Timoti Ukure

11Bulus, una kadura ka Asere Yeso usuro u wuna Asere, usuro u inko utize tu vengize sa u'ra anyimo Ugomo Asere Yeso. 2U hana a Timoti, vana u hem irii-ri, ubura, nan nu runta u suro Asere acoo nan Yeso unu bura uru.

3Ma wuza Asere ankoi,agebe sa in nunzo ani daati usuro a cokoro aru utuba,innu basa u lau,uganiya sa in ringizin u anyimo abiriugara bum koya u maya (niye nan nuwui). 4Uganiya sa ma ringi innmaje mawe, in nyari u ira uwe,barki in myinca inna puru arum. 5Aringum usuro uhem ukadure kawe, ugebe sa wa kem utuba usuro ucokoro uwe loyis nan ka ino uwe Afiniki. Mahem ma cikianyimo awe.

6Agino ane ani binyo binumbe sanzin nu ringi zi uwe agi katura unya Asere sa ara anyimo awe ige sawa kem uganiya sama tariwe taritum. 7Barka Asere daki anyan duru bibe bibi yau ba, anno u bari nan nu hem u meki unice.

8Barki anime kati ukunna'mui mubezi Ugomo Asere uru ,me, Bulus,dee sama tirzame. Anyoguna ani me,cukuno innu rusa usi jassi barki uwuza utize ta Asere usuro ubar Asere. 9Asere ani aburan duru atita duru nan nu tita ulau, mawuzi igino me, da ihira abi wuza ba, anno ubara uni pum nume nan nurunta ume manyan duru ti numum a nyimo Ugomo Asere Yeso u hana utuba uganiya. 10Aname a poko ubura Asere ahira upokino unu buru uru Ugomo Asere Yeso, Ugomo Asere mani na aye in nu mara i wono makuru ma aye in nu bura uzatu mara sa ma bezi uwuza tize. 11Barki agino me, azaukam unatize ta Asere, akadura a unudungara uhana anu zatu urusa utize ta Asere.

12Barki bi nyo bigino me in zinnu sa i jassi ati mumum tiginome, daki makunna mu i ba, barki inrusame, desa mahem ni, ma nya iruba madi rusi u oro imunbe sa wito me uhana u wui gino me. 13Oriso kadura kahuma sawa kunna a hira am, ahira unya iruba nan nu hem sa u anyimo Ugomo Yeso. 14Imum ihuma sa Asere a inkoweni, korso ini usuro ubibe bilau, sa bi ciki anyimo aru.

15Hu rusa, vat anu sawa ciki u Asiya wagamirkam inna maru, anyimo ani gome Fijalas maran nan Harmajalas. 16Aca Ugomo Asere mawuzi ahana Onisifaras ubenki, barki mazin maro muwu um kadtuma, madakun me mu i mu tizin tumba. 17Inguna anime, uganiya mara u Roma, kadure manyarum maku kem. 18Ceki Ugomo Asere muwu makem ubenki u suro a me uwui uginome, vat tina sata bemkum ama nyan ga ma Afisa, i rusa lau.

21Barki iginome hu, vana um, tirza iruba anyimo Ugomo Yeso. 2Timum me sa wa kunna ahira am ama sa manu gbardang, zikawe unya anu ahuma di rusi umanza aye.

3Tira iruba innu zito nigome nan mi, kasi unu uhuma unika ra nini nu gomo Asere Yeso. 4Daki urru nani kara nini samadi wuzi ni rere uganiya sama nyun goro ni ce nume inti mumum ti vengize, barki mariba unaje ameme iruba. 5Aneani inki uye mazin magasiya utu ri unabiranza, mada kemme niere niti gomoba senke mamasirka birom zame.

6Acukuno anime una vara unumum timo ukatuma matubi ukabisa imum samakem. 7Basa imumbe sama buka we, iye Ugomo Asere madi nyawe urusa anyimo akadiyau;

8Ringin inYesu ugomo Asere, usuro ubi sana bi Dauda, desa a hirzame iwono, Azesere tize ti rivitume. 9Desa inzimnusa uzitto yabiki ahira saatizam kasi unu carani.Aanime tize ta Asere daki atirza tiniba. 10barki anime matira iruba invattimumum barki sawe anu kemzi ubura sa u ra anyimo Ugomo Asere Yeso, unu nonzo umaravat.

11Tize tiginome kadure kani; "Inki ta wono nigome nan me, tidi kuri ti vengize ni gomo nan me. 12Inki ta tira iruba, tidi wuzi tigomo nigome nan me, inki ta wuza mataru inme, me ma madi wuzi matara in haru. 13Inki ta cukuno annu zatu kadura, me una kadure mani koya umaya umaya".

14Ringizi we in timumum tigonome, hungu kowe titui aje Ugomo Asere kati wawuzi matara aguranme ba, barki aginome in katuma ba, barki iginome idi huzi anu kunname. 15Wuza ubinani uni kara nuwe barki uwuti nice nuwe unakatuma ka Asere desa a inko, desa ma zome in bi nyo, bumui ahira am!e, desa ma dungara niguran nikadure rep.

16Suma anu carsa utize ni, igebe sa ike ibi ahira uzatu kunna utize ta Asere. 17Tize tuwe tidi samirka kasi ukoni ani nan Filitus. 18Aniginome wa wata a kadure, wa buki agi anu hira iwono , wa nya are anu hem biyau.

19Vat in anime, nitiu na Asere na cukuno, nizin nu inko uginome: "Umo Asere marusa ande sa wuzi ame" anime, "Vat unu tisa ani za nu gomo Asere ya cukuno me ma ceki uzatu kadure". 20Akure ukem, dakki tirurunga ta zumo awal-wal nan na zumo abit ani casba, aneani tirunga ti ma titi nan ma nyaga, a ye barka ka tuma kani kariri, aye dakin ka tuma kariri ba. 21Inki uye ma kpico nice numeme uzatu gugun, me tirunga tika tuma ka gugun, azaukame, imum ikatuma barki una kura me, makur macikin barki katuma ka ririn.

22Sumani mei maje miruba, unyari imum iriri, uhemin kadure, nan ti cuku kum tu runta nan desa wa tisa ani za nu gomo Asere amu ruba muwe.

2324Urere we Asere Kati ma wuzi ukara ba.Barki anime na ma nati nice anu vat,ma boo tize me memerum nan nu Nata iriba25. A nyimo Nata unice ma bezi anu sa wa nyari me. Nani Asere madi wu wa barka tanu time me urusa utize to ka dundere26. Wada ke wa kunna yew we ceki nibarda unu ubur, uganiya sa a meki we barki usoo umeme.

31Urusan in mum iginome, anyimo tiye tu mara a wuzi uganiya sa uzi uni unuzito kam. 2Anu wadi cukuno anu uhem ina ace awe, anu zatu tarsa akacoo, anu zatu gusa ankoi, nan uzatu ulau. 3Wadi cukuno anu zatu ukunna, adesa wada hebizinawe nan konda avi ba, ana bibukum, anu zatu umikace, anu ubezi urusa anu urusa anu zatu uhem ini imumu ihuma. 4Wadi cukuno anu zatu nyara we aje anabu, anu gbas, anu vavi igiri, anu nyara ukuna urunta u aka Asere.

5Wadi cukuno in muhenu mu rusa Asere, anime wada nyara ukuna tize ta Asere ba, ganirka ni ahira anu aginome. 6Anyimo aweme aye wa rani wa ribize atikura unu ranga ane uzatu ujanji, anē aginome wa myinca in katuma ka buri, wa ceki unā barki mei maje. 7Anē aginome wa nyara urusa, wada biki we ahira urusa kadureba.

8Kasi sa Yanisu da Yanbirusu wa wuzi murso nan musa, ane ani anu udungura umacicu wa wuzaza murso in kadure, ane wa curno me amu riba, anu uza umyinca unu inko iriba. 9Wada hana pit ba, barki ibabana iwe me idi pokino a masa a hira akovi, kasi anu agino me.

10Wa ira hu, tarsa udungara um, nan uzina um, imum sa in nyara, nan u inko iriba um, nan utira iriba um, nan uhem um, nan ushew um. 11Unu gbardan uzito um nan nirere num, vat imum igebe sa ya kem u Antakiya na ikoniya nan ulistira, ma tira iriba anyimo uzito um, anyimo uvat imum igino, Asere a buram. 12Vat adesa wa zin uguna wazi ti cukun tu tarsa Asere Yeso wadi si ni rere. 13Ana aburi nan anu amadini wadi curno me wadi rangi aye, we ina ce awe ma wamu sagilna.

14Hume, rē aje uni wuza imum me sa wa tinga wa kuri wa nya iriba ini riba ka inde, urusi a hira aveni wa tingani. 15U rusi inguna, sa wuzi vana ucin wa rusi ke ma kurzo we unu urusa abanga ahira ubura nan u inko iriba anyimo Yeso.

16Vat manasi abari mani ahira Asere, mazin in katuma barki udungara, barki ugbara, barki u barka, barki ugbangara anyimo ni huma, ma ciki barki vat katuma ka huma. 17Ka gino me barki unu Asere ma cukunu um myinca, desa azznkz me barki katuma ka huma.

41Inzinu nyinza uginome bukame aje ugomo Asere yeso unu bura uru,desa ma di wuzi anu vengize nan anu wijo u weki utize tini kuba,barki u pokino ume nanti gomotume. 2Wuza tize tini guran.inko iruba innu ganiya nani daki innu ganiya ba. gbarika,ububuki,uhunguko ti ba,in vat usheu iruba nan nudungara.

3U ganiya u eze ugebe sa anu udi da tonnome udungara uni ce ba,anyo anime. wadi orso a ce awe anu dungara barki mei maje amu ruba mu we, Wadi meki ubo uwe im umbe sa titui tuwe ti nyara. 4Wadi gamirka titui tuwo me ukun na utize tika dure, wa kure, wa kuri unyara ukunna itenten iza tunice. 5Hu, tonno, senke ume nice anyimo imum vat, tira iruba innu zitto, u wuzi katuma kuna tize ta Asere, myincikin katuma kawe.

6Iye a zinnu tina um, uganiya u hira um wa aye. 7Ma wu za magasiya ma kadure, ma massirka magasiya, ma inta unya kadure. 8A barkam ni ere ni huma, nigesa Ugomo Asere unu weki utiz tini kubu uhuma, madi nyam ro nigino me. Daki mi isisi imba, anime a vat andesa wa hemu aye ume.

9Wuza ubinani unikara nuwe u e ahira am dibe. 10Barki dimas ma cekum, ma hem in nu nee ugeme, madusa utasalonika, kariskis madusa u Galatiya, Titus makur madusa u Dalmatiya.

11Luka mani cas mazi nan mi nyara markus aye ni gome nan me barki mazin akatumame. 12Ma tuma Tikikus uhen u Afisus. 13Ayem innu geptu sam ceki u tarwasa ahira karbusi in ki udi e u en me, vat nan ti litfi tiginome.

14Iskandari unu zunzomo ubara umu haru matirzam malim daki cinba, ugomo Asere madi kurzom anyo a bi wuza wuza bume. 15Hu cangi wuza seke inme, barki mazin matara innu bo aru kang. 16Innu tuba ukorso unice num, daki uye ma impom amaruba, inguna a nime kovi ma sumum, inda nyara in sisi abasa iginome ace awe.

17Anime Ugomo Asere macukuno nan mi makinkum ni kara, ahira memmerum, barki anu zatu urusa utize tu gomo Asere vat wakunna, Aburan anyo udaru. 18Asere adi suso usuro imumu iburu, makur maburam barki ti gomo tume ta zesere. Ninonzo na cukuno ahira ame udusa vat vavat, icukuna anime.

19U isi Briskilla, nan Akila, nan na kura a onisifurus. 20Avastus ma ciki u korinti, ma sabi ma ceki Turufimus matum a militus. Wuza ubina unikara nuwe, u e a guna uhana uputuru. 21Yabulus mazin nu nya ukoni unice, ane Budis nan Linus nan Kalafidiya nan ni henu vat. 22Acu Ugomo Asere macukuno nan shi, kini umumu iriri icukuno nan hu.