2 Timoti

11Bulus, laalep Kristi Yesu ndung a Naan yen hə, tong a kabi pəsfu nung kagham ndung ni nɗphən Kristi Yesu hə, de Timoti ndung a laaɗem hə: Chindong, 2nachigir, gə tuaghatchagap, Naan Nda, moup də, wul kat gə.

3A ɗəyil Naan kop Nda moup, gə bəzung nə wu piya, wa an zakfu ɗiye gəghən-gə nɗəghən d'angpee anə lepar gə fuus. 4A ɗiye namwaa agə, bə fu nəmaan ɗin a kat gə, bə took piya waarə. 5Mə ɗiye də nə gə pən-naduk agə ndung kəəgə Loyis moup gə nəgən gə Afiniki mə shee gəni shideel hə, a pən naduk nkwət gə kutni gəni.

6A wa nsa ni, bii ndung Naan pənngə, wu dok a gədə ni a lang sar nə kaa gə hə, bən gə yaghal gə ɗar nyak a kaa. 7Nsa Naan pən a nung tughur-kagham gə ɗempee gə ya kaashik.

8Kaa gə gə waat kə twanshik shi Nda mu gə an Bulus ndung an nlə ɓal hə mou. Nɗe a kam hə bə, muutlaa agu gə kwət a gəshak ɗə langship ndung Naan ani gə kagham afe hə. 9A Naan pən mən nfu muut ani bən yong mən gə yongpee afe wuret. Chin kam hə a wa nsa bəlang amu məu, a wa nsa bii wu ni myap ɗen hə gə chindong afe. Pən jepee mwəp nhə nmən nɗəghən Yesu Kristi ndəng shee gəyil. 10Gəɗes hə mə man ang-kaa wu Naan chin mən hə, nsa Yesu Kristi sam ang-kaa mu. A kristi ani lat muut ani bən wul gə langship kagham nung gəgwo. 11A wa nsa kam hə dok mə pəs an a wushakbələp Naan, laa lep Naan gə wu shee pee yi.

12An fu sua muutlaa a wa nsa pak chak jepee mwəp nhə. Nəw kam hə mən kaa nə waat mou, nsa a man ni wu an fu pən naduk nni hə. A ɗem nkwət ni yong gə bwət bə ya bii wu a nyit ni gə sar muup hə de paa bit nishak. 13Yaa biəhee wuret wu dok a kam ngə ndəghən pən naduk gə ɗəmpee nung Yesu Kristi hə. 14Bii wuret ndung Naan nyit ni gəsar gə hə ya ni gərət nɗəghən məriip wuret ndung tongɗok nɗəghən mu hə.

15Gə a wu man ni nkwət muop ndung mə taghatɗok gəyil Asiya hə mə bat dangkong mwət n'an. Ndəghən moup nani a Fijalas muop gə Harmajanas. 16Mang Nann lang wuret kə lə Onisifaras nsa naw gə ndung an nlə ɓal hə mən kaa muup waat mou, bii tang am-swaa gə sə mwət n'an. 17Kabi wu dok ni gəyil Roma hə, tang an shi naduk mən kat an. Mang nda mu sa kat chidong Naan paa bit nani. Dib gəsəm war muop wu ni təp dənə gəyil Afisa hə, gun a wu man ni nau. 18Mang Naan naa chigir kaa muup pa ɓit nanyi. Gu man təpɓət wu nyi chin n-an hə.

21Wa nsa kam hə, laa nə, gə ɗar shi chindongnaan ndəghən Kristi Yesu. 2Bii wu gə kələng fu nə gə naar gurum n'ɓəl hə, nyitni gə sar gurum naduk muop ndung yong mə ɓoot bə shee nde gurum muop gəni hə.

3Mogor muutlaa gəmee gə an, kabi wulek (Soja) naduk nung Kristi Yesu hə. 4Dip wulek ndung mwalam shik shi bələp gəyilhə, yong gə ɓoot bə chin ɓəlang də piya took wuyoon afe mou. 5A kam hə zak, məgwə, din nkwət fu gəsə ɓaghalshak nani mou, mang bə yak gəsə nani a kabi ndung mə tang nkop hə.

6Dong ɗin bii a wubəlang kat sə nɗəng. 7Ɗiye bələp ɗiye kə bii wu an fu laa gə-gə hə, nsa Nda mu yong gə pən man gəkang jepee naw ngə.

8Ɗiye gə Yesu Kristi nung seen Dauda, ni wu dok yaghal n'tughun muut hə. nsa langship anə, 9a swaa muutlaa ba mə ɓuaghat an gəyee wupin bii wubis. Naw kam hə ɓuaghat a bəlepNaan mou. 10A mogor jepee dib a ɗə moup ndung mə pən moup hə ɗeepin mə kat angkaa ndung ni nɗəghən Kristi Yesu yi gə wudong nung gəgwo afe.

11Bələp nhə a kam hə wagab: "Mə ɗuam gəmee gə ni bə yong mə yighil zak gəmee gə ni. 12Mə moghor bə mə tuaghat gəmee mə ni. Mə chii ni, ɓə ni zak chii mən. 13Naduk ɗin nwən mən bə, mə man wagab nəmuup ni a wupin naduk, nsa ni gə chii kaashik muup mou."

14Bii gə ɗiya də muop gə jepee muop nhə veet. Byang gə pən n'muop nkwət nua bii nyit ɓaghalshik kə ɓəlep n'tagham Naan, nsa ni gə pət mou. Nani gə dam gurum wu muop fu kələng hə. 15Nuwaar dat gə pən kaasak ɗəwar Naan lap gə yi chin bəlang afe gə ni shi naduk, ndung məbii yong gə mwət kaawaat ngə mou hə yi. Ndung lat ɓə gə shee bələp naduk hə yi.

16Gu nyit gurum wu laa ɓələp wubaan muop, ndung lat bə dən war Naan shi mu hə. 17Bəlep a muop gə yak pee kabi gog kop-nghong (kansa) hə. Nɗəghən muop a Himinayus muop gə Filitus. 18Muop nani nhə mə nyit war naduk. mə laa nkwət yighil n'tughum muut ɗel gwe. mə dam pən naduk wu dok pak gurum muop gəni hə.

19Naw kam hə, kugur Naan ni n'nəghən. Nigə məbii mə ran nkwət: "Ndamu man muop ndung a bəmuup hə," bəncin "Dib gurum ndung bii gə yong səm Naan hə, ɓəyong gə nyit bii wubis a lengwaar. 20Nlə wuleng a lee Zinariya muop gə azurfa dat n'nəghən mou. Lee Shep muop gə wan naw n'nəghən. Pak a də chan jepee wuret, pak a ɗə jepee wubaan. 21Məgwə ɗin nvang bii wubis afe, ɓ ni a lee ɓəlang wuret. Mə shang ni ɗen a lee ɓəlang də wupin lə afe, ni zak miapshik də ɓəlang wuret muop dib.

22Gə nyit lekyit nung yitfung, tang bii wukər gə pən-naduk, gə ɗempee, gə tuaghat chagap nung gurum ndung bii mə yong səm Ndamu gə bəzung muop a wuret hə. 23Lang kom gə-gə kələng bəlepnang wubaan gə kaakwə mou. nsa nani gə wul gə ɓaghalshik.

24Kurum Naan gə ɗem jagar mou, i bii sam gə kaa muup n'tagham gurum dib, nia a wupin shee pee, ni bən a wupin bii moghor. 25Ni yong gə sam gə kaa muup n'shee gurum ndung muop fu ɓaghalshik gə ni hə a lengwaar. Ndong ɓə Naan yong gə pən maa n'muop ɗeepin mə seer mə man naduk nani yi. 26Mə ɓoot də wakwul gə enɗiye a muop bɛncin mə fat nɗəghən dat Shetan, ndangkong ndung dok yak muop də mə chin bii wu ɗem ni hə

31Gə man bii nhə: paa shi ɓit wutəs muop ɓə jepee mə laafu. 2Gurum yong gə mə ɗəm kaashik muop, yong gə mə ɗam shaghal, yong gə mə ɓwap ɓəzung muop, yong gə mə tuaghat a wu kaa ɓal, yong gə mə tuaghat a wu dam səm Naan, yong gə mə nyang ɗəghəl mə Nda muop gə mə nagan muop, yong gə mə tuaghat a wu ɓak chinɗong, gə wu chan bii wubis muop. 3Dempee naduk yong gə wən, məbii ntaa ɓə myap-kəkang leng, gurum yong gə mə dam səm shak, yong gə mə ɓoot ɓə yak kaashik moup mou. Yong gə mə kwət a wupin difil, yog gə mə nyang jepee wuret. 4Yong gə mə tuaghat a wupin voghop pee, yong gə mə kang gə məbii mou, yong gə mə tuaghat a gurum ndung bii mə ɗiye a gə kaashik muop hə dat, yong gə mə ɗem bii wushang ɗee kə Naan.

5A səm dat yong gə mə kwət a gurum Naan, naw kam hə yong gə mə yong gə mə nyang maa afe. Gap gə baa gə ɗə gurum muop nani nhə. 6Nsa pak muop a gurum ndung mə rwə shi-lə shi-lə də fən swərəp wu yoghor muop yi. A swərəp ndung bii wubis garang muop bəncin mə kyem nsa tang bii wushang məmeet hə. 7Swərəp muop nani nhə bii mə shee jepee shibit-shibit, naw kam hə mə man naduk mou.

8A kabi ndung Yannisu muop gə Yambrisu mə nyang yit Musa hə, a kam hə zak wupin biishee wurum muop mə nyang yit naduk. Muop a gurum ndung bəzung muop a wubaan hə, mə pən naduk a shi fu moup dat. 9Naw kam hə yong mə səngpee mou. Nsa yohor a muop yong gə pət ntak gənaar gurum dib, Kabi goghot gurum, muop nani ndung nhə.

10Nə mak zak, gə lang a gədə biishe anə, bii wu bi a chanhɛ, enɗiye anə, pən-naduk anə, biizwat anə, ɗempe anə, biimoghor anə, twangpe muop, muutlaa muop, gəbii wu kat an gəyil Antakiya muop gə Ikoniya de Listra hə. A moghor 11twangpe muop. Nɗəghən muop dip, Ndamu pen an. 12Dib gəsəm gurum ndung mə yak war Naan ndəghən Kristi Yesu hə yong gə mə swa twangpe. 13Gurum wu chan bii wubis gə muop ndung mə mang Kaashik muop a məbii hə, yong mə dam n'mwan tagham. Muop gə kaashikmuop gə pak gurum yong mə kyem war.

14Gə zak, mwaan gədə bii muop wu gə shee hə, bən gə pən naduk gə bəzung gə gəmee. gə man gwə wu shee gə hə. 15Man n'kwət gə dok a laa wuchom gə man bəlepnaan wuret ndung mə ran ŋbiiran muop nhə yi. Nani gə ɓoot də pən en ngə də ankaa ndung ni nɗəghən Kristi Yesu hə.

16A naan gə bii wu mə ran ndəghən bəlep afe hə dib. Dong də sheepee, gə karpe, gə myappe wukər. 17Ndung hə a də gurum Naan na yong n'lək mou, ni gə chin a shik nlə də dib gəsəm ɓalang naduk.

41An fu pən bii-tət nhə, ntagham Naan gə Yesu Kristi, ndung ani pa gə shyep gurum wu muop n'kagham gə muop ndung mə ɗuam hə, bəncin a nsa wul afe gə yil-long afe. 2Gə shakbəlep nani. Lə sak a shik ko ɗin gə kat pee ko ɗin gə kat pee mou. Rwang sak, ɓyaal-ɓyaalpe, kar-karpe shi moghorkung din gə shee pee.

3Nsa pee pa gə wa nrə ndung gurum latbə mə nyang sheepee wukər hə. Nde a kam hə ɓə lat bə mə tang wushee pee muop ndung lekyit a muop gə bəzung muop gə mə tang ani hə. 4Lat ɓə mə laa bii wu kom muop gə ɗem ɗin n'kələng ani hə. Lat ɓə mə dwaghar kom muop yong ba mə kələng shee pee naduk, de lat bə mə ləngkom muop kələng a bələp wubaan muop dat. 5Gə nəmak, ndəghən jepee dib bə gə ya kaasak. Zwat muutlaa, chin bəlang wushakbələp, chin yit nəmak.

6Muop fu kwələp an. Pee waarə də chak yaghal anə. 7A yak gəsə na duk-duk: a yak fubət nəmaan gwə lat, a ɗar ɓal shi pən-naduk. 8Vughum long wukər ɗəɗok gə kang an yi, Naan wupin naduk paa gə pən n'an paa ɓit nani. A an dat mou, naw gə muop ndung mə ɗəm wul afe hə.

9Zwat gə ji ɗə nə bərbər. 10Nsa Dimas gap antak. Gə ɗəm nəmuup a ɓəlep gəyil dat mwaan wakkwət gəyil Tassalonika, Kariskis mwaan wakwət gəyil Galatiya, Titus zak mwaan wakwət gəyil Dalmatiya.

11A Luka dat gəmee ɗe shiɓət nə. Tang Markus gə ji gəni nsa yong gə kyen an ɗə bəlang nhə. 12A lep Tikikus wakwət gəyil Afisus. 13Gə ya də ji ɓə gəji gə ngodo wudok a nyit ni gəsar Karbus gəyil Tarusawa hə, dib gə bii-ran muop, lengtəs a bii-ran nhə.

14Iskandari ndung a wusughum dalma hə chin nagət bətchan də nə. Nda mu yong gə yawaap bii wu ni chan hə. 15Gə ma gə kang gəni, nsa ni gə ɗem bəlep a mu wa til mou. 16Shideel wu a yaghal wu a yaghal a ɗar kəsan hə, məgwo lap gədə nə mou. Mak ɓə swə dib fu nə. A ɗem ɗin mə yawaap nani nkaa muop mou.

17Naan ni gəmee gə an, ani ɓəncin ɓal kwak nə ɗeepin a an a shakbələp yi ɗong-ɗong ɗə gurum gəyil mə kələng yi dib. mə pən an nfu liit. 18Naan yong gə pət gə an nfu bii wubis, ɓəncin ani yong gə angkana nə ɗə yil-long kəbətəng. Maa tong a mərmuup gəgwo. Mə ɗem ani.

19Nang Biriskila, gə Akila, gə lə Onisifurus. 20Arastus tongɗok gəyil Korinti, Turufimus zak la gog ya ni ɗen gəyil Militus. 21Chin gə wul nɗəng shee kophom npət. Yubulus nifu nang gə, a kam hə Budis muop gə Linus ɗee Kalafidiya gə goghot gurum muop fu nang gə. 22Mang Nda mu tong gəmee gə məriip gə. Mang chinɗong afe tong gəmee gə-gə.