wuna we irubu, makuru ma wuna we ugas umu riba, kati wa hira inaje aweme, wa kuri wa rusi amu riba.

41Ishaya ma buki ani barki ma iri ninonzo na Asere, ma kuri ma bo ubari Asere. 42Barki anime anu gbardan anyimo ana katuma me wa hem in me, anime barki biyau ba farisiyawa, sa wa be za ace ba, barki kati agz we. 43Wa tikin nu su ninzo na nabu ini nonzo na Asere.

44Yeso ma yeze nimyira magu, desa ma hem in mi azo imani ma hem in mi ba, de sa ma tumam ini. 45Desa ma hiram, ma hira desa mz tumam ini.

46Ma aye unee unu guna mi masa mani, de sa ma hem in mi kati ma wuzi tixukum ti maree. 47Desa ma kuna tize tum, da ma inko me imum in wuza ba, azo ma aye in weki une imum in wuza ba, ma aye barki in buri unee.

48De sa ma gami, da ma kaba tize tum ba, mazin ununn waki ume imum iwuza, tize sa ma buka tene tini tidi weki me imumiwuza rono umara unee. 49Azo barki nice num nini ma buka tize ba, ac uge sa ma tuma ini ce nume ma nyam nikara ni mumsa indi buki, nan imum sa indi wuzi. 50In kuri in rusi imum imeme urai uhana umara unee. Barki anime, imum be sa in boo izi nu boo me kasi sa aco ma bukam.

131Uganiya idi wa mu aye ba, yeso ma rusi uganiya uhira ume unee ukuro ahira aco, ma zinu su anu ame sa wara unee, mazinu su uwe uhana mara unee. 2Azinu re imimare ini yee bi be bi burbamu ribe iriba iyahuza iskariyoti vanu saminu madi zizi Yeso.

3Yeso marusi kondi nyani ya cu udang ira atari tume, ma rusanya suro ahira Asere ani ya suroni, idi kuri ikuri ahira Asere.4Manno ma ceki are imimare me, ma inki u gyeptu u impino umeme, ma ziki ku puri ma tiri utino. 5Ma gamirka myei ukwano dan, ma kpici tibuna ta hana akatuma ka meme, madu vizi unu puri me sa ma tira utino umeme.

6Sa ma aye kpicu utibuna ti Bitrus, bitrus magun me, "Ugomo Asere, hamani ini ce nuwe udi kpicum tibuna?" 7Yeso ma kabirka magu, "Ana me utawe imum me sa izinu wuza me ba, inka ma mara udi rusi." 8Bitrus ma gu me, "Mi ma hem ba, uda kpico mi tibuna ba sa unee wa mara!" Yeso ma kabirka me magu, "ingi da ma kpico we niba, uzo we unu um ba.9Bitrus magu me, ugomo Asere azo tibuna nan nice num"

10Yeso magu me, De sa ma zoro mada nyara ukpico v iri mum ba, tibuna tini cas adi kpici, barki amu kpico me.Izi lau azo vat ushi ba." 11Barki ma rusa uye madi nyare me, ine ini ya wuna maguna, "Izi lau vat ushi ba."

12Sa ma mara ukpico uwe tibuna me, ma,i ugyeptu u impino umeme ma impino ni ma duku gun we, irsa imum be sa ma wuza shi? I gusam unu nyetike, nan ugomo Asere.13Ane ani daki ya hunne me ba, ane ani inzi. 14Mi unu nyetike, nan ugomo Asere, ma kpico tibuna tishi, shi idi kpici tibuna ta cee ashi. 15Ma wuza ani me bati shi iwuzi kasi mime.

16Kadure kani izinu boo shi, urere mada teki me una kura ame ba, vana uka dura mada teki me desa ma tuma me ba. 17Inki irusa anime , i kuri iwuzi imumu ihuma shi ana muriba murum muni. 18Azo vat ushini in boo shi ba, in rusa ande sa ma zauka. In wuzi anime barki amyinca tize ta Asere tini, unu guna desa mazina re imimare im, ma ga mi.

19In di booki shi ana me uganiya wamu aye ba, in!i uganiya wa wuna inya mu riba mimani me.20Kadure kani, in booshi, desa ma hem indesa ma tuburko, ma hem in mi mamani. Desa ma hem in mi, ma hem indesa ma tumam.

21Ugainya sa yeso ma suka anime, iriba ya wume gitak ma boki magu, kadure kani in booshi uye anyimo ashime madi zizum.22Ahana katuma kameme wa tunguno u hira acece, unu gusa aveni ma boo me.

23Uye anyimo ahana akatuma kameme, desa yeso mazinu su ume, ma ciki upuru umeme. 24Bitrus ma dari me magu, "Bukan duru yeso ma boo aveni". 25Desa mara upuru uyeso magu me, "Ugomo Asere aveni?"

26Yeso ma kabirka magu, "me mani desa indi inta imumare in nya me" sa ma inta imimare, ma wu yahuza iskariyoti vana usaminu ayo. 27Sa ma kaba imumare me, imum me irizi me iriba, yeso magun me, "Wuza imum be sa udi wuzi ana me".

28Anyimo ande sa wazina re imumare me, wata we imum me sa ya wuna yeso ma boka anime ba. 29Wa gusi nani yeso maguna me ma kuri ma siri iri imumare in, nan ma nya anu dira akara ire imum, barki sa me yahuza mani ma canti ulalinta ikirfi iweme. 30Me yahuza sa ma kaba imimare me, ma ba soru, ini yeeme.

31Uganiya sa ma suro yeso ma kuri unu magun, ana ani adi nonziko vana unu bo aduku nonziko Asere ahira ameme. 32Asere adi nonziko me, me ma nonziko Asere. 33Ahana acincin am, ade uganiya cingilin inzi nashi, idi nyarum ma mu boka ayahudawa magu, ahira sa in hanzani idaki iha ba ane ani inboo shi ana me.

34In nyiza shi tize tiso, ine ini iwuzi usu ace ashi, kasi sa ma wuna usu ushi ane shi idi wuzi. 35Uwuza anime ani udi wu marusi shi ahana akatuma kame kani, ingi izinu su ace ashi me.

36Bitrus magun me, "UgomoAsere, uhaza abani?" yeso ma kabirka magun, "Ahira sa in hazani udake utarsum ana me ba, udi tarsaum ana dumo". 37Bitrus magun me, "Ugomo Asere nyani ya wuna, adake in tarsuwe ana me ba? yeso magun me, indi. nya nice num barki hu". 38Yeso kabirka magun, "Udi nya nice nu we barki mi? kadure kani in boo we, urunu ubi goro unu sana ahira, udi gu uda rusa mi ba kani ka taru"

141Kati icari mu riba mu shi ba inko ni urusa ushi ahira Asere, in kuri in ya urusa ushi ahira am. 2Akura aco am ti hira ti cukuno a rani gbardan, barki anime un boo shi indi dusa inka barka shi ahira. 3Ingi ma dusa ma ka barka shi ahira, indi kuri ni ey in ziki shi uhana ahira am, ahira sa in rani, icukuno nan mi.

4Ahira sa in hazani, irusa una uname.6Toma magu me, ugomo Asere ti tame ahira sa u haza ni ba, aneni tidi rusi una me?. 5Yeso magu me, mi mani una, mimani kadure, mi mana urai, unu hana ahira aco mazoni, se ahira am. 7Da irusam, inda rusa aco am, uhan aje idi rusi me, idi iri me ina aje ashi.

8Filibus magun me, ugomo Asere bezin duru aco me, ma barin guru.9Yeso magun me, ma dan donkino nan shi anama filibus uda rusa mi ba? desa ma iram ma ira aco, aneni i gusa akuri abezi shi aco?.

10Da hem imi ira anyino aco ba, aco ma kuri ma raa a nyimo am? Tize sa in boo shi azo ahira am ani ti suso ni ba, aco me sa ma ciki anyimo am me mani ma wuza timumum tume me. 11Rusa ni ka dure kani inra anyimo aco, aco ma kuri mara anyimo am; Inke azo ane ba timumum ini ce nuwe ti hem in me.

12Kadure kadure in gusan shi, desa ma hem in mi timumum sa in wuza me ma madi wuzi timumum sa ti tike tige sa in wuza madi wuzi, barki in haka ahira aco. 13Barki konyanini idi inki anyimo ani za num, indi wuzi anime barki a ziko aco me ahira avana me. 14Ingi ya ikom ko nyani anyimo aniza num, idi wuzi anime.

15In ya hem in me idi tarsi tize tum. 16Me indi iki aco, madi nya shi unu benki ma cukuno nan shi uhana umara uneeh.17Bi be bu ugomo Asere ba boo kadure, be sa uneeh wa kabi bini ba, uneeh uda hira me ba uda rusa me ba, shi irusa me ciki nan shi madi cukuno anyimo ashi me.

18Inda ce keshi a unu ba, mi indi ey ahira ashi me. 19U ganiya uda cingilin, sa uneeh uda kuri u irum ba, ana me shi i hiram barki mi inda vengize shi idi kem urai. 20Anyimo uwai ugino idi rusi ira anyimo aco am, shi anyimo am mi anyimo ashi.

21De sa ma kuna ugara um, ma tara tize tum, me mani mazin unu su um; desa mazin unu su um, madi cukuno unu su aco am, mi idi wu usu ume, in kuri bezi nice num ahira ameme. 22Ya huda (ba iskariyoti ba) magun me, ugomo Asere nyanini ya wuna udi bezi nice nuwe me ahira aru, azo ahira unee ba?.

23Yeso ma kabirka me, magun me, ingi nu mazin unu su um, ma tarsi tize tum, aco um madi wu usu ume, ca ti ey ahira ame, ti cukuno nigo me nan me. 24De sa mazo unu su um ba, mada tarsa tize tum ba, tize tum sa in kunna azo tum tini ba, ta co tini desa ma tumam.

25Tize tige sa ma boo shi, ma dazan in ti cukum nan shi. 26Unu benki, bibe bilau desa aco madi tuburko anyimo aniza nume me, madi bazizi shi timumum vat ma ringi shi timumum besa ma boo shi. 27In cesi shi iriba rum, riba irum im in nyiza shi shi; azo u iri uniza unee sa unyiza ba, ane ani mi in nyiza shi ba, kati iriba ishi in curno me ba, ka ikuna iriba ba.

28Ya kunna magu na shi idi wuzi tanu, idi ey ahira ashi me. De ya wu usu um, ahira ida wuza iriba irum, barki in haza ahira aco, barki aco ma tekum unu gbardan.29Ana ma boo ka shi ida sarku aye, uganiya sa ya aye inya mu riba. 30Inda kuri inboo tize gbardan na shi ana ba, barki ugomo unee ma eze, ma zo iri mum anyimo am ba. 31Barki unee urusi izin nu su aco, kasi aco ma nyam katuma, ane ani in wuza, ti hiri ti dusa a birko.

151Mi mani nijee nika dure, Aco um ugomo avara mani. 2Birii bige sa bida bi yozo ba, madi gwanika bini bi gesa bi yozo ahana madi bari bini bati bi yozo ahana gbardan.

3Shi anime izi lau barki tize tum sa ma buka shi. 4Cukunoni anyimo am, mi anyimo ashi me, kasi birii bi gebe sa bida yozo me ahana inice nume ba se inka ba cukuno ba, se ya cukuna atini me, ane ani shime ida rusa shi ba, seya cukuno ahira am.

5Mi mani nijii nimkadure, shi wani iri me, de sa ma ciki anyimo am, anyimo am, anyimo ame, anime iyozo ahana gbardan; Ingi azo nami ba, ida wuza shi iri mum ba. 6Ingi da unu ma cukuno anyimo am ba, adi suso me anyimo ti cukum ti birii, ma ku waa, adi urso we we areki anyimo uraa abuzi we. 7Ingi iciki anyimo am, tize ashime igizo timumum bisa inyara adi wuzi shini.

8Ahira sa anozo aco am ni, nyizani ahana gbardan, ane ani idi cukunu ahana akatuma kam. 9Ane ani aco um, ma wusu um, ani ani mi ma wuna usu ushi, cukuno ni anyimo anu su um.

10Ingi ya kuna tize tum, idi cukuno anyimo anu su um; Kasi sa mi ma kuna tize ta co um, in ciki anyimo anu su umeme. 11Ma buka shi tize tigeme barki iriba irum im, icukunu anyimo a shi me, barki iriba irum ishime i myinca.

12Ubuka um anime, iwu usu ace ashime kasi mime sa wuna usu ushi. 13Uye mazo me unu su, sa utaki ugeme ba, kasi unu ma nya nice nume barki aroni ame ba.

14Shi wani aroni am ingi ya wuza imumbe sa ma buka shi.15Ida ka guna shi arere ba, urere mada rusa me umum besa una kura ame ma wu za ba, barki anime ma guna shi aroni,barki imum sa ma kuna ahira aco um, buka shi.

16Azo shi wani ya zaukam ba, mi mani ma zauka shi barki idusa ika nyoza ahana, timum tishi me ti cukuno anime; Ibinani imum besa idi iki ahira aco anyimo aniza num, ma nya shi. 17Timum ti geme inboshi, barki iwusu acece ahi.

18Ingi unee wa ga shi, urusa ni wa mu gami uduku gami shi. 19Da anu nee wani shi, nee uda wuna usu um, barki sa shi anu nee wani ba, barki sa shi zauka shi anyimo unee, ine ini ya wuna unee wa ga shi.

20Ringi tize me sa ma buka shi, urere mada teki me una kura ame ba, ingi wa yomom wada yomi kunna tishi me. 21Wadi wuzi shi timum tigino me vat, barki niza num, barki wada rusa desa ma tumam ba. 22Barki ma eh in bukuwe tizeba, wada madini ba ana me wazo we ini mum ibukaba wa mu wuza imum izenzen.

23De sa ma gami ma game aco am. 24Barki da ma wuzi timum sa da uye ma wuzi ba, ahira aweme, wada zo we ini mumu izenzen ba; Ana me wa iram, wakuru na ga mi ubata aco ume. 25Ya cukuno anime barki a myinca tize ta Asere sa a nyetika, wagu mi sarki iri imum.

26Uganiya sa unu benki ma aye desa idi tumi shini urusu ahira aco bibe bika dure desa ma suso ahira aco, madi bezi shi mi. 27Shi idi rusum, barki sa izi nan mi dati utuba.

161Ma buka shi ti mumum tigeme kati awu shi iri zizi. 2Adi suso shi ayimo udenge unonzo Asere, ane ani uganiya u eze sa kasi mazinu wuza Asere katuma kani.

3Wadi wuza timummum tigino me, barki wa rusa me aco me ba wda rusa mi ba. Tize tigino me sa ma buka shi, barki inka uganiya uwe me wa eye, irusin we ikuri irusi ma buka ski. 4Timumum tigino me daki ma buki shi dati utuba ba, barki mazi nigo me na shi.

5Ana me in haka uhana ahira sa ma tuma mini, anyimo ashi me daki uye ma ikom uhaza abani?. 6A ani barki sa ma buka shi tize, muriba mushi ma corzino me. 7A ani inboo shi kadure; ya wuna uri in dusa inka da ma dusa ba, unu benki mada aye ahira ashi ba inka ma dusa idi ka tuburko shi me.

8Me sa ma eze, uganiya sa ma aye madi karti uwuza imum izenzen anyimo unee in kadure. 9Asese imum izenzen, barki sa da wa nya muriba ahir am ba. 10Ahira a kadure barki sa ma hana ahira aco, ida ka iram ba. 11Ahira uzatu urusa, barka sa anya ugomo unee ugeme uzatu rusa.

12Izinu kasu utize sa idi boo shi idaki irusi tini ana ba. 13Uganiya sa me, bibe bikadure ba aye, bidi tarsa inshi vat anyimo akadure; Bi da rizo inice nume ba ibinani imum be sa ma kunna ine ini madi buki, madi buki shi imumbe sa i eze. 14Madi nonzikom; anyimo imum im madi kabi, ma buki shi.

15Ibinani imum vat sa aco mazini, im ini barki ane ani ma buka, anyimo im ini makabsa madi boosgi. 16Uganiya u eze cingilin, ida ka ira ni miba, inka adandankino cingilin, ikuri irim.

17Aye anyimo ahana akatuma kameme wa gu acece awe me, nyanini ma gusan duru anime adandandankino cigilin, ida kur irimmba; inka kuri adandankino idi kuri irim barki in haka uhana ahira aco?. 18Wa kuri wagu, nyanini ma boo anime ika adndankino cingikin? Tintaduru imum mesa mazinu boo me ba.

19Yeso ma rusi wa nyara wa iki me, magun we, izini igino acece shi imum besa ma boo, iki adandankino cingilin ida ka irani ba. 20Kadure, kadure, in gusa shi idi shi i mu ruba mushi mu di bezi,unee udi wuzi aburu arum; mu riba mu shi mudi bezi, ubezi uriba mushi udi kuri muriba murum.21Uganiya sa uneh madi zini jasi uyo madi zini riba abiti barki uganiya um wa ate; ugana sa vana ma suru mada ringi me ijasi sa wuza ba, barki iriba irum ivana sa ayo anyimo unee.

22Shi ana me izin muruba mu bit ana me idi kuri in iri shi, muriba mushi me tumi, muriba murum mushi me ibina irani ba.23Anyimo uwui ugino me ida nimi iri imum ba, kadure kadure ingusa shi inka ya iko ko nyanini ahira aco madi nya shi anyimo aniza num. 24Daki ya mu iko iri imum anyimo anza num bai nyara ni idi kabi, barki iriba irum ishime imyinca.

25Timumum ti ginome ma booshi unu basa uganiya u eze sa adaka buka shi tize unu bata ba, indi nya shi abanga aco kandavi ma kunna .

26Anyimo uwui uginome idi nyari imum anyimo aniza num, da ma gu nan shi idi wu biringara ahira aco bark shi ba. 27Aco me inice nume ma zinu su ushi, barki sa ya wuna usu um ya hem ma suro ahira aco.28Ma suro anyimo aco, ma biki anyimo ahira izinu ceki unee in hana ahira aco.

29Ahana akatuma kameme wagu ane ani, ana ani ya poko tize azo ubasa uni uzin ba. Ana me ta rusa urusa timumum vat, uda nyara we uye ma iki we ba; 31Ana me ta urusa wa suro ahira Asere. 30Yeso ma kabirka we, magu ana me ya kaba Asere?.

32Irani uganiya u eze, wa mu aye idi sa mara konda vi madi tarsi ume idi cekum isisis im; azo mi isis im ini ba, aco mazi nan mi. 33Ma buka shi timumum tigeme barki anyimo am ya kem utoto umu riba, anyimo unee ya zito ana me wuza mu riba mu rum, unee vat um uni.

171Tize tigino me sa Yeso ma buki ma yeze aje asesere magu, ugomo Asere, uganiya wa aye; Nonziko vana uwe me, barki vana me ma nonzikowe. 2Barki wa nyame timumum unu hem iriba ibinani ande sa wa nyame, ma nyawe urai uhana umara unee.

3Urai uhana umara unee uni, wa rusiwe ugomo Asere isiswe, una kadure nan desa ma tumam Yeso. 4Ma nonzowe unee, uganiya sa ma myinca katuma sa nyam uwuzame. 5Ana me aco, nonziko inice nuwe me nan nurusa sa izin nan huu unee uda sarki uwuna.

6Ma bezi niza nuwe me ahira anu age sa wa nyam anyimo unee; anu awe wani wanyam we; wa tarsi tize tuwe me. 7Ana wa rusa ibinani imum vat sa wa nya ya suru ahira awe ani. 8Ibinani itize sa wa nyam, ma nya we, wa kaba wa rusa unu guna ma suro anyimo awe ani, wa kuru wa hem hamani wa tumam.

9Ingi ma wuna we birigara, azo ma wuna unee ini biringara ba, barki ande sa wa nyami awe wano. 10Ibinani imum besa izi im iwe ini, imum iwe im ini anozikom anyimo ini. 11Uhana aje indaka zom anyimo unee ba, mi in haza ahira aweme. Ugomo Asere ulau, rusan we anyimo aniza nuwe me sa nyam, barki wa cukuno a inde kasi haru.

12Uganiya sa inze nan we, ma nonzowe anyimo aniza nuwe me sa wa nyam; Ma tarsi unwe, ko unu inde anyimo awe dama hune me ba, se de sa ma curnome, barki tize ta Asere ta myinca. 13Ana me in ahira ashi me; Tize tigeme izinu boo me anyimo unee, bzrki wa kem iriba irum im imyinca muruba muwe me. 14Ma nya we tize tuwe me; Unee wa g we barki we azo anu nee waniba, aneni mi azo unu nee mani ba.

15Inda wuzam biringara uziki we anyimo unee ba, biringara bum uhari we nan imum ibur. 16Azo we anu unee wani ba, ane ani me azo unu nee mani ba. 17Kpicuwe anyimo akadure; Tize tuwe me tine tini kadure.

18Kasi sa wa tumum anyimo unee, ane ani ma tumu we anyimo unee. 19Barki we wani izinu kpico unice num, barki we wa kpici ace awe me in kadure.

20Azo barki agino ana cas inzi biringara ba, barki anagino sa wa nya kadure ahira am ahira boo utize tuwe me. 21Barki we vat wa cukuno a inde; Kasi huu aco, ura anyimo am, me anyimo awe, barki we wa cukuno anyimo aru; Barki unee u hem hamani wa tumam.

22Ni nonzo sa wa nyam, ma nya we; Barki wa cukuno a inde kasi haruna inde wani. 23Mi anyimo awe, huu anyimo am, bark wa cukuno a inde kan, barki unee urusi wa tumam, wa wuna usu uwe wa kuru wa hem in mi.

24Aco, ande sa wa nyam, in nyara wa cukuno ahira sa irani, nigome nan mi; Barki wa iri ninonzo num, sa wa nyam wa wu usu um ada amu tuba unee ba.

25Aco unu bursa, unee urusa we ba; Mi in rusa we, ana geme wa rusa wa tumam. 26Ma bezi we niza nuwe me, idi bizizi nini, barki usu uge besa wa bezum ucukuno anyimo awe me, mi anyimo awe.

181Sa Yeso ma mara ubo utize tigino me, masuri nan nanu tarsa umeme u hana a urewatu ukdoron ahira sa urei ubene ura'ani, makuri maribe nan anu tarsa umeme. 2Yahuda de sa Yeso mahazi zi nan anu tarsa umeme. 3Yahudi, maziki anani kara nini kono u suro anu adang akatuma, nan nanu bezi urusa, nan nanu gunguzuno. We ē ahira me, wa inta mafitila, nan matoci nan turun ga tini kono.

4Sa Yeso sama rusa vat mumbe sa ikem zi me ma hanna je, magun we, "Aveni inyara me." 5Wa kabirka me wagu, "Yeso unu nazaret" Yeso magun we, "mimani" yahudawa mauri, desa ma witime, maturi nan ana ni kara nini kono.

6Sama gunan we, "mmani" wakuri inna dumo, warizi adizi. 7Makuri ma ikkiwe, "aveni inyar?" wagu, "Yeso unanu nazere."

8Yesommakabirka, "mabuka shi agi mimani inki mimani i nyara, cekini anigino wadu sa." 9Igino barki tize sa ma buka timyinca, "a nyimo ande sa wa nyam, da uni inde ma hunne ma ba."

10Simon desa agusan me bitrus, barki sama inta uvira, mahupi makoriko unu udanga, makari me utui utari tinare, niza ni nume malikus. 11Yeso magu in bitrus, kurzo uvira uwe me upanu, inda sam nu rire sa acoo ma nyam ba?.

12Anani kara inini kono sa hafsam nan nanu ira uma yahudawa, wa miki Yeso watirze me. 13U tuba wadusan me ahira hanana, barki me kumara ku kayafa kuni, ugebe sa me mani unu katuma ka dang aniwe ni ginome. 14Kayafa mani ma gamirka mayahudawa tize, agi itekuwe unu inde ma wi barki anu.

15Simon nan Bitrus matarsa Yeso, ane ani uye unu tarsa umeme ma wu unu tarsa ugino me unu dang me ma rusame, maribe uhana anyimo ani kubu nu nu u dang me nan Yose. 16Ba bitrus maton no amatara mana tukum me unu inde anyimo anu tarsa sa unu u dang me ma sa rusa me ma suri, mawuzi tize nan nune me sa turi innu be ana tukumme anime maduku riben in Bitrus .

17Akem kuca kunu be ana katuma me ku gun bitrus, "Huda ura nyimo anu tarsa unu geme ba?" magu "in zoom anyimo." 18Avari nan nanu tonzino ana katuma udenga Asere waturi ahira me, wa hure tine tura wazin nu kunna din-din, barki azin ti wui. Bitrus maturi ni gome nan we innu kunna utum.

19Una katuma kadang ma iki Yeso abanga anu tarsa umeme nan nu dungara umeme. 20Yeso ma k abirka me, mabuka une tize kwas. Musa udangara mae ati denge ta Asere ahira sa vat mayahudawa magun na. Daki mabuka ire mum ni hum ziba. 21Barki nyani u igizom ni? igizo ande sa wakun nan azesere imum be sama buka, we warusa imum be sama buka.

22Sa Yeso mabuka anime, uye anyimo a nu ira sa turi ahira me ma kumi , Yeso yace, "uzinmnumkadure unu dang ukatuma anime." 23Yeso ma kabirka me magu, "imma buka imumu iburu, abuki imbe urusa anu awe wani nan ana katuma kadang wawitowe atari tum" "nyani wawu za?" 24Ba hanana ma tumi adusan Yeso barki akatirame ahira akayafa una katuma kadang.

25Simon Bitrus maturi innu kunna u tum. Anume wagun me, "aco hume cangin daki ura anyimo anu tarsa ume meba?" bama wuma tara magu, "mm'mm, inra anyimo ba." 26Uye anyimo arere unu dang uka tumame, uhenu udebe sa Bitrus ma yorime utui magu, "aco daki ma irawe nigome nan me anyimo ubene ba?" 27Bitrus makuri mawu matara, sisi a hira me bigoro bi runo.

28U zika ahira kayafa mahan Yeso ahira anu zauka. (Gwanna). Ni sisizo ini usahira, we ace aweme daki waribe ani kubu nu gwamname ba, kati wa cari ace awe ni wadiri are ujibi uhangirka. 29Ba Bitrus masuri uhana ahira awe magu, "iya umum ini inzin nu bome ahira unu ginome?" 30Ba wa kabirka wagu, ingusi unu gino me da mawuza iri mum ba, nya ni ida wu na ti entize tume ahira awe.

31Bilatus magun we, "Dussani immesisi ishi ni, ka gbarani usuro u wesi utize tishi" Ba mayahudawa wa gun me, daki tabari tuhu tize ahira uye ba. 32Abuki anime barki amyinca tize me sa Yeso wuzi, ige saya bezi usasana iwono sa madi wuzi.

33Ba Bitrus makuri maribe ani kubu nu cawamna, matiti Yeso magun me, "hu ugomo umayahudawa mani?" 34Yeso makabirka, "igino me ubuka uwe uni, nani aye wani wabukam anime ahira a we?"35Bilatus makabirka, "mi daki uyahudawa wa mani ba, nani ani?"

36Yeso makabirka, tigomo tum daki tu nee ugeme tini ba. Dagusi tigomo tum tu nee ugeme uni arere am wada wuza nikono barki kati azizin ahira ama yahudawa iye tigomo tum da ki a ban na ani tirani ba. 37Ba bilatus magun me, "ana a senke hu ugomo mani?" Yeso makabirka, gussi be sawa buka mi ugomo mani. Barki a bi nyobigino bini ayom, nan barki a' anime ma ē anyimo unee, in nya urusa akadure. Koya unu hem in kadure make makunna ni myiran num."

38Bilatus magun me, "nyani kadure?" sa ma buka anime, makuri masuri ahira ama yahudawa magun we, "mi daki ma kem un uge me inna buri ba. 39Shi dei inmhira izin ure u tanda u ni, inki u idi ukafa wa wuna, in kini shi unu u inde. Aname inyara in ceki shi ugomo uma yahudawa?" 40Wa kuri wa ziki ukaruwa innu gusa "mm-mm, daki unu gino ba, senke aceki barabas" barabas me mā ukari mani.

191Bilatus ma cobi Yeso. 2Ana nikara nini kono wa ririko Yeso ni'ere nikana anice, wa soki me tirunga titi gomo. 3Wa ē ahira ame wa gu "Asere akinki we ivai, ugomo a Yahudawa, wa kumi me.

4Bilatus makuri ma suri amatara ma gun we "Ira ni, indi ē shi unu nume bati irusi daki makem me ina yari ba. 5Yeso ma suri, in ni'ere nikana nan tirunga titi gomo. Bilatus ma gu " Unu me ba". 6Ana dandang akatuma ka Asere nan anu ira sa wa ira Yeso, wa tunguno tihunu unu gusa "Gankirka nime, gankirka nime" Bilatus ma gun we "Zikini me i gankirka, daki makem me ina buri ba".

7A Yahudawa wa gun me "Tizin tini kubu mabari iwano barki sa ma zika nice nume vana Asere". 8Sa Bilatus ma kunna tize tigeno biyau bimeke kang. 9Ma kuri maribe ani kuba nu gomna ma gun Yeso, "Abani wa suron?" daki Yeso ma kabirka me ba.

10Bilatus ma gun me "Uda buka me tize ba? uta we inzin nikara sa indi cekiwe nan ingankirka we ba?. 11Yeso makabirka me, "Uzo we in uru bari anice num ba, ingi daki a nyawe ahira Asere ba, barki anime de sa ma ayen mi ahira aweme memani unu cara abanga adang".

12Sa Bilatus makumna anime ma nyari uguna aceki me, ma Yahudawa wa yeze anyiran wa gu "Ingi wa ceki unu ugeme uzo we uroni ukarsa ba, vat de sa ma kurzo nice nume ugomo, ma cara Kaisar". 13Sa Bilatus ma kunna tize tuwe me ma susso Yeso amatara ma cukuno ukpunku umeme aba sa atisa "Ukpunka unu kubu" inti Yahudawa "Gabbata".

14Aroni ginome azin inabanga u idin keterewa, in na zumo utasi ani, inna tii uwui, Bilatus ma gun ma Yahudawa me "Kabani ugomo ushi me". 15Wa tunguno tihunu , ca adusan me, ca adusan me, aka gankirka me, Bilatus ma gun we "Ingankirka ugomo ushi me?" anu adangdang akatuma wa gu "Ti zon duru unu gomo ba bancen kaisar". 16Bilatus ma nyawe Yeso waka gankirka me.

17Wa dusan Yeso, ma suri unu cira ukunte ugankirka uhana ahirame sa agusan u Golgota inti Yahudawa (Golgota). 18Wa gankirka Yeso ahira me, nan are anu ware, uye atari tinanre uye atari tinangure, Yeso atii awe.

19Bilatus ma nyertike ure u'ira asesere ukunti ugankirka me, "Yeso unanu Nazarat ugomo ayanhu dawa". 20A yahudawa gbardang wa aki wahiri i uhori me barki ahirame sa a gankirka men ara upuru uni pin. Ihori me awuza inti Yahudawa, ti Romawa nan ti helenanci.

21Ana dangdang akatuma ka Asere kama Yhudawa wa gun Bilatus, kati unyertike agi ugomo wa Yahudawa ba, guna unu ugeme ma guna "mi mani ugomo wa Yahudawa". 22Bilatus makabirka "Imum me sa ma nyertike mamu nyertike".

23Sa ana nikara nini kono wa genkirka Yeso, wa jani udibi umeme kani kanazi, kondi vi in ume upori, nan u-alkebba. U-alkebba me sarki adusa abara naza me utuno ana dizzi. 24Wa gun nacece, "Kati tijanika u-alkebba me ba, ca azauka a iri de sa madi ree unu, a wuzi anime bati amyinca tize ta Asere sa ta guna "Wa hara acece awe udibi um, wa kuri wa rekki uzanka a alkebba am.

25Ana nini kara kono wa wuzi timum tigeno me. A ino a Yeso, nan uhenume, nan Maryamu unee u Kilofas, nan Maryamu Magadaliya Anee ageme wa turi mamu nan ugakirka u Yeso. 26Sa Yeso ma ira a ino umeme nan unu tarsa umeme sa ma hem inme wa turi mamu nan nacece, ma gu "Unee uge, ira vana uwe me". 27Ma gun unu tarsa umeme "Ira a ino uweme" ugeno uganiya me unu tarsa umeme ma ziki me uhana ukura ame.

28Abini me Yeso, barki sa ma russa kondi nyani ya mara, batti amyincikina tize ta Asere, ma gu "In kunna niwee nimei. 29Ani kira nuwe me aduku myinca niruu in mei ma innabi ma gbarrara, wa jonbi usoso anyumo amei ma innabi magbarrara me wa tirzizi ubuinan wa witti wawu me anyo. 30Sa Yeso ma simbiko mei magbarrara me, ma gu " A mara" ma tungurko nice adizi ma ceki bibe bumeme.

31Abini me a Yahudawa, barki uwui ubi bara-bara bini, kati aceki mukizi muwe me ugankirka uwui wa sabar u'ē ba (barki asabar ueui uni uhuma), wa tirri Bilatus tari agi mapussi tibuna tuwe me ma tuzo we. 32Ana nikara nini kowo wa ē wa pussi tubuna yuba me nan tunu-tarsa me sa agankirka we nan Yeso. 33Sa wa aye ahira a Yeso wa kem manu wono, abini me dakki wa pussa tibuna tumeme ba.

34Vattin anime unu inde anyumo ana nikara nini k)no ma tummi nipara numeme inni gbinnan, maye nan mei masuri dibe-dibe. 35De sa ma ira anime, ma cukuno unu imo amaru, u impo amaru ukadundura, ma russi imum me sa ma buka kadundura kani bati shima ihem.

36Ya wuna anime batti anyenca tize ta Asere, "Ada purrame ni uboo ni inde anyumo a'uboo ameme ba. 37A tiri tize ta Asere ta guna " Wadi hiri me de sa waa tummi me".

38Sa awuza timum tigeme, Isuba una nu Arimatiya, de sa ma raa anyumo anu tarsa u Yeso mani (Nihunzi barki biyau bima Yahudawa) ma iki Bilatus batti ma ziki ikizi i Yeso. Bilatus ma nya me, Isubu ma ē ma ziki ikizi me. 39Nikodimo ma ē cangi, de sa maa tubi u aye ahira a Yeso in niye, ma ēn unu mai uman ununya umur nan al-ul ugittak wa ino'ukirau.

40Wa ziki ikizi i Yeso wawu umalti ulubulubu nan umai unya uman me ugino me, bati wa vatti rep nan utanda wa Yahudawa. 41A hira me sa agankirka men uruu ubene wa rani, icau isoo ya rani anyumo uruu me igebe sa daki amu wuna iren ba. 42Sa ya cukuno uwui ubi bara-bara ba Yahudawa uni, icau me ya raa manu, wa dusa wawu Yeso anyumo me.

201Nisisizo unu wui utuba anyimo tiye usunare. Da hira amu sanaba, Maryamu madalin wa ē ahira icaw me wa iri nipo me atuburko nini. 2Ma dusa unu sum uhana ahira Simon desa agusin me Bitrus nan uye unu utarsa u Yeso de sa Yeso ma hem in me, ma gun we, "Azika Asere aro me anyimo iaw me, tidi tan duru ahira me sa aka nata meni".

3Bitrus nan unu utarsa u Yeso we suri, wa hā ahira icaw me. 4Wadusa unu sum vat uwe, unu utarsa u Yeso ma sumi gangan ma ciki Bitrus me ma tubi ubiki ahira icaw me. 5Sa ma gunkuno anyimome, ma iri mapuri me mani, da ma iribeba.

6Sa Bitrus ma aye adumo ameme ma ribe anyimo icaw me, ma iri mapuri mani ma rari ahirame. 7Nan tirunga sa ta ra ani cē numeme. Da tazi nan mapuri me ahira ba ta rabi ani kira.

8Unu utarsa u Yeso, de sa matubi uhana icau me me cangi ma ribe, ma iri ma hem. 9Barki uganiya ugino da wa mu tinka tizze me ba, agi uhira urani ingi a wono. 10Abini me anu utarsa u Yeso wa kuri akura.

11Maryamu ma turi a matara u watu icaw me ina sō, sa ma sō magunkuno anyimo icaw me. 12Ma iri ibe ika dura ka Asere ana wa rē ni ti runga tirum wa ciki, uye u watu unice uye uwatu tibuna ahira me sa anati Yeso meni. 13Wa gun Maryamu, "Unu, nyanini uzinasoni?" ma gun we, "Barki wa zikam Asere, in da risam ahira me sa wa hanan me".

14Sa ma guna anime, ma gamirka ma iri Yeso maturi abini me, me dama rusi agi Yeso mani ba. 15Yeso ma gun me, "Unē, nyanini uzin nasoni? aveni u nyara?" ma gusi agi unu uhira a hira mani, ma gun me, "Unakura, ingi haman wa zika me, bukam ahira sa wa hanan inme, indi ka zika me.

16Yeso ma gun me, "Maryamu" magamirka, ma gun me inti ibiriniyawa, "Rabboni" (agi unu udungara). 17Yeso ma gun me, "Kati udurumba, barki da mamu nyeni a hira acu am ba, dusa ahira anu henu um u gun we agi in haza ahira acu am nan ka acu uweme, Asere am nan aweme". 18Maryamu madalin ma ē ma gun in na nu utarsa u Yeso, "ma ira Asere, "Manno ma gunan in mi.

19Unu ganiya uwunjuro, uwui utuba anyimo tiye usunare, anatukum ahirasa anu tarsa u Yeso wa rani, a inpi barki biyau ba ayahudawa, Yeso ma ē ma tunno ati awe magun in we, "Iriba ishi iwu irum". 20Sa ma guna anime, ma bezi we tari tumeme. anu utarsa umeme wa wuzi uriba irum sa wa iri me.

21Yeso ma kuri magun we, "Iriba ishi iwu irum, kasi sa acu ma tumam, mima matuma shi". 22Sa Yeso ma guna ani me, ma hure wa magu, "Kabani bibe biriri". 23Desa ma wuza shi imummu iburi, cekini me adi cekishi, ingi ya inko adi inki shini cangi.

24Toma, uye anyimo anu kirau in wa re de sa agusin me vana ibari, mazinan we ba uganiya sa Yeso ma ē. 25Unu utarsa u Yeso uginome ma magun me, " Ta ira Yeso". Ma gun we,"Sede ma ira ni hara sa ni ra atari tu meme sa a kutiku men, indi ku hemi.

26Sa tiye uwititari ta aki anu utarsa u Yeso wa raa anyimo akura, Toma ma zinan we, tina tikum ti inpino, wadusa wa iri Yeso anyimo aweme, magu, "Iriba ishi irummi". 27Abini me magun in Toma, "Biki abame in nibo nuweme u iri tari tum, biki u wu nibo nuwem anyimo tihara. Kati ucukuno unu zatu me uhemzi".

28Toma makabirka magun me,"Asere Asere am". 29Yeso ma gun me, barkisa wairam, wadiku hem in mi.

30Yeso ma wuzi timumum sas-sas aje anu utarsa umeme, igebe sa da ayetiki ini abame ba. 31Sede a Yetirke anime, barki i inki a muriba Yeso mani, vana Asere, ahira u inko a muriba mushi idi kem uvengize anyimo niza numeme.

211Sa imumu igino me ya aka, Yeso makuri ma bezi nice numeme ahira anu utarsa umeme ukure a uraba tibariya. Tibariya, A' ani ma bezi nice numeme. 2Simon sa gusi me Bitrus ma rani na toma desa agusi me bi bari. Nataliya uwatu uakana ugalili, vana uzabadi, nan unu tarsa u Yeso warē. 3Simon sa agusi me Bitrus ma gun we, "in haza umisi icere" "wagun me, "haru cangi, tidi tarsi we." wa hā waka ribe uzirigi, da wa miki imumbe vat niyē me.

4Anime ahira sana, Yeso matunno ani kira anu utarsa umeme da wa rusi agi Yeso mani maziba. 5Sa Yeso magu nan in we, "iyani i zoshi in ire imumare baa" wagun me, "muh." 6Ma gun we, "vingini ikali ishime uwatu utari tinare idi mesi ire." wa dusa wa reki ikali u watu me da wa guna uhungu koba barki ugbardan icere me.

7Unu utarsa u Yeso sa Yeso ma hem in me, magun in Bitrus, "Asere mani" sa simon sa gusa mu saki tirunga(barki mazi myenpere), maka rizo anyimo uraba udangang. 8Uye um utarsa u Yeso maribi izirigi me (barki da wa zi pit ba, kasi umiki kanu akure are u hana aseseri). Wa hunuko ikati me gbem in ceri. 9Sa wa suri matara, wa iri in ene nura ini cere asereri me, nan uborodi.

10Yeso ma gun nwe, "ayeni in ire icere sa ya mesi." 11Simon sa agusi me bitrus ma hā maka hunguko ikali me a matara, gbem ini cere inu a ino kirau ina kuri ucibi in ana taru (153). Vat unu gbardan icere me de ikali me ya janikaba.

12Yeso magun nwe, "aye reni imumare" anyimo anu tarsa umeme ba desa mawu iriba ihu sa madi iki me iri mum, "hō aweni?" wa rusi Aere mani. 13Yeso ma ē, ma ziki uborodi me, ma nyiziwe nan icere me. 14U taru wa zigino me Yeso ma bezzi nice nu meme ahira anu utarsa umeme sa ma hiri anyimo ani wono.

15Sa wa mara are imu are, Yeso magun in simon desa agusame bitrus, "simon vavna uyohana wa hem in mi anime?" Bitrus magun me, "Asere, u rusa ma hem in hu, "Yeso magun me," hiram itam in". 16Ma kuri magun na ukure, "simon vana u yohana wa hem in mi?" bitrus magun me, "Asere urusa ma hem in hu" Yeso magun me, "hiram itam im".

17Ma kuri ma iki me uturu, "simon vana u yohanna wa hem in mi?" bitrus ma kunna iriba barki Yeso ma iko me kataru "agi wa hem in me?" magun me, "Asere" urusa imum vati, irusa ma hem in hu, "Haram itam in." 18Kadure, kadure in boo shi, datti ya zi cincin, ya rusi u inbizo aceshi i hazi ahira sa i nyara sa ya una, iki witi tari tishi, aye wa sosi shi tirunga wa kuri wa hazin in shi ati hira me sa i nyara uhaza mani."

19Yeso mabuki anime barki ma bezi Bitrus usandi iwono sa madi wuzi ma nonzo Asere, sa ma buka anime, magun Bitrus tarsam.

20Bitrus magamirka ma iri un utarsa sa Yeos ma hem in mē ma tarsa we. Desa ma hibina abigiri bi' Yeso uganiya ugino me sa magu, "Asere aveni madi gahu?" 21Sa bitrus ma ira anime magun Yeso, "Asere, nyanini unu ugino madi wu?"

22Yeso magun me, "Ingi in nyara ma cukuno ma bem in zē nyanini mei maweni? Tarsam." 23Tize ti geme taha ahira ani henu agi, unu utarsa u Yeso ugino me mada wonoba. Yeso dama gun Bitrus, unu utarsa u Yeso ugino mada wononba. A' anime, "ingi magun nan me macukuno in ē nyanini mei maweni?"

24Unu uge mani unu utarsa um sa ira imum igeme. Desa ma yetiki, ta hem mi kadure kameme.25Timumum ti rani gbardan sa Yeso ma wuzi, dagi ayetiki vat imumme ka i' inde in boo shi, nan ni unē uda zika me vat imumbe sa a yetiki.