Joel

11Te xehe kuuxi tnuhu Ya Ndioxi ni teku doho teé Joel dehe teé Petuel. 2Te ni xahaⁿ-de chi kunde doho ncha'a tnuhu-aⁿ nchaa nchoo ñayiu nisahnu ndɨhɨ nchaa ncho-ho ñayiu xi nde Ni kide-xi xehe ɨɨⁿ xito nchaa nduuⁿ-do adi nduu nchaa ñani tnaha-ndo ndee sonoha-a? 3Chi kahaⁿ tnuhu-aⁿ nuu dehe-ndo te dehe-ndo na kahaⁿ-yu nuu dehe-yu te dehe-yu na kaha-güexi nuu dehe-güexi te dehe-güexi-aⁿ naa kaha-güexi nuu nchaa ñani tnaha-güexi vitna tuu nuu kuhaⁿ nuu vexi.

4Chi kue vihi timi kixi-güedɨ da naa-güedɨ nchaa sa io te nchaa sa na dando-güedɨ, kaxi tuku tɨka nchama te sa na dando tuku tɨka nchama-aⁿ kaxi tuku tɨka chichi, te sa na dando tuku tɨka chichi-aⁿ, kaxi tuku tɨndaku.

5Te nchaa ncho-ho kue-teé xiní, chi dandixi tuu ini, te chí ndahaⁿ-yu chi kanasaa nchaa ndɨ tuu ncho-ho kue-teé xihi ndidi, chi ndee ndudi yoho yaha estile ndɨhɨ-xi nuu-ndo. 6Chi nchaa kɨtɨ-a ni ndonchita-güedɨ datna ɨɨⁿ nacioⁿ nuu ñuhu-i ndee-güedɨ te ni va ndakuho kahuⁿ-güedɨ. Te nehe-güedɨ muu ndɨkaha yhɨ, ndɨhɨ nehe-güedɨ nu hu xɨkɨ ndɨkaha dɨhɨ. 7Te io ndahu ni kide-güedɨ nuu kaa yoho yaha istile-í, te ni kide ndɨɨ-güedɨ tnuu nku-xi-íte nchaa ñɨ'ɨn-xi sa ni tnɨndee güedɨ-aⁿ ni dake tɨhu-güedɨ. Te nchaa dite-xiaⁿ ni ndɨhɨ ni kuu kuixi.

8Te chi ndanchita datna ɨɨⁿ xichi tnandaha sa nihnu-xi ɨɨⁿ doho tende te ndayu-xi sa ni xihi teé kuechi kandeka-xiaⁿ niku. 9Duka na ndayu nchaa kue dutu, kue-teé xinu kuechi nuu Yandioxi sa duka ni ndɨhɨ triu ndɨhɨ ndudi yoho yaha estile sa ni xoho nakuha ñaha tau-güede xi-ga. 10Te nchaa yuuku io ni nayichi te io niga ndau kaa nuu ñuhu te nchaa sa kuu nuu-xi ni ndɨhɨ ni yichi te nɨhi ni xita. Te ndudi saa yoho yaha estile ni ndɨhɨ ni yichi te aciti ni ndɨhɨ ni na tɨu.

11Te ncho-ho kue teé kide chiu nchaa yuku-aⁿ ndɨhɨ ncho-ho nchaa kue teé xitu yoho yaha estile chi ndaaⁿ-yu sa ndɨu ini-ndo kuenda sa ni xita nɨhɨ triun-do ndɨhɨ nchaa iteen-do sa kaa datna kaa triu-aⁿ, chi nchaa sa kúú yuku ni ndɨhɨ ni yichi te ni xita. 12Te tnoha nchaa yoho yaha estile ni ndɨhɨ ni díí, te nchaa nuu kaa tnu nkuxi ni ndɨhɨ ni yichii, ndɨhɨ nchaa yutnu tnu dihuⁿ, te tnoha nchaa tnu ñuu, ndɨhɨ nchaa tnu mazona nchaa xia, ndɨhɨ nɨhi nɨtuhu yutnu io yuku ni yɨchi. Xiaⁿ nuu ni ndɨhɨ sa kuudíí ini nchaa ñayiu ñuyiu.

13Te nchaa nchoo kue dutu, kue-teé xinu kuechi nuu naa chi kenuhu ɨɨⁿ doo sa sakuinu-yu ore xihi ɨɨⁿ ñayiu te yoha-ndo ɨɨⁿ niu nɨ tuhu kuihnun-do dooaⁿ te ndayun-do kuenda tnuhu ndoho vexi nchoo kue teé xinu kuechi nuu Ndioxi-í, chi ñatu tnohoiga na io vehe Ya Ndioxi ndoo. 14Chi dataka ñayiu ñuuⁿ nuu ni kuu ii te nani tnahan-do kundekun-do nuu chiñuhun-do Yandioxi te thaha nchaa kue teé kuu sakuhe nuu ñuuⁿ na kunde-güede te kuu iin-do va kaxin-do kundekun-do xia te kahaⁿ taun-do nuu Yandioxi kuenda na kundeku ndɨhɨ ñahaⁿ-ga tnuhu kahnu ini.

15¡Te ndahu ni kuu nduu-aⁿ! Chi nduu Ya Ndioxi sa ni kuu yatni te kanehe-xi sa huhuⁿ sa kuxio kixi sa na tendaha Yaa io kuu kahnu. 16¿Na ñadɨu ndehe nuu-oⁿ ndɨhɨ sa kaxio, te ni ndɨhɨ sa kudɨhɨ inio ore ndeku-o nuu kɨuñuhu Ya Ndioxi-o? 17Nchaa tata ni ndɨhɨ-xi ni yichi-xi xitɨ ñuhu, te nchaa yaka ñatu tnahiga na ñuhu nuu ni ndɨhɨ ni nkoyo kuenda sa ñatu nani ndehe chi ni ndɨhɨ ni yɨchi.

18Nde datni ndayu nchaa kɨtɨ, chaa mbee ndɨhɨ nchaa ndɨkutu ndɨsa xi ndoho-güedɨ chi ñatuga nihi-guedɨ ite kuí kaxi gue-dɨ. 19Xika tau-i nuu yoho Dutu Ndioxi. Chi ñuhu-aⁿ ni dandɨhɨ-xi nchaa ite io yuku ni sahmi-xi te ita ñuhu-aⁿ ni dandɨhɨ-xi nchaa yutnu oi niku. 20Te nde tnaha nchaa kɨtɨ ndeku xɨtɨ yuku-aⁿ ndayu-güedɨ nuuⁿ, chi nchaa nuu ñuhú ndute ni kuu ni ndɨhɨ ni xɨchi ndɨhɨ nchaa ite io yuku ni ndɨhɨ ni kayu te ñatuga nihi-güedɨ sa kaxi-güedɨ.

21¡ Chi tɨ kutu ndaa sion, te tendo kaaⁿ nuu tɨndu ii! te ncha kue ñayiu ndeku xitɨu ñuyiu-aⁿnaa kɨtɨ-yu sa yuhu-yu chi na sa nduu meeⁿ ya ndixi chi ore sani ku yatni. 2kuxi ɨɨⁿ nduu kuhu viko te kuu neeⁿ te ió ndahu kada-xiiⁿ chi datna kidexi sata tundaa yuhu tɨndu-aⁿ kuaka duka kadaxi kixi datna kue te'e ío vaha xini naaⁿ kue sandadu, te ío kuñuhu-o chi ni t ɨ xito vata kiniga-o dukaⁿ kada-xii te ni va kiniga-o duha kada-ii nuu kueha nuu vexi.

3Te nuu ta yaha kue sandadu-aⁿ kuaha ió vii kaa. chi kaa datna ni xinduu huertu heden diko kue sandadu-aⁿ chi nchiku ñuhu-que -de kuahaⁿ, te xiaⁿ nuu ta yaha-gue-de aⁿ ni ndṫhṫ sa ió ni sahmi-gue-de te ore ni yahana-gue-de kuaha-gue-de te nnindona xiaⁿ kaa datna kaana ṫṫⁿ yuku yichi.

4Te ncha kue sandadu-aⁿ ndaa-gue-de datna kaa kuayu te xinu-gue-de naa xinu kuayu. 5te teku ta kaha saha-gue-de vexi nuu tɨnduu-aⁿ datna teku ore xinu carreta adi ore sandaha ñuhu callu ndaha vitɨ. te xita yukuna-gue-de datna ore kee-gue-de kɨtɨ naaⁿ-gue-de.

6Te nchaa ñayiu ni xihi nɨñɨ nuu-yu sa sa yuhu-yu ndeheyu kue sandadu-aⁿ. 7Te xinu-gue-de datna kue sandadu xininaaⁿ kuaha-gue-de te xido-gue-de nchaa sa ñuhu nuu-aⁿ Te ɨɨ ni xichi kuana-gue-de

8Kuaha ndaa-gue-de ña tu kee-gue-de yuku-aⁿ te ni ñatu chintaha tnahague-de. 9Te ndɨhɨ iniegue-de sa-gue-de xɨtɨ ñuu te kanuu-gue-de naha vehe te kuido-gue-de yehe lihli ndee noha xiaⁿ datna ɨɨⁿ ñaduhu kuaha-gue-de.

10Te nuu ñuhu tnaa andɨu kɨdɨ xɨɨ, nchikanchi ndɨhɨ yooni ndahba te choo dini ñatu-ga ni dayehe-dɨ nu nuyiu-aⁿ 11Ya Ndioxi nihi vihi ni kaha-ga nuu nohaa kue sandadu-ga chi nchaa kue te'e xini naa'aⁿ kuehe vini-gue-de tendisa ndee-gue- nde chi nchaa kue tee-aⁿ kide-gue-de sa tauchivⁿ mee-ga te nduu meeⁿ YaNdioxi ío kahnu kuxi te ío yuhu-oⁿ kada-xii ¿yondi ndaku kaku nuu nchaa sa na kada-xii-aⁿ?

12''Xioⁿ nuu vitna'' kachi Ya Ndioxi'' chi tantixi nuu-i nɨ yuhu nɨ inindo te kundekundo va kaxindo dita te ni va kohondo ndute, tendaindo nuu-i te ntixi kuechi inindo'' 13te ndatando inindo nuu-i te adu duha dando ndatundo te chi nchokaba nuu dutu Ndioxi. chi ya-ga ío kahnuⁿ ini-ga te ió kuee ini-ga sa kudeⁿ-ga te tu nakuana-ga sa kaha-ga kada-ga ya-ga na tu kuini-ga sa ndoho-gao.

14¿Yondɨ xini? te ña tu xinio nuu ñadɨu kudana te nadama sa sani ini-ga te kanehe-ga tnuhu kahnu ini te kada iiñaha-ga xindoo te taxi-ga triu ndɨhɨ ndudin yoho yaha estile kuenda nihindo sana kuañaha tahundo xii Dutu Ndioxido

15Chi tɨu kutu ndaa sion te chi kana nchaa kue ñayiu ñuuⁿ te natakando nuu ni kuu ii, te kuu ii-ndo, va kaxindo teni va kohando ndute. 16Te chi nadataka kue tee ni sahnuⁿ nchaa kue landu, ndɨhɨ nchaa kue dehe lihli vitna sadi, nchaa kue nay u ñuuⁿ chi nadataka te kundekundo nuu ni kuu ii-oⁿ te chi daña sa tee ni tnandahana kee-de vehe-de te ñadɨhɨ ni tnandaha na kee tu ku-xii xɨtɨ vehe xɨdɨ-xii.

17Te chi ndaha-yu nohoo dutu, kue te´e xinu kuechi nuu YANDIOXI kundekun- do tnuu corredor dnɨhɨ nuunaa te duha kuu ñahando YANDIOXI '' yoho YA NDIOXI kada kahnu ini dehe ñuuⁿ, vaa dañan sa vaa yoo ɨɨⁿ kada huhu'' ini ñaha xixu chi kuendan kuu-yu: teni vaa daña tukun saa ni ɨɨ nacioⁿ taxi tnuni ñaha xixu, te kuu ñaha ñayiu ñaa tuu sandaa ini ñaha xiin ¿nde ndeku NDIOXIN-doii?

18Te sa daha ni xahaⁿ ncha kue dutu-aⁿ XI YANDIOXI nuu ni kuntahu ini-ga dehe ñuu-ga te ni kide kahnu ini ñaha-ga xixu. 19Xianu ni xahaⁿ-ga xuxi: ''yuhu tentaha-í triu, ndɨhɨ nduu-di yoyaha stile, ndɨhɨ aciti, te kaxindo ndee naa chitu xɨtɨn-do. Te va dañanga tuku-í saa ncha ñayiu ña tuu sandaa ini ñaha-xii kada huhuⁿ ini yu ñaha xindo.

20Yuhu ndee nehe-í ncha kɨtɨ ni kixi nda xio kuhaⁿ nuu keene nchikanchí ni kide dañu ñaha gue-dɨ, te daa kɨhɨ-í guedɨ ndee xɨtɨyuku yichi, te ncha kɨtɨ taxi tnuni yodo nuu nuugue-dɨ dakɨhɨ gue-dɨ nde xɨtɨ ianmar ndaa xio nuu kene nchikanchi, te ncha kɨtɨ nchiku nda nchita sata güe-dɨ dakaɨ-í guedɨ nde xɨtɨ iamar ndaa nuu dahu nchikanchi,ncha xɨkɨ kuñu gue-dt tehyu te sahaⁿ. niga ¡tnuhu ndaa kuu-xi saio vaí sa kada-í

21Te nchoho vayuhun-do, chi kydɨ ini chi YA NDIOXI io vai saa vayo tnaha-í ndaku kada kada-ga. 22Vahayu nchoho Kɨtɨ yuku, chi nduu kuíí yuku yichi nene ite kui-í,nchaa tnu yidi kuuⁿ sayidi-xi, te thua nkuxi kuuⁿ-ni nkuxi-xi ndɨhɨ yoo yaha stile kuuⁿ-ni sayidi-xi. 23Chi kudɨɨ ini nchoho ñayiu Sion, chi kuu dɨɨ ini nuu DUTU NDIOXI, chi dakhuⁿ-ga dau sa kuxindo nduu tauxi kuuⁿ, chi kuuⁿ ni dau dɨhna ndɨhɨ dau nduu datna ni xoo kada tnaha-ixi ni kuu

24Nuu na kani gue-de triu na chitu triu, te litu nu sakhuhhu ndudi yoo yaha stile ndɨhɨ aciti kuido koyo niga. 25''Yuhu na taxi xindo sa ni xindun-no ncha kuia kutnaha ni xihɨ tika nchama ni xexi güe-dɨ, tɨka nchama kahnu vihí, tɨka nchama xexi nchaa, tika nchama dandɨhɨ, kɨtɨ kuu datna sandadu ni tendaha-í ni kixigue-dɨ nuu ndekun-do.

26Te ncho-ho kunde kundɨhɨndo vaí sa kaxin-do te va kuuⁿ-do doko, te dukanⁿ te nachi ñuhun-do DUTU NDIOXIN-do Yaa ni kide sa vaa yoo tnaha-i nda kukada ni xinin-doo,te yuhu kada-í sa ni ɨɨⁿ xito-ga va ndoo kanuu dehe ñuu-í. 27Te nchoho kinindo ye yuhu ndeku-í ndɨhɨ nayiu Israel, yuhu kuu-í DUTU NDIOXI-yu te va yoo ɨɨⁿ-ga te ni ɨɨⁿ xito-ga va dando kanuu-í dehe ñuu-í

28Sata na yaha kada-í ncha sani kahaⁿ-í te tnaha tendaha tuku-í espiritu-í kixi sa kuxi nchaa ñayiu, nchaa kue dehe tee-yu ndɨhɨ ncha kue dehe dɨhɨ-yu kahaⁿ guexi nchaa nakuaⁿ na kahaⁿ ndɨhɨ nahaⁿ YA NDIOXI xigue-xi, ncha kue ñagiu nisahnu-yu kahaⁿ sani-yu nchaa kue nayin kuechi-yu kini nuu-yu ncha sa na danehe nuu ñaha mee YA NDIOXI XIXU. 29Te tnahaⁿ tuku ncha kue te'e ndɨhɨ ncha kue ñadɨhɨ nayiu xinu kuechi ncha nduku nayiu-aⁿ nihi-yu ESPIRITUÍ NDUU xiaⁿ

30Yuhu kad-í sa nduaⁿ io vai sa kadaxi andɨu ndɨhɨ ñuu yiu-aⁿ chi koo nɨñɨ, ñuhu, ñuhma chitu-xi nɨ tuhu ñuyiu. 31Te kunee nuu nchikanchi, te yoo nduu nɨñɨ-xi nduu na kumaniga sa saaⁿ nduu YA NDIOXI nduu kahnu nduu huhuⁿ

32Te kada sa nduaⁿ ncha ñayiu na kahaⁿ ndahu nuu YA NDIOXI te kaku nihnu-yu-chi tɨnduu Sion nndɨhɨ Jerusalen, koo ñayiu kaku nihnu, na kuahaⁿ ni kahaⁿ YA NDIOXI, sa ncha nayíu ni kaxi nihnu-ga kaku-yu.

31Diko nasaa nduu duka kada-xii. Te yuhu kada-i nchodama Judá ndɨhɨ Jerusalén. 2Te yuhu nadataka-i nchaa kue nació. Te kada-i sa kixi-yu yodo Josafat. Te yuhu kadanda-i kuechi-yu yaka kuenda nchaa sani kide-yu dehe ñuu-i ñayiu kuu kuenda-i ñuu Israel. Chin nchaa kue tee-aⁿ ni xite nuu-gue-de nchaa kue nació. Te ni chidava-guede ñuhu-i. 3Te tnaha tuku ni nchodama-gue-de ñuu-i, chi ni nadama-gue-de ɨɨⁿ teé lihli, ndɨhɨ ɨɨⁿ ñadɨhɨ ndeku ichi dɨ ini, te ni diko-gue-de ɨɨⁿ xichi lihli kuenda duka ni nihi-gue-de ndidi ni xi hi-gue-de.

4Vitna ¿Te nachiu kudee ndo nuu-i nchoo ñayiu Tiro, Sidón ndɨhɨ nchaa kue ñayiu Filistea? ¿Te nchoho sani inindo nata-xi yahu ñahando-aⁿ? Chi kue ni na na taxi yahu ñahando xii-aⁿ te dukani nadanchokaba-i ntixi-xi sakuxi ndoo. 5Chi nchoho ni kehendo dihuⁿ kuixiⁿ ndɨhɨ dihuⁿ kuaa-i ndɨɨ nchaa sa yahu dihuⁿ nehendo kuaha xɨlɨ vehe nuu kachindo ndeku sa dananindo ndioxindo. 6Chi nchoho ni dikondo ñayiu Judá ndɨhɨ Jerusalén xii kue teé griego te ni kide xikando-yu ñuu-yu.

7Chi kundehe sa sandeku yatnina sa kada-i chi dancho kaba-i nchaa ñayiu-aⁿ nuu ni kee-yu te yuhu duincho kaba-i sa kuxi mendoo nchaa sani kidendo kue ñayiu-aⁿ. 8Te na diko-i dehe teé ndo ndɨhɨ dehe dɨhɨndo nuu ñuu Judea te nchaa kue ñayiu-aⁿ na diko ñaha-yu nuu kue teé Sabeos ɨɨⁿ nació ndoo xika. Chi Ya Ndioxi duka ni kaha-ga kunduu.

9Chi danaha nchaa ñayiu nació nchaa sa kada-xi. Te chi kada tuha mendo kuenda kɨhɨndo nando. Te chi dandɨ kɨu ini nchaa kue teé ndee. Te chi daña na da yatni-gue-de te dañando na kaa-gue-de naaⁿ-gue-de. 10Te latu-gue-de na nduu-xii datna kaa deeⁿ te yuchi-gue-de datna kaa puya nuu-xi. Te na kuñaha teé ndahu kuu. "íó ndee kuu-i"

11Chi kaka chi dayatni nchaa nchoho kue nació ndeku yatni, te chi-nadataka tnaha chi Ya Ndioxi kixi-ga ndɨhɨ nchaa kue teé íó vaha xini naaⁿ.

12Chi daña sa nchaa nació na ndixi tuu ini me-guede, te kɨhɨ-gue-de nuu yodo Josafat. Chi yakaⁿ kundeku-i kadanda-i kuechi nchaa kue ñayiu nació ndeku nɨ kaa xiko ñuyiu. 13Chi nchaa kue ñayiu-aⁿ ndisa kuihna ini-yu, te kehndendo-yu datna xehtendo triu ore na sani kuu nakehendo, ndɨhɨ ore yoho yaha estile nikuna te danchihindo ke ñuhundo ndudi-xi duka kadando kue ñayi-aⁿ.

14Te nduu me Ya Ndioxi ni kuu yatni ndixi-ga nuu yodo nuu kada ndaa-ga kuechi te íó kuehe ñayiu xi kana saaⁿ nuu yodo-aⁿ. 15Te nchikanchi ndɨhɨ yoo kunee nuu-xi te nchaa chodini va da yehe-ga-dɨ.

16Chi Ya Ndioxi nihi vihi kaha-ga ndee Sión ndaa Jerusalén, te andɨu ndɨhɨ nuu ñuhu kɨdɨ-xi, diko Ya Ndioxi kuu-ga ya dakaku nchaa kue ñayiu ñuu-ga te diu-ga ku-ga sa kuu doko ñaha xii ñayiu Israel. 17Te kuenda na kini-yu sa yuhu kui Ndioxi ndisa kuu-i Ndioxi-yu ndekui Sión nuu tɨnduu íí, dukoi te Jerusalén kuu íí-xii te ni ɨɨⁿ-ga kue sandadu te nchokaba-gue-de kaka-gue-de kuadava xɨtɨ ñuu-aⁿ ɨɨⁿ nka xito.

18Te kada-xi sa nchaa tɨndu-aⁿ ndisa vai sa baha koo, koo ndudi vidi te dɨuni duka kadaxi nuu ndaa koo vihi kɨtɨ kuñaha diku, te nchaa yuu ñuu Judá kunu vai vihi ndute, te nundeku tuku mee Ya Ndioxi kee ndute te kute nuu-xi yodo sitim. 19Te Egipto naá te Edom nduna-xii ɨɨⁿ ñuhu yichi, te duha yaha-yu kuenda kuenda sa ni kide huhu ni-yu ñayiu Judá sa ni sahni-yu nchaa ñayiu tu ndekuechi ñuu-yu.

20Diko nchaa ñayiu Judá ndɨhɨ ñayiu ñuu Jerusalén. Chi kundekuni-yu nɨ ka nɨ kɨhɨ. 21Te yuhu na chi yahu-i nɨñɨ-yu chi va ta na chiyahu-ga-i chi Ya Ndioxi ndeku-ga Sión.