Mark

21Patche akahirira kwenda Capelenaume, pantsicu zingasi wadabva cuti Iye akari pamui. 2Apo wajinji wadaungana penepo hapakana mbuto, ne padoko, cuswikira pamusuo, Djeso akalonga fpala.

3Wanango wadauya cuna Djeso wachiuisa mwamuna tchilema. Wamuna wanai wakada dzusa. 4Apo iwo hazvikaita cuswika paduse Naye Na thangue lacuwanda. Apo, wadavula buri pambuto pakana Djeso apo, wadaita buri, wadacthithisa tchirema wadamugonessa.

5Nacuona kuthemba kwatche, adalonga Djeso munhu tchilema: "Mwana, wangu zvitema zvako zvalekereriwa". 6Apo penepo wakalipo wenango wadziwisisi wamitemo wakadakala apo wadakaghaya mukati mwamoyo: 7"Ntswanyi munhui wachilonga dyano? Iye mupikisi Wamulungo! Mbani angarekerere zvitema kumza Kwamulungu?".

8Tchilipolipotcho, Djeso, hakadziwa mumuzimu apo iye akadafunga phatchatche, adadzalanga bvati: "Thangue lanyi muri kufunga dyano mumoyo yanu? 9Ntswanyi zvikadadonha maningui cubvunza munhu chirema: Cuti zvitema zvako zvalereriwa panacuti cuti: Muka, ubate ntswimbo yaco ufambe?

10Apa kwadi cuitira cuti mudziwe cuti Mwana Wamunhu anamutemo pansi pano wacukerera zvitema," adalonga iye cubvunza tchirema: 11"Ine ndina cubvunza: Muca bata ntswimbo yaco uende cumba kwaco". 12Iye adamuca tchiripolipotcho adabata ntswimbo yatche napenepo adaenda cumba kwatche pamberi pawentse, nazvenezvo wentse wadadzuma nazvo watchilonga Mulungu ngaatchyiwe wadalanga: "Ifepano hatisati tawona zvinango zvinhu inga izvi".

13Iye adabuda patswa kwenda mukundu mwabala, napenepo mbumba yentse idauya cunaIye, Iye akawafunzisa. 14Pangani akapinda, adawona Levi, mwana wa Arfeo, akadagala pambuto ya kutsonkesa misonko, Iye adati: "Nditeere." Iye adamuca Atchimuteera.

15Pangani cuti Djeso pakali iye pathebo panyumba ya Levi, wazinji wanyacusonkesa musonko nawanya cuita zvitema wakadya na Djeso nawafpunzi, tangwe pakana wajinji wakaMuteera. 16Pangani yacuti wanyori wawafarise wadawona cuti Djeso alicudya nawanhu wanyangazi nawasonkesi wamusonko, wadalanga cuna wafpunzi Watche: "Tangwe lanyi Iye alicudya nawasonkesi wamusonko nawanyangazi?".

17Patche Djeso adabva izvi, adawabvunza: "Wanhu wacuwoma hawadi mulapi; basi wanarwala ndiwo wanada. Ine handina cudzira cudzadaizda wacudetsa, kwatche cuna wanyangazi".

18Wafpunzi wa Juwau nawafarizeo wakatsanya. Wadauya nawenango wadaMubvunza: "Ntswanyi wafpunzi wajuwau nawa fpunzi wawafarezeo wanatsanya apo wafpunzi wanuwa hawatsanyi?". 19Djeso adawabvunza: "Codi zvinaita wanyakudaidziwa pamutchatho watchitsanya apo ngani yacuti hwinga wutchina iwo? Cana iwo wana hwinga, iwo hawaiti cutsanya.

20Apo zitchadzauya ntsicu iyacuti hwinga itcadzabudiswa, pantsicu zenezo, iwo watchadzatsanya. 21Hapana anaika tchigamba tchanguwo itswa panguwo iyakale; zvinadzaitika cuti, tchigamba tchinadza kedza nguwo iyakale, napenepo cukedza cunadza kula.

22Hacuna munhu anaika vinyu itswa mumidziyo yacale; angati iye atchiita zvenezvi, vinyu itswa ina phwanya midziyo, napenepo vinyu itswa na midziyo ineyo inaluzica. Napenepo, ikani vinyu itswa mumidziyo mitswa".

23Futi cudawonekwa cuti, ikali ntsicu ya sabudu, mucupinda kwatche Djeso mumbuto zacuti zikazvaliwa zvinhu, wafpunzi watche watanga cuvula njira wadadula misapho zvacuti inga zvadina mhumba. 24Napenepo wafarizeu wadalanga: "Onani, htangueranyi walicuita zvinhu cuti hazvitenderwi musabudu?".

25Iye adalanga: "Hausati aerenga cuti ntswanyi davidi adaita pawo hawakana zvinhu futi pawowakana nzala, iye nawamuna wakana iye? 26Adapindatani munyumba ya Mulungu apo Biyatar akali sumu saserdote futi wadadya pau ya pamberi, cuti hazvikatenderwa cuti cana munhu zvatche adye, exceto wasacerdoti; futi adawa pasambo wakanaiyewo?".

27Djeso adalanga: "Ntsico ya Sabudu ida itirwa wanhu, nkabe munhu cuitirwa Sabudu. 28Napenepo, Mwana Wamunhu ndi Tchanguimire cuswica mu Sabudu".

71Wafarisi nawenango walembi awo wadauya cuDjerusalema, wadamunganila wachimutyendelela iye Djeso.

2Iwo wadawuya apo wenango wawafpunzi Watche wakadya pau namandza akadasvipa cana cuti necusamba mandza. 3(Apo wafarisi nawentse majuda hawadyi hawana cusamba mandza, iwo wanacoya mitemo yamadikoni. 4Apo watsalakana cumusika, wafarisi hawadyi hawana cusamba mandza. Ilipo maningui inango mitemo ninga ipi iwo wanateweela maningui maningui, cutomera cutsukwa kwemakapu, majaro, nkali yatchikudzu, cuswikila pamacheya namatebo).

5Apo wafalisi na walembi wadabvunza Djeso. Thangwelanyi cuti wapfpunzi Wanuwa hawateeleli mitemo hamadiconi, apo wanodya pau hawakana cusamba mandza'

6Iye adawadaira: "Wanyengeri, ande waprofita Isaia pamusana paimwe, nakulembiwa cukadaitiwa izvo: mbumba iyi ngaindinamate namilomo yawo, napenepo moyo yanu ilikutali naIne. 7Iwo wadandipa munamato usina tchinhu, wachifpundisa mitemo yamhunhu nakudziwa kwatche.

8Imwe mudatawa mitemo yaMulungu muchiteweza mitemo yamunhu. 9Adalanga tchilipolipotcho hawana cuda cuteerera mitemo yamulungu cuti walambe watchiteerera mitemo yawo! 10Napenepo Mozisi adalanga: Kodza baba wako namai wako, Ule, analeka kuteerera mitemo yababa cana cuti mai wako,tchaizvi izvo anadzafa.

11Napenepo ndinalanga: Pana ule adzalanga cuna baba watche kana cuti mai: Cubatsira kwentse cunabuda cuna ine iKorbani,"`( zvenezvi zvinalanga cuti tidapiwa naMulungu), 12apo hapatchina futi kubvumirha cuita tchinango tchinhu cuna baba waco nemai waco. 13Udafudziwa mutemo waMulungu namukho wadalangiwa. Imwe mungaita zvinhu zvakuwanda zvidatsazana".

14Zvidaitikazve, Adadaidzazve mbumba adalanga: "Mwentse imwe ibvani zvinalanga Ine mubvesese. 15Hacuna tchinhu cunza kwamunhu tchingapinde cumusvibisa. Apo tchinobuda mukati mwatche nditcho tchinosvibisa". 16Kana paine munhu anamakutu cuti abve, anabva.

17Nangani ineyo, apo Djeso adasiya mbumba adapinda mumba, Wafunzi Watche wadaMubvunza nathangwe yamutsazaniso, 18Djeso adalanga, Imwe mulikuenderera culeka cubva? Hamuoni cuti zventse zvinapinda mukati mamunhu hazvimusvibisi, 19napenepo hazviiti cuti zvipinde mumoyo yanu zvinoenda mutchifpu tchako napenepo zvidzaikiwe cunza". Nakuoneka kwa izvi Djeso adaitazve tchakurha tchakudeka.

20Iye adalanga: zvinthu zvinabuda cumunhu ndizvo zvinasvipisa. 21Napenepo mukati mamoyo ndimo munabariwa nzero zakuipa, hupombwe, cuba, cuulaya, 22hupombwe, cusirira, cuzonda, bibvu, kupomba, cuzonda, gumba, cuzvikudza, cupwepwa. 23Cuipa kwentse uku cunabariwa mukati, ndipo panabaliwa cusvipa kwamunhu".

24Iye adabuda penepo adaenda cumithunhu waTiro na Sidom. Adapinda munyumba apo Iye hakada cuti nembhodzi cuti adziwe cuti Iye akaripenepo, Zvidatchimwanika cuti Iye azere. 25Tchilipolipotcho mukadzi munango akali mwana mudoco acana muzimu wakuipa adabva mbiri yaDjeso adagonama pamwendo Yatche. 26Mukadzi uyu aiwa muGiriki warudzi raSirofenika. Iye adakumbira cuti abuudisirwe madimoni amwana watche.

27Iye adadzalanga: "Siyani wana watome cudya. Hazvisi mushe cubudisa pau yawana cuitusira tunganda". 28Napenepo iye adzadaira: "Ndizvo, Tchangamire, tunganda tapantsi pameza tulikurhawo tumatsetswa twapau zawana".

29Iye adalanga: Thangwelanhi walanga izvi, wabvumirha cuti uende.Dimoni labuda pamwana waco". 30Iye adahuirirazve cumui adawona mwana adagona pamubeda, dimoni likada siya mwana.

31Napenepo adabudazve mumutunhu waTiro adapinda nakuSidoni cuswikira bala raGarireia, mutunhu waDecapolis. 32Iwo wadabweresa munhu cutyi iye hakakwanisa kulanga, wadatsumba cuna Djeso cuti amuike mandza pamusolo patche.

33Iye adamubudisa pana mbumba, adaenda pakundu, Adamuhika zvara mumacutu atche, adamufpirira, Iye adamubata lulimi. 34Djeso adalinga cudzaulu, adafemereka adadzalanga: "Efata!", culanga cuti, "vhula!" 35Tchilipolipotcho macutu atche adavhulika, itcho tchikada mubata lulimi lwatche tchidabudiswa, iye anakewanisa culanga zvamushe.

36Iye adawalambiza cuti waleke culanga cunawenango. Apo adanyanha kuwabvundza. ndipo adadzanyanya kulanga. 37Iwo wadachamisika nazwo watchidzuma ,watchilanga: "Iye adaita zventse zvakudeka. Iye adaita cuti cutyi ibve natchimumu tchilange".

141Pantsicu ziwiri zikamirira cuda cuitwa Pasika naMutambo weMapau hana Isiti. Apo wakulu wamapirisita wanyori wakafamba watchitswaka zvakuita zvakubisika cuti wamuulaye. 2Apo wakadzalanga: "Ne pangani yaPasika, cuti pareke cuoneka boyowoyo pakati pawanhu".

3Djeso akali paBetania pamui waSimao, nyamaperembuzi, iye akatsulima kumeza, adafendera mukadzi mubodzi namutete ukana mafuta akudiwa maningui, akudula maningui . Iye adaska mutete adatululila mafuta pamusolo paDjeso, 4wakalipo wanango wakadakalipa nazvo. Iwo wakalanga patchawo: "Thangwe ranyi atsayi mafutu akudiwa? 5Mafuta aya angadaita cugulisa cupinda madenari zvuru zvitatu wangadapa wanyakubonera". Apo iwo wakashola.

6Apo Djeso adalanga: "Musiyeni akale ntendere. Thangwe lanyi munamushupa? Iye aita zvakudeka cuna Ine. 7Pakati panu panawoneka wanyabonera imwe mungada kana kuita zvakudeka kuna iwo, imwe hamulambi munaIne cukala-nacukala. 8Iye adaita zvikada kuitiwa, adandidzola mafuta handisati ndaikiwa. 9Tchaditchadi ndinakulangilani, mbuto yentse idaparidziwa Evangeri pantsi pentse, zvidaita mukadzi uyu zvinawerengwa, cuti titchamutsalakana nazvo.

10Napenepo Djudasi Iskarioti, mubodzi wawakumi nawawiri, adaenda kunawaku wamapirisita cuti apereke Djeso cunaiwo. 11Apo mapirisita wadabva izvi wadadekerha wadamubvunza cuti tinakupa mari. Iye adatanga cutswaka cuti ndinaita ndimupereke Djeso.

12Nantsicu yakutanga yaMutambo waMapau haana Isiti, apo wadapereka bira laPasika, wafunzi Watche wadadzalanga: "Cupi cungaite cudonzera poso yaPasika?". 13Iye adatumila wawiri wawafunzi Watche adalanga: "ndokoni culuwani apo mamuna mubodzi akadatwala jaro yamandzi tinadzaonana. Mutewereni. 14Munenge mukupinda iyemo mutewereni mubvunzeni mwenetchiro nyumbayo: Mufpunzisi alanga: cupi cunagala mbuto kwato tinadyira kurha kwaPasika nawafpunzi Wangu?.

15Napenepo Iye anadzacupanguizani mbuto iculu mbuto yamudzaulu cuti yadi donziwa. nditchaita kweneco cugadzilira kwangu. 16Wapfunzi watche wadabuda futi watchiyenda cu luwani; wadawona zvense wabvunzaiye futi adagadzira cudya kwa phasica.

17Inga hwadi usicu Iye aduya na kumi nawairi. 18Pawo wakadagala watchi tsamira thebo watchidya, Djeso adalanga: " tchaditchadi Ine ndinacubvunzani, mubodzi wanu, cuti alicudya Naine, adzadzandi pandukira". 19Wense watsukwala nazvo futi mubodzi namubodzi wadalanga: " apo cuti ndine?

20Djeso, adadaira,adawati: "Ndimubodzi pawacumi nawairi, uyo cuti tchintchino arikurha naIne pau muparato ibodziyene. 21Thangwe mwana wamunhu anaenda ninga zvidalembwa mumalembwa analanga thangwe laIye; cuna uyo atchandipandukira!. Zvikadadeka cubvi hakana kubarha".

22Pawakarha, Djeso adabata pau, adakombolera, adabedula adawapasa. Napenepo adalanga: "Tambirani uyu ndiwo muiri Wangu". 23Iye adabata ndico, adati maita basa, adawapasa wentse wadamwa. 24Napenepo adalanga: Itchi tchiropa Tchangu tchinabatanizani patswa, tchiropa cuti tchidaerera pakubvunulila wentse. 25Tchaditchadi ndinacubvunzani handitchadzamwizve misapo cuswikira ntsiku yangu nditchadzamwa vinho itswa cuukulu haMulungu Cudzaulo".

26Mumasure makuimba nyimbo, wadaenda cuBango laMiolivi. 27Djeso adalanga: "Imwe mwentse mutchadzanditawa, thangwe zvidalembiwa: Nditchakonza Macabuswa mabira atchabaralika.

2829Napenepo mumasure mwakudzamuka Kwangu, Ine nditchadzacala cumberi cwanu cuenda cuGarireia". Petulu adati: "Podi zvawo wentse watchikutawani ine handidzakusiyeni".

30Djeso adati cunaiye: "Tchaditchadi Ine ndinakubvunza cuti usiku huno, djongwe halisati lalila cairi, iwepo utchadzandilamba catatu". 31Napenepo Petulu adati: "Podi cungati nkufa naImwe, handidzakulambini". Wentse wadatembesa zvibodzibodzizvo.

32Iwo wadaenda pambuto inango idadaidziwa Getsimani, napenepo Djeso adati cuna awfpunzi Watche: "Calani pano Ine ndirikuenda canamata". 33Iye adatola Petulu, Tiago naJuwawu, napenepo adatanga cucala nacutya. 34Djeso adawabvunza: "Mizimu Wangu udatsukwala maningui, zvakubvadakufa. Musabude pano mucalile pano".

35Djeso adaenda cumbuto icali cutali, adagodama pantsi, adanamata,deca cuti zvikadakwanisika, ngani i ipinde cuna Iye. 36Iye adati: "Aba, Baba, zventse zvinhu zvinapusikacuna Imwe, budisani ndico i cuna Ine. Napenepo, culeke cuita nacuda cwangu apo nacuda Cwanu".

37Iye adahirira, adaswikira wakadagona, adati cuna Petulu: "Simao iwe udagona? Hamupusi cucalila pangani ibodzi? 38Calilani munamata cuitira cuti musaswike pakuyeseliwa. Muzimu udagadzilila apo nyama ndiyo idaneta". 39Patswa Iye adafundukirazve adanamata, adasewenzesa masoco mabodzibodziwo.

40Mhindo inangu adauyazve Djeso cuna wafpunzi adawaswikirazve wadagona; matso awo akadaneta iwo hawakasi kudziwa cuti tinalanganyi. 41Iye adauya pamhindo yatchitatu Iye adawabvunza: "Mudagonazve basi muli cupuma? Zvakwana! Ngani yaswika. Cuti Mwana waMunhu aperekiwe mumanza awanyangazi. 42Mukani, tendeni! Uyo wangundidati Alicundipindukira ari duze".

43Tchilipolipotcho, pangani icalanga Iye, Djuda, mubodzi wawacumi nawairi, adaswika nambumba iculu ikanaiye; wakada gadzirira macatana nanchinjiri zamiti, pacundu pawaculu-waculu wamapirisita, wanembi namadikoni. 44Mupanduki adapasi tchipangiziro, atchilanga: "Ndiye Uyo ndinapasa beju". Musungeni mumutole kuenda cuna walindi". 45Patche Djuda adaswica tchilipolipotcho adaenda cuswica cuna Djeso iye adati: "Rabi" iye adaMupasa beju. 46Napenepo iwo wadamubata wadaMusunga.

47Apo mubodzi cuti akali penepo adabudisa catana yatche, adatcheka musewenzi wawaculu wamapirisita adagwanda cutu latche. 48Djeso adawabvunza: mauya cudzandisunga ninga mbava, namacatana nanchinjiri zamiti? 49Pangu ndikana imwe nditchifpunzisa ntsicu zentse muntchetche, hamuna cundisunga. Apo izvo zvaitika cuti Malembwa azazikisiwe". 50Wentse wakana Djeso wadaMusiya wadatawa.

51Mupale mubodzi adamuteera, iye akadapfeka nguwo basi ikadamufumbukiza; iwo wadamubata, apo 52mupaleyo adasiya itchigwa nguwuyo adatawa ali pezi.

53Wadatola Djeso cuenda cuna muculu wamapirisita. Wadaungana wentse waculu wamapirisita, madikoni nawalembi. 54Pangani iyi, Petulu akazviona zventse alikutali, cuswica mukati mawaculu wamapirisita. Iye adakala pakati pawalindi, wacali duze namoto, cuti wathumirhe.

55Waculu waculu wamapirisita naWatongi wakasaga wanyaumboo naDjeso, cuti waone cuMuulaya. Apo iwo hawana cuhuona, 56napenepo wadauya naumboo wacupwata cuna Iye, napenepo podi zvawu nawanyaumboo awa zvikadasiyana.

57Wenango wada muca watchiuisa umboo hacupwata cuna Iye; Iwo adilanga: 58"Ife tidamubva atchilanga: Ine ndinadzafudza nchenchei idaithwa na manza yawanhu pantsicu zitatu ine nditchidzawaca inango, haiithwi na manza yawanhu". 59Podi zvawo naumboo hawoho haukasi cupirana nawenango.

60Napenepo muculu wawa pirisita wadamuca pacati pawo adabvunzisa Djeso: "Iwepo haudairi nkabe? Zvawo wanhu walicucuikira cuna iwezvi?" 61Iye akali zii hakasi cudaira. Wadabvunzazve muculu wapirisita: "Iwepo ndiwe Kirisito, Mwana wa Mulungu waCudzaulu?" 62Djeso adati: "Ine ndine. Futi mutchadzaona Mwana waMunhu atchikala cumarjo Kwansimba atchiuya namumacuti acudzaulu".

63Cumberi kwaizvi, muculu wawapirisita wada adakedza nguwo zatche wadalanga: "Titchicuda basi wanyaumboo? 64Imwepo mwazvibva zvaponya iye. Apo ntswanyi zvanu mungamutongere?". Wentse wadatongera Djeso inga munhu wakutemera kufa. 65Wenango wadathoma cuMupfirira mata wachimusungira nguwo cumatso, wakaMunera watchilanga: "Bvumbira!" Walindi wadamutora watchiMunela.

66Patche akali Petulu duze patambwe munyantsi, mubodzi wawasewenzi wawaculu wawapirisita adaenda pakana iye. 67Iye padaona iye Petulu duze namoto pakawota iye moto,adamulingisisa atchibvati: "Naiwepo ukali pabodzi naMunazareta, Djeso". 68Apo iye adalamba, adati: "Ine handidziwi futi handisi cuzvibva zvako iwe ukulangazvo". Napenepo iye adabuda cuenda cutambwe.

69Apo penepo, nyamubasa adaona adatangazve culanga cuna wakali penepo: "Munhui ndimubodzi wawo!" 70Napenepo iye adazvilambazve zvenezvo. Napenepo cuna vakali penepoo wadati cuna Petulu: "Natchaditchadi uyo ndimubodzi wawo,futi ndimuGalilia".

71Napenepo iye adatanga cutuka atchidumbira adati: "Ini handimudziwi munhu wako ulikulangayo". 72Napenepo tchilipolipotcho djongwe lidalila pamhindo yatchiwiri. Petulu napenepo adatsalakhana pamasoco Djeso akadamulangila: "Lisati djongwe culila cairi, mhindo zitatu utchadzaNdilamba". Iye adacala wacutsukwala adatoma culila.