Mareka

11Aa nji matangiro e Ivangeli ya Jesu Kresite, mwana we Ireza, 2Sina muiñolerwe mwa Isaya muporofita, " mubone, ni tu mina mulumiwa wangu havusu bwako, yasa ka vakanye inzira ya ko. 3Izwi lyo zumwi li huwereza mwi halaupa,´Mulukise inzira ya Simwine; Mupange mwa hita ku oloke,"

4Johani a vakezi, na kolobeza mwi halaupa ni kuku taza i nkolobezo yo kusandumuka kuti zivi zi wonderwe. 5Ikanda yonse ya Judeya ni vantu vonse ba mwa Jerusalema baba nyendi kwali, baba ka kolobezwa njiye mu lyizi lwa Jorondani, ni vali wamba zivi zavo. 6Johani a bali kuzwate zi zwato za madalo e Kamere ni lutunga lwa madalo mumunda ya kwe, mi abali kulyanga i Mpaase ni Buchi bo mumuzuka.

7A va kutazi ni kuwamba," zumwi u kezite muma sule a ngu yo wina ziho kuni hita, mi ime kaniswaneli nanga kumu sumununa nina ma suminiso e nsangu za kwe. 8Ni mi kolobeza ca menzi, kono iye ka mi kolobeze ka Luhuho lu jolola."

9Ivapangahali mwa ao mazuva kuti Jesu a bakazwi kwa Nazareta mwa Galileya, mi a bezi kukolobezwa kwa Johani mulwizi lwa Jorodani, 10Haho Jesu ha zubuka bulyo mumenzi, a baboni iwulu ni li yaluka mi Luhuho cilwa keza hansi hali ubu inkuba. 11Imi mulumo ciwa zwa kwi Wulu, " U mwanangu uni saka u ni tavisa, mi ni kondetwe ca ko."

12Cwale Luhuho cilu mutumina kuyenda mwi halaupa. 13Abali kwina mwi Halaupa mazuva a makumi oone, na Likiwa kwa Satani. Abali kwina ni zinyolozi zomuzuka, mi mañiloi vavali ku musebereza.

14Cwale Johani hazwa kusuminwe, Jesu ca kenza mwa Galirea naka buwamba Evangeri ya Ireza, 15nati " I nako ciya lizuziriza, mi mubuso we Ireza wina hafuhi, musanduke mi muzumine kwi Evengeri."

16Muku hita kwi rizo lye Wate lya Galirea, Cha vona Simoni ni Andulu mukulwe wa Simoni nive nika tunyandi twavo mwi wate, kakuli vavali vayambi. 17Jesu ca wamba kubali," mwize muni cilire, mi muni mipange manduyi vavantu," 18mi haho ciba siya tunyandi twa vo ni kumwi cilira.

19Haho Jesu ha ca nyenda havusu zana, cabona Jakobo mwana wa Zebediya ni mwance Johani; vavali kwina mu bwato ni ba sumena tunyandi twa bo 20Ca ba sumpa mi cibasiya i shabo Zebediya mu Bwato ni bahikana babali ku a limite, mi civa mwi cilira.

21Mi civa keza kwa Kapenaumi, mi la mukivero, Jesu a bayendi mwi Sinangonge ni kuka ruta, 22Vava komokwa a hulu intunto ya kwe, kakuli a bali kuba luta sina zumwi wina mata a hita a bañoli.

23Cwale haho kubena mukwame abena luhuho lusa njololi, mi ca huwereza, 24ku wamba," Cinzi ci tu swanera kupanga nawe, Jesu wa Nazareta? U bakezili kwiza kutusinya? ni zi kuti jewe ni. Njewe yo njolola we Ireza!" 25Jesu ca kalimera Idimona ni kuta, " u ntontole mi uzwe mwali!" 26Mi luhuho lubilala cilwa mu wisikiza hansi ni kuzwa mwali co muhuo mukando.

27Mi vonse vantu vava komokwa, mi cibatanga kuli buza,"Cinzi i ci? Itunto inhya ina mata? U layera ni Luhuho luvi mi lumuzuwa!" 28Mi makande ku amana naye haho ci ayenda kose kose muci kiliti ca Galireya.

29Mi habamana kuzwa mwi sinangonge, ciba keza mu nzubo ya Simoni ni Anduru, nena ni Jakobo ni Johani. 30Linu mukwenyani wa Simoni wo mwanakazi a vali kulere u lwalite i Fibere, mi civa wambira Jesu ku amana naye. 31Cwale cakeza ni kumu hinda kwi yanza, ni kumuzimika; Ifivere ciya musiya mi catanga kuba severeza.

32ico chitengu, ha cilimina i zuba, ciba ba leta kwali bonse babali ku lwala kapa vena ma dimona. 33Itoropo yonse civeza ku lindama ha hamwina ha mulyango. 34A ba hozi bangi babali ku lwala matuku a siyana siyana ni kutanda ma Dimona mangi, kono kena a ba zuminini madimona ku wamba ka kuli a bali kumwizi.

35Ca buka kakusasani luli, ni kusisiha; A ba nyendi kuci vaka ci tontwere mi uko aba ka laperi. 36Simoni na vana vavali kwina naye ciba mugana. 37Vavaka muwani ni kumuwambira," Bonse bakwete kuku lola"

38Ce taba," Haliye kumwi, kunze ku matoropo ena he mbali, ili kuli nika kutaza kwa teni nako. Chi ngi ni keza hanze kunu. " 39A banyendi konse konse mwaNgalirea, naya bukutaza mu maSinangonge a bo ni kuya bu hindikira kunze mandimona.

40We mbingwa ca kenza kwali, a bali kumu kumbira; a ba kubami hasi ni kuwamba, " Haiba u saka u wola kuni joloza." 41Co kuba ni inse, Jesu ca putulula i yanza lyakwe ni kumukwata, ni kumu wambira," Ni saka, U jolole." 42Haho imbingwa ciya zwa kwali, mi aba pangiwa yo jolola.

43Jesu ce tonkomero camu kalimera ni kumu wambira kuti a yende, 44Ca mu cokuti, " u bone kuti kakwina co wambira zumwi, kono uyende, ukali bonahaze ku muprisita mi u ka neule co kujolozwa kwa ko ca balayeri Mushe, sina bupaki kubali."

45Kono a bayendi hanze ni kukatanga kuwambira bantu bonse mi ca kahasanya a hulu linzwi kuti Jesu kena abali kuyenda na lukuluhite mwi toropo. Cwale ce kala hanze mucibaka ci ntontwere mi bantu babali kukeza kwali kuzwa ku maneku onse.

21Hakavola kwa Kapernuma kuzwa mazuvazana ,cikwazuweka kuti kwena mumunzi. 2Mi vantu vavezi kukungana mane kena kuvasina ni civaka, mane ni hamulyango kena kuvena civaka.Jesu ca wamba inzwi kuvali.

33 Mi cwale chikwakeza vakwame vava kaleti mukwame yo lwala vutuku bwakuzuminina, vantu vone vava mu nyemwine. 4Hava kangwa kusika kwa Jesu chevaka lyavantu vangi ,chivakapula hachituwa chenzuvo mwavali kwina.Hava mana kupanga mulyango he wulu lye chituwa, chivasezumuna vulo havalele muntu yo lwala vutuku bwa kuzuminina.

55 Chakuvona itumelo yavo, Jesu chati kumuntu yo lwala vutuku bwaku zuminina "Mwanangu, vuvi bwako cibwa swalelwa." 6Cwale vamwi vañoli vava kwi kere mo chibalipangira mavaka mwi nkulo zabo. 7Uzu muntu chinzi hawamba vuti? Unyefula! kakwina yo wola kuswalela vuvi mbwiteri ireza yeyena?"

8Mi Jesu haho bulyo ceziva muluhuho lwakwe zivavali kuhupula mwinkulo zabo. Chati kubali " Chinzi hamukwete kuhupula bulyo mwinkulo zenu? 9Njechihi chihuba ku wambila muntu yo lwala vutuku bwakuzuminina, ´sivi zako chizaswalelwa´ kapa kuwamba kuti, ´Zimane, hinde bulo bwako, uyende´?

10Kutondeza kuti mwaana muntu wina ziho hansi okuswalela zivi," chawamba kuyo lwala vutuku bwaku zuminina, 11"Niwamba kwako, zimane, hinde vulo bwako, uyende kwinzuvo." 12Chazimana mi haho vulyo cha hinda vulo bwakwe, chazwa mwinzuvo havusu bwa bantu vonse, mane vava komokwa maswe vonse chiva lumba izina lya Ireza, mi chibawamba kuti "Katwini kuvona chintu chiswana nechi."

13Chayenda hape ku lwizi, mi chichava chonse chica keza kwali, mi chava ruta. 14Mi havali kuhita, chavona Levi mwana wa Alphea nekere hachivaka chaku lihiseza mitero, mi chati kwali, "Nichirire" cha zimana ni kumwi chirira.

15Mi Jesu havali kulya zilyo mwinzuvo ya Levi, Vaterisi vangi ni va ezalivi vavali kulya ni Jesu mane ni va rutiwa vakwe, kakuti ivali vangi mane vava mwi chirire. 16Cwale va ñoli va mulao, vavali va Pharisi, hava vona Jesu nakwete kulya ni va ezalivi mane ni vaterisi, chiva wamba kuva Rutiwa vakwe, " Cinzi halya niva Terisi mane ni vantu vena muchivii?"

17Mi Jesu hazuwa izo chacho kuvali ," Vantu va liketete mumuviri kava saki iñang; mbwiteri va lwala njivai saka.Kana niva kezi kusumpa vantu va shiyeme, mi niva keziri vavi."

18Va rutiwa va Johani ni va Pharisi vavali kuli nyima zilyo.Vantu vamwi chiva keza ni kwiza kumuti, "Chinzi varutiwa va Johani ni varutiwa vava Pharisi havali linyima zilyo, mi Varutiwa vako kava linyimi zilyo?" 19Jesu chava cho kuti," kana kuwoleka kuti vantu vena kumukiti wa maseso vali nyime zilyo musesi nasina navo? Haiva nivasina ni musesi kava woli kuli nyima zilyo."

20Kono mazuva akezite hete nazwiswe kuvali musesi, mi mwao mazuva, kavali nyime zilyo. 21Kakwina muntu yo lukila kabali kaka jira kahya he jira ikulukulu, haiva nikuva vulyo ijira ihya muli haluke hateni,chihya hachi kulukulu. Mi kachihaluke nikuhita.

22Kakwina muntu yovika i waine ihya muchivikilo che waine che dalo cha kale, hakuva vulyo i waine ihya muiñatule idalo, mi iwaine ni chivikiro chateni muzisinyehe.Kwanda ovulyo uvike i Waine ihya muchi vikiro che Waine che dalo chihya."

23Lo Mukivelo Jesu cha hita muluwa lwa vuheke, va rutwana vakwe chiva tanga kucola mitwi yavuheke. 24Mi va Pharisi chivawamba kwali ," Lole ,chinzi haba chita chintu chisa zumininwa mwi zuva lo Mukivero ?"

25Cha wamba kuvali," Kana muvavali chava chiti Davida inako yavali kuvulite nikufwa inzala- iye ni vakwame vavali kwina naye? 26Mwavenjiriri mwinzuvo ye Ireza Abiatare havali mupurisita mukulwana cha lya inkoko ivabikirwe Ireza- chamulao zumwi nizumwi kaswaneri kulya konji Mapurisita- mane avahi kwateni vavali kwina naye?"

27Jesu chati, " Lo Mukivero liva chitirwa vantu, isinyi vantu ku chitirwa lo mukivero. 28 28Linu, Mwana muntu, Simwine mane niwa la Mukivero.

31Imi hape cha yenda mu masinagoge mi kuvena mukwame we yanza li zuminine. 2Vamwi vantu vava teyete hafuhi ku vona kapa mwa hoilise muntu la mukibero njikuti bamu nyazikize ho.

3Jesu cati ku mukwame we yanza li zuminine, " Katuke u zimane aha hakati ka vantu. 4" Linu cati ku bantu bonse, " kana ku shiyeme ku cita bulotu mwi zuba lya mukivero, kapa ku cite nkozi; ku pulusa vuhalo, kamba kwi haya?" kono ba ba tontwele.

5Naa va lolelela vonse cha vuvengi, ni ku swaba kevaka lyo vukukutu vwe inkulo zavo, Imi cha wamba ku mukwame, " Vungunune iyanza lyako." Cha li vungununa imi Jesu cha hoza iyanza lyakwe. 6Vafalisi havazwa hanze imi haho chiva panganya ni ma Heroda ka muva wolela kuti va mwi haye.

7Cwale Jesu, ni varutiwa vakwe vavayi kwi wate, imi vungi vwa chisi ca vantu nivwa mwi chilila kuzwa Galileya ni kuzwa Judeya 8ni kuzwa Jerusalema ni kuzwa Idumea ni mwi shilya lya Joludani ni ku zimbuluka Tire ni Sidoni, vungi vwa chisi, hava zuwa zonse za va pangi, ni veza kwali.

9Imi cha vuza varutiwa vakwe ku mu lukiseza chisepe chinini kevaka lya chisi chingi, kuti kanji chi mu sundanisi. 10Kakuli ava hozi bonse vava li kukatazeha nji kuti ni va tukufalelwa ku sika kwali kuti va mu wonde.

11Monse mu ivali kumu vonena inhuho imbi, i bali ku wila hansi ha vusu vwakwe ni kuli lililila, ni iti, "U mwana wa Ireza." 12" Kono a vali ku ikanina kuti kanji imwi zivahazi"

13Chaya kwi lundu, imi cha supa vava li ku saka, imi chi veza kwali. 14Cha keta vena ikumi lyoke ni vovere, (vaava wuliki kuti varutiwa), kuti vave naye ni kuti u wola kuva tuma kuku kutaza, 15ni kuti vave ni mata aku hindika madimona. 16mi ava keti ikumi lyonke ni vovere; Simone yava wuliki izina lya Pitorosi,

17Jokobo mwana Zebedia, ni Joani mwance wa Jakobo, yava wuliki izina lya Boanerges, liti, vana va mumuni, 18ni Anduru, Filipi, Batolomiu, Mateu, Tomasi, Jakobo mwana wa Alfeya, Tediyusi, Simone Mukakani, 19ni Judasi Isikaliyote, yete na mu beteke.

20Cha yenda ku munzi, imi chisi chicha kungana hamwina hape, kuti ka bawoli nanga kulya zilyo. 21Bakwake haba zuwa bulyo, chi va yenda kuti vaka mu hinde, mi chivati, "Ka sili zuwile nenza" 22"Vañoli va mulao vava ka zwi kwa Jerusalema chi vati; " wina mu maata a Beelzebule," mi, cha vuyendisi vwali madimona u hindikisa madimona."

23Jesu chava sumpila kwali na va wambila mu nguli, "Satani u wola ku tanda vule Satani" 24Heva mivuso i li kosolete kuli sandukira iyo ine, uwo muvuso ka wu woli u zimana. 25Haiva inzuvo ili kosolete kulisandukila iyo ine, iyo inzuvo kete ni iwole ku zimana.

26Heba Satani u zimana ni kulisandukila iye mwine ni kuli yava, ka woli ku zimana, kono ciwiza ku ma manino. 27Kono kakwina yo wola kwinjila mu nzuvo ya mukwame yo kolete ni ku iva zivya zakwe nasa mu hambi pili, mi cwale njete a wole ku tutulula inzuvo.

28Luli ni wamba kwenu, zivi zonse za vana vavantu mu zi swalelwe, nanga zonse inyefulo zi va va wambi, 29kono yense yo nyefula Luhuho lu Jolola kete na swalelwe, kono wina mulandu wa chivi cha kuya kuile. 30" Jesu a va wambi buti mukuti vavali ku cho, " Wina Luhuho lu sa Jolwele."

31Cwale vanyina ni banche chi beza ni ku zimana hanze. Ni vamu tumina, kumu supa. 32Mi bungi vuve kele vu mu zimbulukite, ni va ti kwali, " Vanyoko ni vanche vako vena hanze, mi vaka vuku lola."

33Nave taba," Njivani bamama ni vache vangu?" 34Na lola mu mabbali ku vave kele mwi chikwenda ni va mu zimbulukite ni kucho, " Mu lole, " Ava nji vamama ni vanche bangu! 35mu kuti yense yo panga intato ya Ireza, uzo muntu nji mwanchangu, ni nchizyangu, ni vamama."

41Hape chatanga kuruta nkwibali ni wate. Mi bungi chivwa muzibuluka, cwale che chira mubwato bubena mwi wate , ni kwikala hasi. Vose vangi bu ba kopanele hamutunda we wate. 2Mi cwale chava luta zitu zingi mwinguli , mi cha wamba kuti mwituto ya kwei,

3"Muteke, mubyali chayenda kukubyala. 4Ha bali kubyala, itanga zimwi chiza wila mwi nzila, cwale zizuni chizakeza kuzilya . 5Zimwi itanga chizawila mwivu lya mabwe, musena ivu lingi. Haho fela chiza mena, kakuti ibu lya teni ibali ifuhi.

6Kono izuba hali tulula, chiza ñyana, ka kuti kene zibena mihisi, chiza zuma. 7Zimwi imbuto chiza wila mu zisamu zomwiya. Zisamu zo miiya chiza kula ni kuzihaya, mi kana ziba hi nanga imbuto.

8Zimwi imbuto chiza wila mwibu ilotu ni kukula ni kuakeza , mi zimwi chiza zwisha makumi o ne kwaminihanya ni makumi o tatwe, zimwi makumi amana iyanza ni kumi , zimwi mwanda." 9Mi chati, " Yese wina matwi oku zuwa, mumusiye a zuwe!"

10Linu Jesus havali yeke, avo vavena afuhi naye ni vena ikumi ni vo vele chiva muvuza kuamana ni nguli. 11Chati kuvali, "Kwenu mu helwe ikunutu yo muvuso we irenza. Kono kuvena haze zose zina mwinguli, 12cho kuta kuti hava valola, eniti va lola, kono kava voni, cho kuti ni hava zuwa, eniti va zuwa, kono kava zuwisisi, kapa muva sanduke mi erenza mwa va swalele."

13Mi chati kubali, ¨Kamu zuwisisi iyi inguli ? Cwale mu muzuwe bule inguli zimwi? 14Mu muvyali uvyala lizwi. 15Zimwi njezina ziwira kwimbali ye nzila, hali va vyalwa lizwi. Mi vava lizuwa, haho vulyo Satani ukeza ni kulihinda hateni lizwi liva vyalwa muvali.

16Mi zimwi njezo ziba vyalwa ha mavwe, zuhi, chi bazuwa lizwi, haho vulyo valitambula chokusanga. 17Mi kavena mihisi mukati kabo, kono balikoza koza inako inini .Linu mukabo ni kunyaniswa chebaka lya lizwii, kampili pili vahakanyeha.

18Mi zimwi njezo ziva vyalwa mukati ka miiya.Ba zuwa lizwi, 19kono ipilayelo ze fasi, itakazo zo bufuma, ni takazo ze zitu zimwi, zi njila ni kwihaya linzwi, mi kali biki nzilyo. 20Linu kwina iyo i vyalwa mwibu ilotu. Bazuwa lizwi ni kulitabula ni kuha zihatu: zimwi makumi otatwe, zimwi makumwi akwanisa iyanza ni kamina, zimwi mwanda".

21Kubali Jesu chati,"Muleta ilambi mwi zumbo ni kuli bika mukonde ye chitanda, kapa mwikonde lyo bulo? mulileta mukati ni kulitula hachi tulilo che lambi. 22Ka kwina chi wungirwa chi seti ni chi izivwa, ku zwaaho hape ka kwiina ikunutu yi seeti niize halukaanda. 23Haiba zumwi wina matwi kuzuwa, mu musiye a zuwe!"

24Chati kuvali, "Muteke ahulu ku chi muzuwa, ku mulikaniso wo likanisa, mo likanisezwe, mi mo yekelezwe ko. 25Kakuli yese wina, kwali mwa yekelezwe ahulu, mi yese a sena, kwali mukuhidwe zose ni chakwete."

26Mi chati, " Muvuso we erenza u swana sina mutu u vala intanga mwi mbu. 27U lala masiku ni ku vuka musihali, mi intanga zi mena ni kukula, mwa sezi kuti vule. 28Ifasi iyo livika zichalatu ilyo line : chamakalo lutunga, cwale kutwi, cwale lutanga lukulite mukutwi. 29Mi itanga ha zivuzwa haho utumina ejekisi hanze, kakuli mukutuli chasika".

30Mi chati, "Chizi chiwola kulikaniswa ni muvuso we Erenza, kapa inguli inzi iwola kusebliswa ku utoloka? 31Ku swana sina intanga ye masitate, ha vyalwa,njitanga inini kwitanga zose hanu hansi. 32Hena vulyo, ha ivyalwa, imena ni kukula ahulu kuhita zose zimenantu zoluwa, mi ipanga mitayi mikando, nihaiba zizuni ze wulu ziwola kuntenda zi zumbo mu muzunde walyo."

33Che nguli zingi ziswana nezi aba wambi lizwi kuvali, kusika mane havali kuwola ku zuwisisa, 34kono kana ava wambi kuvali nikusena inguli. Kono habili kwina yeke, avali ku toloka zonse kuva lutwana vakwe.

35Kwe lyo izuba, ha kwiza chitengu, cha wamba kubali," To yende kwilimwi ishilya". 36Cwale chiva siya bungi, chibahinda Jesus mukati kabo, ka kuti abena kale mubwato. Maato amwi abane naye. 37Mi luhuwo lukozu chilwabuka ni madinda aba li kwi nyila muvwato mi vwato chivuvali kwizwile.

38Mi Jesu iye avali kwina hakati, nalele ha mushamo. Chiva muvusa, ni kucho kuti, "Muruti, ko vireli ni ha tufwa?" 39Mi, cha vuka, cha kalimela ihuwo mi cha cho kwi wate, "Ikozo, tontole." mi ihuwo chilya tontola, kuvena kutontola ku kando.

40Mi chati kuvali, "Chizi ha mutiite? Kamwina itumelo na hanu?" 41Vavali kwi zwile kutiya hahulu mi chiva wamba mukati kabo,"Njeni uzu, kakuli nihaiba luhuwo ni wate zimu zuwa?"

51Civa keza kwishirya lye wate, ku chi kiriti cha Geresenesi. 2Mi haho Jesu hasuka muchisepe, mukwame yowina luhuho lu sa jololi cha keza kwali kukazwa ku makumbu.

3Mukwame avali ku hala muma kumbu. Ka kwina ya vali ku wola kumu sumina hape, nangati ni cheni. 4Cha va suminwe i nako ingi ingi ni mihala ni ma cheni. A vali ku kosola macheni mihara i vali kukosolwa. Kakwina ya vena ziho zo kumu zuunda.

5Masiku onse ni musihali kuma kumbu ni ku malundu, a vali ku huwereza ni kuli kosola cha mabwe makali. 6Ha vona Jesu kule zana, cha tilira kwa li ni kuka fukama havusu bwa kwe.

7Cha huwereza cho mulumo mukando,"Chinzi chi ni swanera ku panga nawe, Jesu, Mwana we Ireza Mwamba kani yo Hanzi? Ni ku kumbira cha Ireza iye mwine, kanji u ni sukululi." 8Ka kuli avali ku wamba kwali," Zwe mwali uzu mukwame, iwe lu huho lusa jolwere."

9Mi cha mubuza,"Jiweni i zina lyako?" Mi chamwitava ," I zina lyangu nji Mpi, kakuli tuvangi." 10Cha mukumbira hape ni hape kusa a tumina kunze ye chikiriti.

11Lyahanu muraka mukando wezi ngulube ubena hana ni u fula ha chi wulu, 12mi ciya mukumbira, ni ati,"Tutumine mu zingulube; twi jire kuzili." 13Jikuti cha a zuminina; luhuho lusa jololi chilwa zwa kwali ni kuke njira muzi ngulube, mi chiza tilira hansi ye chiwulu ku kenjira mwi wate, mi zibali kulikana i palo ye zikiti zovere ziguluve ziba mini mwi wate.

14Mi avo vavali kuzilisa zi nguluve chiva tiya ni kuka viha chintu cha pangahala mwi toropo ni kwi mbali ye nkanda. Cwale bantu bangi chiva zwira hanze kuka vona kuti chizi cha pangahala. 15Linu chiveza kwa Jesu mi chiva vona mukwame wa madimona yavali kwina Mpi- ne kere hansi, uzwete- mu maano sakata, mi vavali kuli kalilirwe.

16Avo vava voni chiva pangahali ku mukwame ya vena madimona nava wambira chiva pangahali kwali mane bulyo kuamana ni zingulube. 17Linu chiba mukumbira kuti a siye chi kiliti chavo.

18Cwale ha chavali kwi chira muci sepe, mukwame yavali kwina madimona cha mukumbira kuti a yende naye. 19Kono ava muzuminini, mi cha mucho,"Yende kwi zubo yanko ni kuvantu vako, mi ukava wambire chinzi Ireza cha kupangira, ni chinzi chishemo cha va kuhi." 20Cwale cha yenda ni kuka tanga kwi zivahaza zintu zikando inzo Jesu zava mupangiri mwa Dekapolisi, mi vonse chiva komokwa.

21Mi hape Jesu hacha lutire ku imwi mbali hape, muchi sepe, chisi chikando chi cha muzimbuluka, sina havali kwina he mbali ni wate. 22Mi zu mwi kuva yendisi ve sinangonge, we zina lya Jairesi, cheza, mi hamuvona, cha wira hama ntende a kwe. 23Cha mukumbira kuvolera ni kubolera, nacho,"mwanangu wa chikazana we chihwire wina hafuhi nefu. ni kukumbira, wize zo vike manza ako hali kuti a pangiwe sinte mi ahale." 24Linu cha yenda naye, ni chisi chikando chi cha mwichilira mi vavali kuli sinanisa hembali naye.

25Linu kuvena mukulwakazi uzo malaha abazwizi zilimo ze kumi ni zo vere. 26A vanyandi i sinyehero inkando kuvasiliki vangi mi ava litusisi zonse zavali kukwete. Mi kakwina chi va woli kumutusa, nja va mumayemo o kusi. 27Linu a bazuwire mañusa kuamana ni Jesu. Cwale cha keza mumasule a kwe havali kuya buyenda muchisi chingi, mi cha kwata ku zizwato zakwe.

28Cha wamba,"Haiva ni ni kwata vulyo zizwato zakwe, muni hozwe." 29Cwale hacha mukwata, kuvuva kwa malaha chi kwa zimana, mi cha lizuwa mumuviri wakwe kuti ava hozwa kuma sukuluko a kwe.

30Linu haho Jesu cha lemuha mwali kuti mata chiyazwa kwali, Mi cha sandumuka muvungi bwa vantu ni kuvuza,"Njeni wa kwata zizwato zangu"? 31Barutiwa ba kwe chiva cho kwali,"U bwene chizi cha vantu chili kakatize kuku zimbuluka, mi u wamba," Jeni wani kwata?" 32Kono Jesu chalola lola kuvona kuti njeni yava pangi bulyo.

33Mukulwakazi, cho kwiziva chiva pangahali kwali, chalikalilwa niku chachalika. Chakeza ni kwiza kufukama havusu bwakwe ni kumuwambira vuniti vonse. 34Cha wamba kwali, "Mwanangu wechikazana, i tumero yako ya kupanga sinte, Yende mwi nkozo mi u holerere ku matuku ako."

35Haho nasi wamba, vamwi vantu chiveza kuzwa ku muetereli we sinangonge, kuwamba,"Mwanako we chikazana cha fwa. Chinzi kukataza muruti hape?"

36Kono Jesu cheza kuzuwa ziva wamba, cha wambira muyendisi we sinsngonge," Kanji u tiyi. U zumine bulyo." 37Kena a va zuminini zumwi kumusindikiza, konji Pitorosi, Jakobo ni Johani, mwanche wa Jakobo. 38Chiveza ku nzuvo yo muyendisi we sinangonge mi chavona inyewanyewa, kulira a hulu ni kusikoka.

39Ha che jira mu nzuvo, cha wamba kuvali,"Chinzi ha muvengete mi chizi ha mulira? Muhwire kafwire kono u lere," 40Chiva museka, kono iye, kuva vika vonse hanze, kuhinda isi muhwire ni va nyina navana vavena naye, ni kukeza aho muhwire havena.

41Chahinda i yanza lyo muhwire ni kuwamba kwali,"Talita koum," iri kuwamba kuti,"Muhwire we chikazana, ni wamba kwako, vuke." 42Haho muhwire cha vuka ni kuyenda (kakuli avena zilimo ze kumi ni zovere zo kupepiwa). Mi vava komoka ahulu. 43Mi chava ha imamera yokuti kakwina yenke yo swanera kwiziva kuamana ne chi. Mi chava wambira kuti va muhe chimwi cho kulya.

61Jesu hazwa mwateni, chakasika mumuleneñi mava kulili; Mi varutiwa bakwe vava mwi chiriri. 2Mi lo Mukivero hali sika, abali kuka ruta muma Sinagoge.Vantu vangi vava muzuwi mi vavakomokwa. Chivata kuti, "Aba kawani kuhi izi intuto?" "Vutalinzi uvu vuva hewa kwali?" Imakazonzi izi za tenda ni mayanza akwe"? 3" Kanjiyena muvezi , mwana Maria ni mukulwe wa Jakovo ni Jose ni Juda ni Simoni? Kana va nchizye kanjava vatwina navo"? Mi vava ziyelehete cha Jesu.

4Mi Jesu chati kuvali, "Muporofita u kutekwa, konji mumunzi mwazwa ni muva kwakwe mane nivazalwa nabo, nimwe kala." 5Kana ava chiti mitendo mikando, konzi yakuvika mayanza akwe he wulu lya vantu vavali kulwala ni kuvahoza. 6Kusazumina kwavo kuva mukomokisi. Mi cha yenda muminzi imwi nakavuruta.

7Mi chasumpa vena makumi nivo vere cava tuma, vovere vovere, mi cava ha ziho hewulu lya luhuho luvi, 8Mi chaba laera kuti sanzi vahindi chintu mumu sipiri wavo, konji inkoli vulyo: cha ta kuti sanzi vahindi inkoko, kapa mukotana, mane sanzi muhindi mali mulu tunga lwenu, 9Kono muzwate vulyo insangu, mi sanzi muhindi sizwato zovere.

10Mi chava cho kuti, "Monse mumwinjirira mwinzuvo,mwikale mwateni kosika hete nimuyendere. 11Mi mumunzi monse muvasamitambuli ni kuteeka kwenu, musiye icho chivaka, mukunkumune kwi konde lya matende enu ive vupaki kuvali."

12Vavayendi nivaka vuwambira vantu kuti vasiye kuchita vuvi. 13Vava ka zwisi madimona mangi, mi chivaka singa vantu va lwala cha mafuta e olive ni ku vahoza.

14Mi simwine Heroda chakazi zuwa, kakuti izina lya Jesu´ live zivahali. Vamwi vavali kuta kuti, "Johani mukolovezi ava kavuswa kuvafu, mi cheli ivaka uchita zintu zikomokisa zikando mwali." 15Vamwi chivawamba kuti, "Nji Elijah". Kono vamwi vavali kuta kuti, "Muporofita", sina vaporofita vavali kwina kwa teni mwi nako za kale."

16Mi Heroda hazizuwa izi cha cho kuti, "Johani, uni va kosoli, mutwi ava vuki." 17Kakuti Heroda ava tumini vantu kuti vaka sumine Johani niku muvika mwi ntolongo cha mulandu wa Herodiasi (mwi hyabwaa mwancakwe Phiripi) , chevaka lyakuti ava musesi.

18Johani a va wambiri Heroda, "Cha mulao koswaneli kusesa mwihyabwe wa mwancako." 19"Kono Herodias cha muvikira chi koto mwinkulo abali kusaka kumwi haya,kono kana avali kuwola, 20kakuti Heroda avali kutiya Johani; kakuti avali kwizi kuti ushiyeme mane mukwame yo jolola, mi avamuvikite hande. Chakutekereza kwali avali kufirikananga ahuluhulu.Nihakuva bulyo avali kumuzunga luli.

21Mi chikwa sika izuva ilotu kwali lyo mukiti waku zalwa kwa Heroda, mi cha vakanya mulalilo wa vantu va muvuso wakwe, bayendisi va chisole, niva yendisi va Galileya. 22Mwanaa a Herodiasi wa mukazana chenjira nikwiza kuba zanina, muzanino wakwe chiwa sangisa Heroda niba yenzi vakwe va mulalilo. Simwine chawamba ku mukazana chati, "Kumbire chonse chosaka municikuhe."

23Chalikonka kwali chati, "Chonse chete ukumbire munichi kuhe, ku sika hakati ka muvuso wangu." 24Chaya hanze nikukati kuvanyina, "Chinzi chete nimute kuti anihe?" Chawamba kuti, "Mutwi wa Johani Mukolovezi," 25Mi haho vulyo cheza kwa Simwine chakuli tahanera, chati, "Nisaka kuti uni he hahanu mukagwetere mutwi wa Johani Mukolovezi".

26Simwine chalishonda luli, kono che vaka lya kuli konka ni vene vavena kwateni, chakangwa kukana inkupo ya mukazana. 27Linu simwine cha tuma isole limwi kumasole amuvavalela ni kuli laera kuti lika lete mutwi wa Johani.Muganteri cha yenda nikuka kosola mutwi wa Johani mwi ntolongo. 28Mi chaka leta mutwi ha kagwetere ni kwiza ku uha mukazana, mi naye mukazana chauha va nyina. 29Mi varutiwa vakwe, hava zuwa, chivakeza nikwiza kuhinda muviri ni kuka u uunga mwi kumbu.

30Mi varutiwa vakwe, chiveza kwikala kuzimbuluka Jesu, chiva muwambira zonse zivava kapangi niku ruta. 31Chavata kuti, "Muzwe muyende mwi halaupa muka pumule kanini." Kakuti vantu vavali kwiza ni vayenda ,mane kena vavali kwina ni inako yo ku lya zilyo. 32Cwale chiva yenda cha bwato mwi halaupa avovene.

33Kono va vava voni ha va yenda mi vungi bwa vantu chibwa ve ziva, mi chiva tirira kwateni cha matende kuzwa mu mizi yonse, mi chivakasika lwe ntanzi avo ni va seni kukasika. 34Havakasika he rizo, cha vona chisi chingi mi chava fwira inse kakuti vavali kukola sina imberere zisena mulisani. Mi cha tanga kuva ruta zintu zingi.

35Izuba hali yenda, varutiwa vakwe chiveza kwali niku ta kuti, "Munu muntu mwihalaupa mi hape izuva chilya hita. 36Uva voze vaka sake zilyo mwi nkanda ni mu minzi ina ha fuhi vakali ulire ni kulya avo vene."

37Kono chavetava ni kuwamba kuvali, "Muvahe zakulya inwe muvene". Chiva wamba kwali, "Tukawule inkoko ya mali a mianda yo vere nikwiza kuva ha valye?" 38Chava ta kuti, "Mwina vuroto vongai? muyende muka vone." Hava ka mana kuvona chivati, "Vuroto busika haminwe ikwana iyanza ni nswi zovere."

39Cha laera vantu vonse kuti ve kale hansi mulyani iteke. 40Chivekala muzikwata kwata za vantu vasika ha mwanda ni makumi akwana iyanza. 41Hahinda vuroto vusika ha minwe ye yanza ni nswi zo vere, chalola kwi wulu, chazi fuyola nikuzi gamona, chazi ha va rutiwa vakwe kuti vazivike ha vusu bwa vantu .Mi chava kauhanyeza ninswi ni kuvaha vonse.

42Chiva lya vonse bwita have kuta. 43Chiva hinda vufwafwali bwa vuroto, nikwizuza zitanda zina zikwana ikumi ni zo vere, nivu fwafwali bwe nswi. 44Mi ivali vantu vasika ha lule lukwana minwe ye yanza vava lyi vuroto.

45Haho vulyo cha ta va rutiwa vakwe kuti vechile mu bwato vaye kulimwi ishilya, Kwa Bethesaida, iye havali ku voza vantu. 46Haba mana kuyenda, chaya he Rundu kuka rapera. 47Masiku a chitengu ha a sika,bwato vuvali kwina hakati ke wate, mi iye avashere yeyena he rizo.

48Mi avabwene kuti vava suntikite chevaka lya kuti luhuho luvali kuva lwisanisa. Masiku a kakusasani cha keza kuvali, nakavuyenda he wulu lye wate, mi avali kusaka kuva hitirira. 49Kono haba muvona naka vuyenda he wulu lye wate, chivahupula kuti isaku, mane chiva tanga ku huwa, 50Kakuti vavamuboni mi vavatite. Mi haho vulyo cha wamba kuvali nikuvata kuti, "Mukole! Jeme! Sanzi mutiyi!"

51Che chira mubwato navo, mi luhuho chi lwa siya kuhunga. Mi vava komokwa luli. 52Kakuti kena vava zuwisisi kuti vuroto vutalusa nzi. Kono, inkulo zavo ziva zuminine.

53Hava mana kuuluta, chivakeza muchivaka chisumpwa Genesereti mi chiva siika bwato. 54Hava zuvuka mu bwato, chiva mwi ziva haho bulyo. 55Mi chiva tirira mu chilalo chonse mi chiva tanga kumu letela va lwala vonse hama sasa, konse kwavali kuya vavali kwiza.

56Konse kwavali kwi njira muminzi, mileneñi, kapa mwi nkanda, vavali kuvikanga va lwala muzibaka zaku uzikiza , mi vavali kumu kumbira kuti ava suminine kuti vakwate ku mungundo wa chizwato chakwe. Mi vonse vavali kumu kwata vavali kuhola .

71Bafalisi ni vamwi vava ñoli vava ka zwi kwa Jerusalema ci va kungana ku mu zimbuluka.

2Mi vava voni kuti vamwi va va rutiwa vavali zilyo ni mayanza ena ikwe, awo asa sambite. 3( Mukuti Bafalisi ni vonse ma Juda kavali konji hava sambisa mayanza avo ku cena luli; Va kumalele ku chizo cha bakulwana. 4Cwale va falisi hava kazwa ku chivaka cha musika, kavali konji hava li sambisa avo vene. Mi kwina milao mingi ive chilila che ntokomelo, ku kopanya ni ku sambisa inkomoki, impoto, ni kahambwe ke nsipi i venya, mi mane nanga ni zikalo za kulila.)

5Va falisi ni vañoli ni va vuza Jesu, "Chinzi varutiwa vako hava sa yi ka chizo cha Vakulwana, mukuti vavali zilyo ni mayanza asa sambite?"

6Kono ava wambi kuvali, "Isaya a va porofiti hande ku amana nanwe va lihele, ava ñoli, ' Ava vantu bani kuteka cha miromo yavo, kono inkulo zavo zina kule name. 7Ku lumbeka kusena intuso ku vani ha, ku ruta milao ya vantu kuba intuto yavo.'

8Mu siya intaero za Ireza muya cha mikwa ya chizo cha vantu." 9Mi a va co kuvali, "Mwizi hande ku kana intaero ya Ireza kuti mu kuteke chizo chenu! 10Mi Mushe nati, 'U kuteke iso ni nyoko', ni, 'Iye yo wamba vuvi ku vesi kamba va nyina luli kafwe.'

11Kono inwe muti, 'Heba muntu u wambila besi ni va nyina, "Cinzi ni chinzi intuso zi muva tambuli kwangu Inkombani," (nji kuta kuti, 'Kuva hewa Ireza')- 12cwale kosi woli ku mu zuminina to tenda chimwi ku vesi ni ba nyina. 13Mu kwete ku panga mulao wa Ireza ku vula intuso cha chizo chenu chi mu va tambiki hansi. Mi zingi zintu zi swana zimu cita."

14Cha sumpa vuñata hape mi ku wamba ku vali, " Muni teke, mwense, mi mu zuwisise. 15Kakwina chizwa hanze yo muntu icho cimu sihisa ha chinjila mwali. Nji chi zwa hanze yo muntu icho chi musihisa." 16(Wina matwi aku zuwa a zuwe).

17Cwale Jesu hasiya vuñata ni kwi njila munzubo, varutiwa vakwe chi va vuza ku amana ni nguli. 18Jesu nati, "Nenwe musi vulite inkutwisiso? Kamuvoni kuti conse chi njila ku muntu kuzwa hanze ka ciwoli kumu sihisa, 19kakuli ka chiwoli kwi njila mu nkulo, kono ciya mwi vumo ni kuka chi zwisikiza mu chimbuzi?" Cho wu muwambiro Jesu ava pangi zilyo zonse kujolola.

20Chati, "Nji chizwa hanse yo muntu chi mu silafaza. Kakuli chizwa ku muntu, 21kuzwa mu nkulo yakwe, kuzwa mihupulo mivi, vushahi, vusa, kwi haya, 22vushyahi, ku chengelela, lunya, vuchengi, muna, ku zuma inkulo, ku kwita inkulo,vu ikuhumuso, vuyanga, 23vonse uvu vuvilala vuzwa mukati, mi nji zi silafaza muntu."

24Chavuka kuzwa aho ni ku yenda ku chikiliti cha Tire ni Sidoni. Cheza munzubo mi kana bali kusaka kuti muntu zumwi ezive kuti kwa vena, kono kana avali kuwoleka ku patwa. 25Kono haho mukulwakazi, inyina wa mwana kazana ya vena luhuho lusa jololi, cha zuwa ku amana naye, cheza, ni ku wila hansi ku matende akwe. 26Cwale mwanakazi avali Mugerike, wa mushobo wa Zirofenia. Na mu kumbila ku hindika idimona ku mwana´kwe wa mukazana.

27Nati kwali, "Mu siye bahwile pili ba leliwe. Sina haku sa shiyeme ku hinda zilyo za bahwile ni ku zi sohela vambwa." 28Kono cha mwi tava ni kuta kwali, "Eee, Simwine, nanga vambwa mwi konde lye ntafule valya tungululwa vuwa ku vahwile."

29Nati kwali, "Kakuli wa wamba buti, u lukuluhite ku yenda. Idimona chilyazwa ku mwanako". 30Cha bola ku nzubo yakwe ni kuka wana muhwile u lele ha mumbeta, mi idimona liva yendi.

31Cwale cha yenda hape kuzwa mu chikiliti cha Tire, ni ku yenda cha Sidoni ku ya kwi wate lya Galileya konji ku chililiti cha Dekapolisi. 32Mi chiva leta kwali zumwi ya va fwile matwi ni bukavo kuku wamba, ni va mu kumbila ku bika iyanza hali.

33Cha mu hindila kumbali kuzwa mu vuungi cha kuli pata, mi cha vika minwe yakwe mu matwi akwe, mi hamana kuswa, ava mu kwati ha lulimi. 34A valoli kwi wulu, ava tuli muhuza nati kwali, "Efafata" njikuti, "Yaluke!" 35Mi haho ku zuwa kwakwe chi kwe yaluka, mi chi va kwete lulimi lwakwe chiva shiywa mi cha va ku wamba sinte.

36Mi a vava laeli kuti kanji va wambili muntu. Kono mwavali ku va laelelela, muvavali ku liwambila mane ni kuhita. 37Vava komokiswa ahulu, ni vati, " Ava pangi zintu zonse sinte. Na wola nanga va shushu kuti vazuwe ni zimumu ku wamba."

81Mwao mazuva, kuvali kwina hape chisi chikando, mi kena vavena chimwi cho kulya. Jesu cha sumpa va rutiwa vakwe ni kuwamba kuvali, 2"Nina inse kwech chizi, kakuli vazwirire havusu kuva name cha mazuva o tatwe mi ka kwina civa lya. 3Haiva ni niva tumina kuya kumizi yavo nivasa lire vawola kuzuminina mwi zira. Mi vamwi kuvali vava kazwi kule." 4Va rutiwa vakwe chi va mwitava, "Chokuhi kwete tuwane zilyo zingi muchi vaka cina buti chi ola kwikutisa ava vantu?"

5Cha vavuza, "Mukwete zinkwa zongayi?" Chi vati, "Minwe ye yanza ni tovere." 6Cha layera chisi kwi kala hansi. Cha hinda zinkwa ze minwe ye yanza niyo vere, chali tumera, ni kuzi cholola. Cha ziha kuva rutiwa vakwe kuvika havusu bwa vo, mi chi vazitula havusu bwa chisi.

7Vavena hape tuche tuswizana, mi hamana kulitumera chato, cha layera va rutiwa vakwe kutambika izi nazo. 8Vavali mi vave kuti. Mi chivatotola vungululwa vuvali kucamoka, zitanda zikando zi chita minwe yeyaza nizo vere. 9Ku veli kulikanyizwa vantu vena lulelule lone. Mi chava tumina. 10Haho che chira mucisepe ni varutiwa, mi civa yenda muchi kiriti cha Dalumanuta.

11Linu va Farisi chiveza nikutanga ku kanana naye. Vavali ku vuza kwali chisupo cho kwiwulu, ku mulika. 12Cha hupula ahulu muluhuho lwakwe mi chati, "Chinzi ulu lusika halukumbira chisupo? Che niti ni ti kwenu, kakwina chisupo chete chihewe kolu lusika." 13Haho chava siya, che chira muchisepe hape, mi chayenda kuyimwi mbali.

14Linu va rutiwa vava zivali kuhinda zilyo navo. Kena vavena nanga chikwa chi hitilira chonke mu chisepe. 15Chava kalimera ni kuvati, "Mulole che tokomero mi mulivakanye kungantera mulungo wa Mafarisi ni mulungo wama Heroda."

16Varutiwa chiva livuzana cho zumwi ni zumwi, "Kakuti ivaka katwina zilyo." 17Jesu avali kwizi ze chi, mi chacho kuvali, "Chizi hamuvuzana kuamana ni kusava ni zilyo? Kana nahanu kamu hupulisisi? Kamu zuwisisi? Inkulo zenu za sanduka kusa hupula?

18Mwina menso, ka muvoni? Mwina matwi, kamuzuwi? Kamu hupuli? 19Hani va jamoni buroto vu hinda minwe ye yanza mukati kavantu vena lule lule buhinda minwe ye nyaza, zi tanda zo ngayi zivezuli vungululwa bwa buroto bumu va hindi?" Chivati kwali, "Ikumi lyonke ka tovere."

20Mi hani va chololi vuroto vuhinda i yaza nito vere mukati kavo vena miyandada yone, zitanda zongayi zivezuli zimuva hindi?" Chiva cho, "Ze minwe ye yanza cha tovere." 21Chati, "I nwe kamu zuwisisi?"

22Chiva keza kwa Bendisaida. Vantu uko chiva leta kwali mukwame we chivofu ni kukumbira Jesu kuti a mukwate. 23Jesu cha kwata mukwame we chivofu kwi yanza, ni kumutwala kunze yo muzi. Ha cha swira ku menso akwe ni kuvika mayanza akwe hali, Cha mu vuza, "Kwina cho vona?"

24Cha lola mwiwulu, ni kucho, " Ni bwene vantu vaswana ili zisamu ziyenda." 25Linu iye hape cha muvika manza a kwe ha menso, mi mukwame che yalula menso, ku vona kwakwe ca kuvozekezwa, ni kuvona zintu zonse cho kujolola. 26Jesu cha mutumina kuti a yende ku nzuvo yakwe ni kumuti, "Kanji wi jiri mwi toropo."

27Jesu a vayendi ni va rutiwa vakwe mumizi ya Kaseria Filipi. Mwi nzira cha vuza va rutiwa vakwe, "Vantu ba ta kunti njime ini?" 28Chiva mwitava ni kucho, "Johani Mukolovezi. Vamwi va cho, ´Elia,´mi vamwi, ´Zumwi wa kuva porofita.´"

29Chava vuza, "Inwe mu cho kuti njime ni?" Pitorosi cha wamba kwali, "Njiwe Keresite." 30Jesu cha va kalimera kusa wambira nanga yenke ku amana naye.

31Hape cha tanga kuva ruta kuti Mwana o Muntu u swanera kunyanda zintu zingi, mi mwa kaniwe ku va kulwana ni va purisita va kulwana ni va ñoli vo mulao, mi ke hayiwe, mi chamana mazuva o tatwe kavuke. 32Cha wamba ichi cho kuchenisa. Cwale Petorosi cha muhindira ku mbali ni kukatanga kumu kalimera.

33Kono Jesu cha sanduka ni kulorerera kuva rutiwa vakwe ni ku kalimera Pitorosi ni kucho, "Vole kumasule angu Satani! Ko viraeli ni zintu ze Ireza, kono cha nzintu za vantu." 34Haho cha supa chisi ni varutiwa vakwe hamwina, ni kucho kuvali, "Haiva zumwi usaka kuni chilira, u swanera kuli kana iye mwine, anyemune chi fapano chakwe, ni kwi chilira ime.

35Kakuti zuhi yense yosaka ku haza vuhalo bwako ka vusinyeherwe, mi yense yo sinyeherwa vuhalo bwakwe che vaka lyangu ni lye evangeri , mwa vuhaze. 36Chinzi che se chi vozekezwe muntu, ku wana i nkanda yonse, ni kusinyeherwa vuhalo bwakwe? 37Che chihi muntu cha wola kuha mu kuchinchana cho vuhalo bwakwe?

38Yense u swavera ime ni manzwi angu mwelinu i fasi lya vashahi ni lusika lwe chivi, iye Mwana o Muntu kaka muswavere hate na ka keze mwi kanya yi Vesi cha mañiroyi a jolola."

91Mi chava wambira; ''chakusakusima ni mi lwira, kwina vamwi mukati kenu va zimene hanu va seti niva siye ku zuwa infu ni va seni kuvona mu vuso we Ireeza ci u keza ni maata.'' 2Mi mazuva a mana i yaza ni ka mwina ha hita, Jeeso cha hinda Pitolosi, Jakobo ni Johani na kaya nabo he ulu lye ruundu, boke bo bulyo. Lyinu cha sanduka ha vunsu bwa vo. 3Chizwato chakwe chiche zula i kanya ingi, ni cha tuva kuhitiliza zonze zi tuviso mu zi wolwa kupangilwa hansi hanu.

4Lyinu Eliya ni Mushe chi veza kuboneka mukati kabo, mi vava ku wamba ne Jeeso. 5Pitolosi cha sandula Jeeso: ''Muruti, kwina neza hatwi na hanu cwale niha kwina bulyo tusa ku zaka malalo o tatwe, yonke yako, yonke ya Mushe ni yonke ya Eliya.'' 6(Chi kuti kena a bezi coku wamba mi chi va va tiite.)

7I kope cilyeza ni kuva wumba. Chi kwa zwa linzwi mwi kope, ''Unzu mwanangu wa Muswisu i ni suna ahulu, mumu teeke. 8Haho bulyo, ho hwa ho ha va lola, kena vava kusi bwene zimwi mutu ya vena navo kwanda Jeeso.

9Inga va va kavu yenda kuzwa kuma luundu, cava laela kusa wamba kazi va vona, hesi ina i nako Mwana Muntu ca vuswa kuva nfuu. 10Indaba ya teni civa ilyi bikira kono civa i wambota ku vali bene: Ku buka ''kuba nfuu'' kuwola ku toloka nzi.

11Chi va mu vuza ''kuti chizi va ñoli hava cho kuti Eliya uswanela kwiza pili?'' 12Cha ba cho kuti ka ma niti luli Eliya u keza che tanzi ku kwiza kuhaza zitu zonse. ''Lyinu kanti cinzi haku va ñolwa kuti Mwana Muntu mwa nyande mu zitu zingi mi mane ka toiwe? 13Kono ni mi lwira kuti Eliya cha va kezi, mi va va pangi zonse zi va va ku saka zonse he wulu lyakwe, vo vuti muli wambila i ñola.''

14Mi ha va ka bola ku ba rutiwa, chiva vona vantu vangi va va zimbulukitwe mi vañoli vava kwete ku kunana navo. 15Mi chiva mu vona, mi vantu vose chiva mu komokwa niku ngwengwetera kwali kuka mu lumeresa. 16Cha vuza varutiwa vakwe, ''Mukwete mu panga ikani za chi nabo?''

17Zumwi mutu mu vantu vangi cheza ku mwi tava, ''Muruti, na reta mwana swinsu wangu kwako. Wina i huho i mu kanisa ku wamba, 18hape i mu hindeka, niku mu zindolela hansi mi hape u panga i nfulo mukaholo, ni ku suma meeno akwe ni ku zuminina mubili. Na kumbira varutiwa vako kuti vazi zwise kono va kangwa.'' 19Cha ve tava, masika e zwire kusa ''zumina, muku hinde inako i kuma hi nini na nenwe? muku hinde inako i kuma hi nini mi hindire? Mumu lete kwangu.''

20Chi ba muletera muswisu unzo. I huho hayi bona Jeeso, Lyinu haho chiya tanga ku tondeza mishika. Muswisu cha wila hasi na walumuka, niku panga ifulu mu kaholo. 21Jeeso cha vuza vesi vozo muhwire, ''kuzwa lili nena bulyo?'' Vesi chi va ta kuti,'' kuzwa vunini bwake. 22Zi mu sohela nga ha mulilo kapa mu menzi, mi zi lika ku mu sinya luli. Heva u wola ku chita cimwi, tu fwire nse, tu tuse.''

23Jeso cha mu sandula kuti: '''Heva wu wola''? Zose zintu zi woleka kwa vana va zumine.'" 24''Haho feela insi wa muswisu cha huwa niku cho kuti, ''ni zumina! Ni tuse nikusa zumina kwangu!'' 25Jeeso inga vona vantu vangi ni va kezite kwali, cha kalimela i huho ze kwe, kuti: ''Iwe i huho za kusa wamba niku sa zuwa, niku laela, uzwe kwali, sanzi uka muboleri hape.''

26Chiya lira ahulu niku nyunganisa muswisu ni lyaho niku kumusiya. Muswisu cha bona hara ubu yo fwire, mi vantu vangi chi ba wamba kuti ''Wa fwaa.'' 27Kono Jeeso cha hinda i yaza niku muzimanika, mi muswisu cha zimana.

28Lyinu Jeeso heza kwi njira mu zuvo, varutiwa vakwe chiva mu vuza che kunutu, ''Kuti hape iswe se ha tusa woli ku i zwisa?'' 29Cha wamba kuti, ''Uwo mufuta ka wuli zwi sikizwa feela hesi che tapero.''

30Chi va zwa aho ni ku hita mwa Galileya. Kena ava ku saka kuti zumwi mutu e zibe kubena, 31ka kuti ava kwete ku ruta ba rutwani bakwe: cha wamba ku vali, ''Mwana Muntu mwa hewe mu manza a vantu mi mu va mwi haye. Lyinu civa mana ku mwi haya, hase niku mane mazuva wo tatwe, ka vuke kuva fuu.'' 32Kono kana va va zuwisisi iyo i ndava, mi hape chi va tiya ku mu vuza.

33Mi chi beza kwa Kapanauma. Mi ni vena mu nzuvo cha va vuza, ''Se mu wamba nzi mwi nzira?'' 34Kono vava totwere. Ka kuli vava kwete kupanga inkani za kucho kuti njeni mukando ahulu. 35Che kala niku supa ve kumi ni tovere, ne ku va wambira kuti heva yense usaka kuva we tanzi, u lukere ku va wa ma mani-mani ni muhikana ku vose.

36Cha hinda mu hwirezana ni ku mu vika mukati ka vo. Cha mu bika mu ma yaza akwe niku wamba kuvali, 37''Yese yo tambula unzo muhwire mwi zina lyangu, name uni tambula, mi hape zumwi mutu hani tambula, ka tambuli ime nenke feela, kono nozo yava ka ni tumi.''

38Johani na wamba kwali, ''Muruti, twa vona muntu se yo zwisa madimona mwi zina lyako, mi chitwa muzimika, kakuti katwi chilili.'' 39Jeeso cha va wambira, ''Sanzi mu mu kanisi, ka kuli kakwina yese na tende musebezi mukando mwi zina lyangu mi niku sanduka haho niku wamba zintu zivilala zangu.

40Yese yasa tu lwisi, nji wetu. 41Yese yo kuha i komoki ya mezi ka kuti uwila kwa kilisite, kakusakusima luri ni mi lwirite kese a nyangwe iyo impo.

42Umwe no umwe yo letera va hwirezana ava va zumine kwangu kuti va ncuncula, ku muswanere kuti a sungwe muhara mwi singokwina i ibwe kando ni ku sohelwa mwi wate. 43Chi kuti i yaza lyako lyi kuretera kuti u fosahala, likosole kwateni. Kulotu ku wana vuhalo vusa maani, kuhita kuba ni mayaza obele kuti uke njire mwi here. 44Mwi here lyi sa zimi luli. musa fwi isene hape musa zimi mulilo.

45He va i tende lya ko lyiku letiseza kufosa, likosole kwateni. Ku ku swanele kuti wi njile mu buhalo nelyi u chiyanga, I siñi kuva ni matende onse ni ku sohelwa mwi here. 46Mu sa fwii i sene mi kaku zimi mulilo.

47Heva linso lyako lyi kuretela kuti u fose, lyi nongomone mwa teni. Ku ku swanere kwi njira mu muvuso we Ireeza ni liso lyoke, isiñi kuke njira mwi here ni meeso wo vere. 48Uko kwina masene asa fwi ni mulilo u sa zimi.

49Kakuti u mwi no u mwi mwa bikwe i mwinyo ni mulilo. 50Mwinyo u tabusa, kono heva mwinyo ciwa zobelwa munati wawo, muwola kuli vo zekeza bule munati walyo? Mu ve ni mwinyo mwenu, muve ni koozo niva mwenu.

101Jesu cha siya chi vaka ni ku yenda ku munzi wa Judea mane ni zi vaka zi hilitilila lwizi lwa Jodani, mi vantu vangi chi vakeza kwaali hape. Ava kwete ku va luta hape, sina haivali chizo chakwe cha ku panga vulyo. 2Mi mafarisayi chi va keza kwaali ku mulika, ni ku muvuza, "Kana ku ya cha mulao mu ku swanelela kuti mukwame akauhane ni mwanakazi wakwe?" 3Che tava," Chinzi cha va mi laeli Mushe?" 4"Chiva wa mba, "Mushe a va zuminini mukwame kuñola iñolo lye kauhano kuha mwanakazi ni ku mutanda."

5"I vali ku zuma kwe nkulo zenu chingi ava mi ñoleli uwo mulao," Jesu cha wamba ku vali. 6Mi ku matangilo a ku vumba, 'Ireeza ava pangi mukwame ni mwanakazi.'

7Keli vaka mukwame kasiye vesi ni vanyina ni ku ñambasila kwa mwi hyabwe, 8mi vo vele ka va ve chintu chonke.' Lyinu ka i sili vo vele, kono inyama i mwiina. 9Kuzwa ho Ireeza cha va kopanyi, ka kwina muntu yo chi hita hakati."

10Ni ve na munzuvo, valutiwa chiva muvuza hape ku amana nezi. 11Cha wamba kuti, "Yense yo kana mwihyabwe ne ku sesa ungi mwanakazi u chita vusangu na ye. 12Mi heva ukana mwi hyabwe ne ku seswa ku ungi mukwame, u panga vusangu."

13Chi va leta va hwilezana va vo kwali kuti mwendi mwa va wonde, mi valutiwa ci va va kanisa. 14Kono Jesu ha lemuha bulyo, kena ava taveli cha wamba ku vali, "Musiye vahwilezana veze kwangu, sanzi mu va ka nisi, ka kuti muvuso we Ireeza nji wavo.

15Chokusakusima ni mi wambila, yense ya sa tambuli mubuso we Ireeza u vu muhwilezana che niti izwile kese na ke njile." 16Mi cha hinda vahwilezana ni ku va kumbata mu manza akwe, cha va fuyola ne ku vika mayanza a kwe ha vali.

17Mi cha tanga musipili wa kwe, mukwame cha tilila kwali ne ku ku vamela ha vusu bwakwe, ni ku vuza," Muluti yo shiyeme, ni swanela ku panga vule kuti ni njile mu muvuso we wulu? 18"Jesu chata kuti, chi nzi ho ni sumpa yo shiyeme? Ku vula yo shiyeme, kwanda Ireeza iye mwine. 19Mwizi i taelo: siye kwi haya, siye ku panga vusangu, siye kwiiva, siye ku wamba mapa, si ye ku chengelela, kuteke isoo ni nyoko."

20Mukwame cha wamba, "Muluti, zonse i zi zintu ne zi chilile ku zwa ku vulombwana." 21Jesu chi ku mulola ne ku musuna. Cha wamba kwali, "Chintu cho nke cho sa kwete. U swanela ku wuza zowina nazo zonse ne ku ziha va wumanehi, mi ko ve ni vikilo mwi wulu. Lyinu wize, uni chilile." 22Kono cha li zuwa ku vo u vu yo volela mu ma sule che vaka lye yo indava, cha zwa ho ni ku yenda na sa saminwe, ka kuti a vena vuhumi vungi.

23Jesu cha lolalola mi cha wamba ku valutwani vakwe, "Ku ka vovule ku muntu muhumi kwi njila muvuso we Ireeza!" 24Valutwani chiva komokiswa ziambo zakwe. Kono Jesu cha wamba ku vali hape, "Vahwile, ku ka vo vule kwi njile mu muvuso we Ireeza! 25Ku huva kuti i kamere injile muliso lye ndonga, ku hita muntu wo muhumi kwi njila mu muvuso we Ireeza."

26Mi va va komokwa ni ku tanga ku wa mbisana mu kati ka vo, "Lyinu njeni ye sa hazwe?" 27Jesu cha valola ne ku va wambila kuti, "Cha vantu ka ku woleki, kono isiñi che Ireeza. Ka kuti zonse zintu che Ireeza zi woleka." 28Pitolosi cha tanga ku wamba kwali, "Vone, twa siya zintu zonse ne ku kwi chilila."

29Jesu cha wamba, "Chakusakusima ne wamba kwenu, ka kwina wa ka siya inzubo ya kwe, kamba vanaswisu kunine, kamba vanakazana, kamba vanyina, kamba vesi, kamba vahwile, kamba inkanda, che vaka lyangu, mane ne mulaizo, 30u zo ya seti na tambule kwi njiswanjiswa kwa mwandaa ku zwa hanu mwe i inkanda: mazuvo, kamba vanaswisu, kamba vanakazana, kamba vanyina, kamba vahwile, kamba zivaka, cha ku sukululwa mu nkanda yo nse ikeza, vuhalo vu sa mani. 31Kono vangi va hitile veti ni va ve va ma manimani, mi vamamani va matangilo."

32Va ve na munzila, ni va kaya kwa Jerusalema, mi Jesu a va hitile ha vunsu bwa bo. Mi valutiwa vakwe va va komokwa, mi va va mwi chilile va vatite. Lyinu Jesu cha hinda va mana mayanza ovele ne tovele mi ne ku tanga ku va wambila zete ziwola kupangahala haho kwaali. 33"Muvone, tu kaya hesi kwa Jerusalema, Mwana Muntu ka ka hewa ku va Vurisita va kulwana ne Vañoli. 34Ka va munyanse ku twala fuu ne ku muha ku Vamachava. Ka va musheunune, ku muswilela, ku mushupa, ni ku mwihaya. Kono chi kwa mana mazuva otatwe ka vuke."

35Jakovo ni Johani, vaana swisu va Zevedia, chi veza kwali ni ku mu mbila, "Muluti, tusaka kuti iwe u tupangile zonse zitu ku ku mbila." 36Cha va wambila kuti, "Chizi chi musaka kuti ni mi pangale?" 37Chi wamba, "Tu zuminine kwi kala nawe mwi kanya yako, zumwi ku lya vulyo bwako zumwi ku lye nzohoto lyako."

38Kono Jesu cha ve tava, "Ka mwizi chi mu ku mbila. Mu wola ku nywa munkomoki yete ni nywe kamba kuva che kolovezo ye te ni kolovezwe?" 39"Chiva wa muwambila, "Tu wola " Jesu cha va wambila, "I nkomoki ye se ni nywe mu mu i nywe. Mi ne kolovezo ini kolovozwe, ka mu kolovezwe chayo. 40Kono yo ni kala ku vulyo kamba ku nzohoto kena nji kwangu kuha, kono nji ya vo avo va va i lukisezwe."

41Lyinu valutwana vena ikumi ne vovele chinga va zuwa ichi, choku taanga ku nyerererwa Jakovo ne Johani. 42Jesu cha va sumpila kwali cha wamba, "Mwizi avo va swanela ku va va yendisi va Machava va va lyatilile, mi vantu va sepahala va sevelisa mataa he wulu lyavo.

43Kono ke se ku ve bulyo mukati kenu. Yense yo sa ka ku va mukando mu kati ke nu u swanela ku va muhikana wenu, 44mi yense yo saka ku va ku vusu mukati kenu u swanela ku va chikombwa cha vonse. 45Ka kuti Mwana Muntu kena a va kezi ku ku tendelwa, kono kutenda, ni kwiza ku ha vuhalo bwakwe ku lukulula vangi."

46Chi veza mwa Jeriko. Ha vali ku zwa mwa Jeriko ne valutwani vakwe ne vantu vangi, mwana wa Timea, Vatimea, chi vofu chi va li ku kumbila, chi ve kele ku mbali ni nzila. 47Ha zuwa kuti nji Jesu wa Nazareta, cha tanga ku huwa ni ku wamba kuti, "Jesu, Mwana wa Dafitaa, ni fwile inse!" 48Vangi chi va mulwisa chi vofu cha mukwame, ku mu wa mbila kuti a tontole. Kono cha huwa ku ekeza, "Mwana Dafitaa ni fwile inse!"

49Jesu cha zimana ni ku laela kuti a sumpwe. Chi va sumpa chi vo vu cha mukwame, chi va wambo "U kole, "Zi mane! U ku sumpa." 50Cha soha inguvo ya kwe, cha zi mana ka pili, ne kwiza kwa Jesu.

51Jesu cha mwi tava cha wamba, "Chinzi cho saka kuti ni ku pangile nzi?" Chi vofu cha mukwame chi cha wamba, "Muluti, ni saka ku volelwa ku vona kwangu." 52Mi Jesu cha wamba kwaali, "Yende. I tumelo yako chi ya ku haza. "Haho vulyo cha voona, ne ku mwi chi lila munzila.

111Mi ha ba ba kuya kwa Jerusalama, ba bena hafuhi ni Betefage ni Betenia, he lundu lya zisamu za Mafuta aa Olive, mi Jesu cha tuma bobele ba balutwani bakwe, mi cha ba wambila, 2''Muyende mu munzi wina habusu bwetu. Chi mwati kuti chi mu wi njila, ka muwane Kambongolo ka seni ku tantiwa muntu ni nga ka ba zaliwa. Mu ka sumunune mi mu ka ka ka ni letele. 3Mi muntu zumwi ca mibuza, 'Chinzi ha mupanga bulyo?' mu mwitabe mu kuti, 'Simwine wu ka saka mi mu katuka kaboze kunu hahanu.'''

4Ha bayenda chi ba ka wana kambongolo ha mulyango hanze mu nzila yi ya lukite, mi chi ba ka sumununa. 5Mi bantu bamwi ba ba ku zimene hateni mi ni ba ba wamba kubali, "Mutenda nzi, ha mu sumununa kambongolo ako?'' 6Chi ba ba wambila mwa ba ba wambilile Jesu, mi lya hanu abo bantu chi ba ba siya kuti ba yende.

7Balutwani bobele chi ba kaleta kambongolo kwa Jesu mi chi ba zindwelela zizwato zabo hewulu lya ko kuti Jesu a tante hateni. 8Bungi wa bantu ni ba zala zizwato zabo munzila, mi bamwi ni ba zala mitabi yi ba ba ku tema mu mawa. 9A bo ba be na ha busu bwakwe na bo ba ba kuyenda mu masule akwe ni ba huweleza, ''Hosana! Wina infwizosi njozo wiza mu izina lya Simwine. 10Mikondo nji ya kwiza kwa mubuso we shetu Daafita. Hosana wina miwulu ahulu!''

11Mi Jesu che njila mwa Jerusalema mi chaya mwi tempele mi cha lola ku zintu zonse. Linu, inako kakuti chi yi ba manite, cha ya kwa Betenia ni bena ikumi ka bobele. 12Yi zuba ha lizwa, ni ba zwa kwa Betenia, a ba fwile nzala.

13Ha bona isamu ye bbola libena makobo kuule naye, cha yenda kuti mwendi ka wane kwateni chintu chimwi. Mi hakeza kwi samu lye bbola ka kwina cha ba wani ko konji makoba bulyo, kakuti kana ibali inako ya kubika kwe samu lye bbola. 14Cha li wambila,'' Kakwina hape yete na lye chintu kwako.'' Mi balutwani bakwe ba ba zuwi hali wambila.

15Ni beza kwa Jerusalama, mi che njila mwi tempele ni ku kalisa kuzwisa bawulisi hanze ni ba ba kuwula mwi tempele. Cha pindumuna mataafule a ba tambuzana mali ni zipula zabo ba ba ku wuza inkwilimba. 16Kena a ba ku zuminina muntu yo hindite choku wuza kuhita mukati ke itempele.

17Na baluta nati, ''Ku ñoletwa , "I nzubo yangu mu yi sumpwa inzubo ye tapelo ya mishobo yonse'? Kono yinwe chi mwa yi panga mulipato a basa. 18Bapuritsita bakulwana ni bañoli ni ba zuwa za waamba, mi ni baa saka inzila yiba wola ku mu ihaya. Mi ba ba tite kakuti bungi wa bantu ba ba komokiswe mwa ba ku lutila. 19Mi zuba ni zuba, ke nako ya chitengu, ba bali ku zwanga mu munzi mukando.

20Kakusana ha ba bali kwa buyenda, chi ba bona i samu lye bbola lizumite kutwala ku mihisi yalyo. 21Pitorosi cha kumbulukwa mi cha wamba, "Muruti, bone! I samu lye bbola lyo ba kuti li zumite."

22Jesu cha be taba, ''Mu be ni ntumelo kwe Ireeza. 23Ca busakusima ni mi wambile ye nse yete a wambile ili iluundu kuti, 'Nyamuke mi u lizindile umwine mu iwate,' mi heba kene nkani munkulo yakwe kono na zumina kuti mwa wambila ka ku tendahale, icho Ireza chete na pange.

24Lyinu ni miwambila: Chonse chete mulapela ni ku chi kumbila, muzumine kuti ka mu chi tambule ,mi ka chibe nji chenu. 25Heba no zima ni ku lapela, u lukela ku kwatile chonse ca ku fosekeze zumwi muntu, kuti i Shenu wina ku iwulu naye a ka wondele milandu ya ko.'' 26Ha u sa wondela zumwi milandu ya kwe, i Shenu wina ku iwulu kete na ku wondela milandu ya ko nanwe.

27Hape ni beza kwa Jerusalema. Jesu habali kwi njila mwi tempele, bapurisita bakulwana, bañoli ni bakulwana chi beza kwali. 28Chi ba mu wambila, ''Izi zintu uzi panga mu mataa ani? Hape njeni ya ba kuhi aa mataa a ku zi panga?''

29Jesu cha ba wambila, ''Ka ni mibuze i mpuzo yonke. Muni wambile mi na me ka ni mi wambile kuti izi zintu ni zi panga mu mataa ani. 30I nkolobezo ya Joani, i ba kuzwa ku iwulu kamba ku bantu ? Mu ni tabe.''

31Chi ba wambola mukati kabo mi chi kanana mi chi ku wamba, ''Heba ni tu cho,' Azwa ku iwulu, ka wambe kuti , 'Linu chi nzi ha musana mu ba zumini kwali?' 32Kono heba ni ba wamba kuti ku bantu',...'' Ba ba tite bantu kakuti ba bezi kuti bose ba ba ku zumina kuti Joani ibali mupolofita. 33Linu che be taba Jesu ni bati, ''Ka twizi naswe.'' Linu Jesu na ba cho, ''Na me ka ni mi wambili aa mataa ku a zwa ha ni panga i zi zintu.''

121Lyiinu Jeeso nna taanga ku ruta che ingulyi. Nnati, "Mukwaame a vaa viealyi luwa, choku lu zakiriza che irapa loonse mane cho kusa nne chikoomba choku kaamwiina muwoomba. Nna zaaka nne inzuvo yoku lyiindira yiina he iwulu, ku zwaaho cho kulu walyima valyimi vo muwoomba. Ku zwaaho cho kuya mu musipiri. 2Che inako yi shiyeeme nna ka tuma muhikaana ku valyimi vo muwoomba kuti va muhe kwa teni ku zihantu zo muwoomba. 3Mmi aavo choku mu hiinda choku mu kava mane nne ku tuminiza vulyo nni ku seena nne chimwe cha kweete.

4He iwulu lyaaho choku va tuminiza zumwe muhikaana, mmi nni va muhorofaza mu mutwi mane choku mufwiisa insoni. 5Choku manina chaa tuminiza zumwe hape, mmi iiye uuzu nni va mu ihaya. Voovo vuti mu vava pangiri nne vamwe voonse che inzira yi swana, vamwe nni va kavwa vamwe nni ve hayiiwa.

6Mmi nna shaala cho muntu wu mwiina woku tuminiza, yaa vaalyi mwaanaswiisuakwe waa suni a hulu. Ya vaalyi njeeye wa mamanimani kumu tuma. Mmi nnati, "Kava kuteke mwaanaswiisu waangu." 7Mmi va walyimitwa luwa nni va waambinsaana nni vaati, "Uuzu njeeye swaana, Muiize, tu muihaye, mmi vuswa muvu ku veere vweetu."

8Nni va mu woonda, choku mu ihaya choku mu ziindira haanze lye iwa. 9Lyiinu, si iwa njeeti nna pange vulye? Ke eze choku ihaya valyimi vo muwoomba ku zwaaho luwa choku luha vantu vaangi.

10A ka mwiini ku vala iilyi ingolo? 'Ivwe lyi vava kaani vazaaki, njoolyo lyi chilyi vaa pangwa ivwe lye chiyerokezo. 11Iichi chizwa kwa Simwiine, mmi mane chilotu mu menso eetu."' 12Nni va zeeza ku sumina Jeeso, mmi hape choku tiya vuungi vwa vantu, ka kuti vava lyemuhi kuti a vaalyi kuva ghuviriza. Lyiinu mpu vava mu siyiri cho kulyi yeendera.

13Chiinga va zwaaho choku mutuminiza vamwe va Vafarasayi nne veena Heroda kwaalyi kuka mu cheesa cha manzwi. 14Mmi chiinga va sika choku mucho kuti, "Muruti twiizi kuti ko wiina indava nne kuti muntu zumwe u tiinzi, mane hape u hiinda vantu choku lyikalyikana. U ruta che inzira ye IREEZA cho vusakusima toota. A kwiina kaha mulawo kuti tu ruwere mutero kwa Kaisharana kamba kaku shiyeeme? Tu ruwere kamba saanzi tu ruweri?" 15Mmi Jeeso nne ziva vuitimukanyi vwaavo choku vacho kuti, "Muni lyikira inzi, Mu lyeete kunu ipeeni iilyo kuti nni woolye kulyi vona."

16Choku lyeetera Jeeso lyi mwiina. Choku vacho kuti, "Ku lolyeka nne mungolo waani iizi ziina aha?" Aavo nni vaacho kuti, nza Kaishara." 17Jeeso cho kucho kuti, "Muhe Kaishara zintu zaakwe, nne IREEZA mu muhe zaakwe." Nni va mukomokerwa voonse.

18Lyiinu Vasadukayi, vati ka kwiina ku vuuka kwa vafu, nni veeza kwaalyi. Nni va mu vuuza, nni vati, 19"Muruti, Mushe ava tu ngolyeri, 'Haiva mukulwomuntu waa fwa choku siya muihaavwe, nni ku seena mwaana, mwaanche u lukeere kuti a sese muka mukulwe, nne kumu zaalyira vaana.'

20Ku veena vaanaswiisu va vaalyi ku mana iyaanza nne toovere, we intaanzi choku sesa choku fwa nna seena vaana. 21Ku zwaaho wo vuuveri nnaaye choku mu sesa choku fwa nni ku seena vaana. Nne wo vuutatu nnaaye nni kwaa swana. 22Mane nne woku mana iyaanza nne toovere nna vula ku siya vaana. Ku mamanimani a teni mukulwaakazi nnaaye choku fwa. 23Muku vuuka kwa vafu, chiva vuuka, ka yive mukaani? Ka kuti voonse va mana iyaanza nne toovere vava musesi."

24Jeeso cho kuti, a ka heena iilyi ivaka lyi chita kuti muziyerehe, ka kuti ka muiizi mangolo mane nne ziho ze IREEZA? 25Vuti kuti hava vuuswa mu vafwiire, kava sesi kamba ku seswa, mmi vulyo chiva swana nne mangiloyi ku iwulu.

26Mmi kuya cha vafu va vuuswa, a ka mwiini ku vala mu ivuuka ya Mushe, yi waamba kaha chikwa, IREEZA choo waamba nnaaye nnaati, Njeeme IREEZA wa Aburahama nne IREEZA wa Isaka nne IREEZA wa Jaakovo? 27Ka heena IREEZA wava fwiire, mmi IREEZA wa vahala. Mu ziyerehete ku ziyereha toota.

28Wu mwiina wa Vangolyi a veeza cho kuiiza ku zuwa ziva vaalyi ku waambolyinsaana; choku vona kuti Jeeso wa vee tava nenza toota. "Nna mu vuuza, Njo wuhi mulawo mukaando ku yoonse?" 29Jeeso choku itava, "Mu kaando ku yoonse njoowu, "Mu zuwe, Isiraere, Simwiine IREEZA weetu, Simwiine wu mwiina. 30U lukeere ku suna Simwiine REEZA waako che inkulo yaako yoonse, cho luhuho lwaako loonse, che ingana yaako yoonse, mane nne che ziho zaako zoonse.' 31Wo vuuveri njo uwu, 'U lukeere ku suna zumwe muntu mo ulyi suniine.' Ka kwiina wumwe mulao hape wu zaamba iiyi."

32Mu ngolyi nnaati, "Muruti, yoo shiyeeme! Wa waamba nenza kuti IREEZA wu mwiina, mane nne kuti ka kwiina wumwe kwaandaakwe. 33Ku mu suna che inkulo yoonse nne che ingana yoonse, nne che ziho zoonse, mane nne ku suna zumwe muntu sina mo ulyi suni, chintu chi zaambira kulye ineo zoonse ze chitavero nne zitavero." 34Mmi lyiinu Jeeso chiinga a vona kuti we itava nenza, choku mucho kuti, "Ko wiina kulye mu muvuso we IREEZA." Chiinga kwaa zwaaho nni va ziimika kumu vuuza indava nnaangati yi mwiina vulyo hape.

35Mmi Jeeso nne tava, cho usi kweete ku ruta mu itempere, nnaati, "Lyiinu Vangolyi va waamba vulye chi vacho kuti Kirisiti mwaanaswiisu wa Daafita? 36Daafita iiye, cho wiina mu luhuho lu jolola a vaati nnaati, 'Simwiine nnacho simwiine waangu, "wu ikalyire ku iyaanza lyaangu lya malyo mbwiita china panga zira zaako kapura kaako ka mateende.' 37Daafita iiye mwiine u mu suumpa kuti, 'Simwiine' Lyiinu mesiya u woola kuva vulye mwaanaswiisu wa Daafita?" Vuungi vuungi vwa vantu nni vwa muteeka choku saanga.

38Muku kutaza kwaakwe Jeeso nnaati, mu lyiise Vangolyi, va saka ku yeenda nni va zweete zizavalo zilye nne kulyi rumeresa mu misika, 39mane cho kuva nne zipura za maziimo mu mazuvo e ituto nne meikalo a maziimo kuiina mikiti. 40Ku zwaaho va vwavwanga mazuvo a vafwiirwa, mane choku rapera nne itapero inde kuti vantu vava vone. Ava vantu kava taambulye ku nyaanswa ku kaando."

41Lyiinu Jeeso nne ikalyira ku yimwe imbalyi ye iputukesi yi viikwa malyi mukati ke itempere; choku lolyerera vantu chiva kweete ku sohera malyi mu iputukesi. Vantu vaangi vahumi nni va zwiisa malyi makaando. 42Ku zwaaho cho kuiiza mukulwaakazi wo muhumanehi wo mufwiirwa choku viika mwa teni tuwayawaya toovere, tu lyikana ipeeni.

43Mmi nna suumpa varutwana vaakwe choku vacho kuti, "Cho vusakusima nni mulwiirite, uuzu mufwiirwa wo muhumanehi nje chaa viika mukati ke iputukesi ku zaamba voonse vaa viika. 44Ka kuti voonse vaa zwiisa he iwulu lyo vuungi vu veena naavo. Vulyo uuzu mufwiirwa iiye, kuzwa mu vuhumanehi vwaakwe, waa zwiisa malyi oonse eena nnaawo oku halyira ha teni."

131Jeeso hava ku kaya buyenda, kuzwa kwi tempere, umwina wava lutwana, cha wamba, ''Muruti, vone mabwe mwali malotu, ni mazuvo mua li malotu!'' 2Cha mu wambila, ''Ubwene iyi mizako mikando?'' Kakwina i bwe lyese ni lyi shale ha lyimwi, lyeseti nilyi siiwe ha limwi lyeseti nili ñatolelwe hansi.''

3Haava kwi kere he ruundu lya mutete lyi lolete i tempere, Pitolosi, Jakovo, Johani ni Andariya chiva mu vuza che kunutu. 4''Tu wambile, izi zintu kazi pangahale lili? Zi supo nzi zitu lukere kuvona heva izi chi zina hafwihi niku pangahala?''

5Jeeso cheza kutanga kuwamba ku valyi, ''Mu mamele kuti zumwi muntu sanzi a mi chengeleli ni ku mi twala kule. 6Vungi mu veze mwi zina lyangu ni kwiza kuwamba, 'Njeme iye,' mi muva yembulule vangi.

7Ha mu zuwa ze kondo, ni ma hulyuhulyu e kondo sanzi mu vileli; inzo zintu zi lukere kupangahala kono ma mani mani kaeni kusika. 8Cho kuti i kanda mwi lwise i kanda, muvuso ka u lwise mu vuso. Ka kuve ni zikinyeho mu zi vaka zimwi ni zala ingi. Awo njeme ma tangilo a ku sasama kwaku hyuzumuka.

9U ve u mu mameli wako u mwine. Mu vaka mi twale kuva si tutengo, mi kamu ka kavolwe mwi muma zuvo e tuto. Mu mu zimane ha vusi bwa va yendisi ni malena ke vaka lyangu, kaive i kande kuvali. 10Kono pili linzwi lya mulimu lyi lukere ku ku taziwa mwi kanda zose.

11Ha va mi sumina niku mi twala, sezi mu vilelezwa zete muwambe. Ka kuti mweyo inako zeti muwambe kamu zi hewe; Kese i ve njenwe mu wamba, kono Luhuho lu Njolola. 12Mwana wamu swisu ka twale mwana muswisu kwi fuu, mi vesi mwana wa muswisu. Vaana va tanga ku zimana ni kulwisa bashemi va vo, niku va twala kuti va bwikwa kwi infuu. 13Mu mu toiwe kubatu vonse ivaka lye zina lyangu. Kono yese nyande hesi kuma mani mani, unzo muntu ka tuswe.

14Chini mwa bona china ikwe ni chi sinya chi zimene ha chisa swaneli kuzima( va vala va zuwi sise), mu siye avo vena mwa judea va tilile mu ma ruundu. 15Mu siye uzo wina he wulu lye zuvo sanzi a voli mwi zuvo kapa ku zwisa cimwi mwa teni, 16mi mu siye wina mwi waa, sanzi abolyi kuka hinda i jasi.

17Bumai kwavo be minsi mwe yo i nako kapa vanyosa keke. 18Mulapele kuti mwendi sanzi i pangali he peho. 19Kakuti ka kuve ni manyando makando, aseni kuvonwa kutanga ku matangilo, mulimu ha bumba i kanda konji hanu, aa, hape kese ni ku ve vulyo. 20Hesi mulimu cha fwihaza mazuva hape, kakwina muntu yese na tuswe, Ke vaka lyi va ketetwe, avo vava keti ava fwihazi i palo ya mazuva.

21Lyinu heva zumwi cha ku cho kuti, 'Vone uzu nji yena kiresite!' kapa 'Vone, zuna hana!' Sanzi u zumini. 22Kakuti va kiresite va mapa ni vapolofita va mapa muva keze kuku chengelela, heva kuwoleka niva ketetwe. 23Mu tokomele! China mi wambila izi zintu niku sina i nako.

24Kono manyando e yo inako chi a mana, izuva mulisihiswe, mwezi kese u vonise i seli lya teni, 25i kaani muzi we kwi wulu mi maata ena kwi ulu ka nyanganiswe. 26Lyinu kava vone Mwana Muntu na keza muma kompe ne maata ne kanya ingi. 27Mi ka tume mañeloi akwee mi ka kopanye hamwina ba ketetwe, kuzwa muma neku o nee, ku ma mani mani e kanda ne wulu.

28Muli tute chimwi kwi samu lye bbola, Haho mutavi hau huvahala a tanga ku zwisa makova, mwi ziva kuti i mbumbi ciina hafwihi. 29Mi lyinu hamu vona i zi zintu nizi pangahala mwi zive kuti cho wina hafwihi, ha fuhi ne mulyango.

30Ka busakusima nimi wambila ulu lu zuvo kese lu fwee inzi zitu nizi seni kupangala. 31I wulu ni hasi kazi fwe, kono mazwi angu kese ni a fwee. 32Kono ku amana nelyo izuva, iyo inako, kakwina yo wizi, nanga mañiloi, ni Mwana kono Vesi.

33Mu tonde! Mu lolelele, kakuti ka mwizi kuti inako nzi. 34Ku swana iri mukwame yo yenda mumu musipili, u siya i zuvo, niku vika bahikana kuti vamamele iyo i zuvo. Zumwi ne zumwi ne mu beleko wakwe, ni ku laela mulibeleli kuti a tonde.

35Niha kwina bulyo mutonde! Kawizi kuti simwine we zuvo u sika i nako nzi. Kapa citengu, ha kati ka masiku, mukombwe ciwa lila, kapa kakusasani. 36Heva mweze haho, sezi u aku wani no lele. 37Zini wamba kwako, ni wamba kuvose. Tonde!''

141Mane chiyi vaalyi mazuva oovere kuti ku zambulukwa nne mukiti we chinkwe chi seena chiviriso, vapurisita vakulwaana nne vangolyi chi va vaalyi ku kweete ku zeeza nenza muva woola kumu woonda mane choku mu ihaya. 2Ka kuti va vaalyi kucho kuti, "Kwaanda o luzuva lo mukiti, kuti saanzi kuvi nne munyunga mukati ka vantu."

3Jeeso cho u siina mwa Betani mu inzuvo ya Sayimoni yoo lwaala imbingwa/chiseenda, chaa vaalyi ku kweete ku ikala he itaafulye, nni kwe iza mukulwaakazi kwaalyi nna ka kweete inkooma ya mafuta a dura a hulu, yi vaalyi iraangu lyi jolola. Nna pwachula inkooma cho kulyi mu itira mu mutwi waakwe. 4Mmi vamwe aavo choku veenga. Choku taanga nni va waambinsaana nni vati, 5"Ivaka iinzi ilyi lyoku zenenga kuka sika aaha? Aa mafuta nni a va woolyi ku wuzwa cha malyi a woonda miyaanda yoo tatwe, ku zwaaho choku heewa vahumanehi. "mane choku taanga ku mulwiisa.

6Mmi Jeeso cho kucho kuti, "Mu musiye, mu mu katalyekezaanzi? Chaani pangira chi shiyeeme ku imbalyi zaangu. 7Vahumanehi mwiina nnaavo inako zoonse, mane hape chi musaka kuva pangira vulotu, mu woola kuvu va pangira, mmi iime keeti nni muve nnaame inako zoonse. 8Waa panga chaa woola: we itirira muviri waangu ku wuungwa. 9"Cho vusakusima nni mulwiirite, kumwe nne kumwe kweeti nni ku waambwe mulayeza mu inkaanda yoonse, cha chaa panga uuzu mukulwaakazi kachi ku waambwa choku mulyi kumbulusa."

10Lyiinu Judaasi Isikariyota, zumwe wava veena ikumi nne toovere, a vaa yeendi ku vapurisita vakulwaana kuti a woolye kumu va wuzukiza choku mu vaha. 11Mpaaho vapurisita vakulwaana chiinga va zuwa vulyo, nni va saanga mane choku mu sepisa ku muha malyi. Ku zwaaho lyiinu mpua taangire ku saka ku waana chivaka choku mu vaha.

12Mu izuva lye ntaazi lye chiinkwe chi saa viriiswa, chiinga va panga chitavero che imberere yoku zambuluka, varutwana vaakwe choku mucho kuti, "U saka kuti tuye kuhi kutu woola kuka ku vaakanyeza zilyio zoku zambuluka nne koo woola kuka zi lyiira? 13Choku tuma voovere va varutwana vaakwe choku vacho kuti, "Mu kwiiya mu muzi mukaando, ku zwaaho mumu waanane nne mukwaame yoo hiindite iyeemere. Mu muichirire. 14Mu inzuvo yeeti a ke injire, mu muichirire mo moomo choku kacho si inzuvo kuti, 'Muruti ucho kuti, inzuvo yaangu yeeti nni lyiire choku zambuluka nne varutwana vaangu yiina kuhi?'"

15Mwa a ka mutondeza inzuvo inkaando yi kulyitwa nne kuti yi tendeswa, muka tu shiyamiseza koo kooko." 16Varutwana nni vaa zwa choku yeenda ku muzi mukaando. Mmi nni va ka waana chimwe nne chimwe chiina siina mwa a va valwiiri. Ku zwaaho choku ka vaakanyeza zilyio zoku zambulukwa kwa teni.

17Chiinga yaa va chiteengu, nneza nne veena ikumi nne toovere. 18Chiva veena he itaafulye nni valyia, Jeeso nnaati, cho vusakusima nni mulwiirite, zumwe weenu yoo kweete u lya nnaame mwa a ni wuza." 19Wumwe nne wumwe waavo choku taanga ku mucho kuti, "cho vusakusima ka heena imme?"

20Jeeso choku itava choku vacho kuti, "nje zumwi wa veena ikumi nne voovere, yoo suunsa nnaame zilyio mu kasuva. 21Nni ha kuva vulyo mwaana wo mukwaame ku yeendete ku mu pangahalyire siina muku ngolyetwa chaakwe. Mmi ku mayivite uuzu mukwaame iiye yeeti nna wuza Mwaana wo Muntu! Ku vaa shiyeeme kuti kalyi uuzu muntu nna sana a vaa zaalwa."

22Chi va sii kweete kulyia, Jeeso choku hiinda chiinkwe, ku chiha mikonde choku chi ghamoona. Choku vaha nnaati," Mu hiinde iichi. Uuwu muviri waangu. 23Nna hiinda inkomoki, cho kulyi tumera, ku zwaaho cho kuyi vaha vonse cho kuunywa mwa teni. 24Choku vacho kuti, "Aa nje malaha oku zuminzaana kwaangu, malaha e itikira vaangi. 25Cho vusakusima nni mulwiira, keeti nni nni nywe hape iichi chihantu cho muwoomba mbwiita chini nna chinywa chihiya hape mu muvuso we IREEZA."

26Chiinga vaa mana ku ziimba luziimbo, cho kuzwa choku yeenda ku iruundu lye ziteente. 27Jeeso choku vacho, mu vonse mumu nni tiyire che ivaka lyaangu, ka kuti ku ngolyetwa, 'ka ni kave mulyisani mmi imberere choku hasana.'

28Mmi chini naa vuuswa, ka ni yeende ha vusu vweenu kuya kwa Galaliya." 29Pitorosi choku mucho kuti, " nnaangati voonse kava ku tiyiire imme keeti nni ni ku tiyiire."

30Choku mucho kuti, "Cho vusakusima nni kulwiira, mwa anu masiku, unkombwe nna seeni ku lyira koovere, mmo kuni lyi sampwiire kootatwe." 31Mmi Pitorosi nnaati, nni keeza kuku lyiku sampula vulye, ka nni keeza kuku fwa nnaawe." Voonse choku sepisa ku swana.

32Va veeza ku chivaka chi suumpwa Getesimani, Jeeso cho kucho varutwana vaakwe, "Mu ikalye a ha chini sii rapera." 33Choku hiinda Pitorosi, Jaakovo nne Johani choku zwa nnaavo, choku taanga ku wiirirwa nne ku katazeha a hulu. 34Choku vacho kuti, "Luhuho lwaangu lu zuwiire vutuku a hulu, muni woola kufwa. Mu shaalye aha nni mulyiisiiza."

35Jeeso nna ya ha vusuzana, choku wa, choku rapera kuti kambe nni ku woolyeka, iichi chivaka chichi ni hitirira. 36Nnaati, "Abba, Taayo, zintu zoonse zi woolyeka chaako. Zwiisa iiyi inkomoki kwaangu. Mmi nanta choku suna kwaangu, mbwiita chaako vulyo."

37Nna ka voola cho kuiiza ku vawaana va lyeere, cho kucho Pitorosi, "Sayimoni u lyeere? Nnaangati inako yii mwiina vulyo yaku kaanga kuti uyi yiiza? 38Mulyiisa nne ku rapera kuti saanzi mu injiri mu mulyiko. Luhuho lu sunite, mmi inyama iiyo inkata." 39Ku zwaaho nna zwa hape choku ka rapera, nna tendesa manzwi a swana.

40Hape cho kuiiza kuva waana va lyeere, ka kuti menso aavo chi a vaalyi kulyema mbwiita nni va seezi kuti muva mu itave kuti inzi. 41Cho kuiiza lo vuutatu nna vacho kuti, "Mu sii lyeere nne ku lyiteeka? Chi kwe injiha! inako chi yaa sika. Mu vone mwaanasiisu wo mukwaame cho yeenda a wuzikizwa mu maanza a va fosaheere. 42Mu vuuke, tuyeende. Mu vone, yoo nni wuza cho wiina ha fwihi."

43Cho usi kweete ku waamba, Judaasi, zumwe wa veena ikumi nne toovere, choku sika, nnena nne vantu vaangi nni va ka kweete mafulo nne inkolyi, kuzwa ku vapurisita vakulwaana, nne vangolyi, nne vakulwaana. 44Mmi lyiinu iye siku mu wuza nna vaha chitondezi, nnaati, "Iye yeeti nni xhoote vulyo wiizi njeeye. Mumu woonde choku mu hiinda choku ghava." 45Judaasi chiinga sika, choku hweera nneza kwa Jeeso, nnaati, "Muruti!" Mmi choku mu xhoota. 46Mpuva mu wondeere choku mu hiinda.

47Mmi lyiinu zumwe yaa veena nnaavo nna somona ifulo choku tema kutwi ko muhikaana wo mupurisita mukulwaana. 48Jeeso cho kucho kuti, " mu ka nni iziriire mane iiri mu kee ziriire musa, cha mafulo nne che inkolyi kuiiza kuni woonda? 49Chini vaku siina nnaanwe izuva nne izuva mu itempere nni nni ruta, ka heena muva nni woondi. Mmi iichi chi pangahalyira kuti mangolo e izuzirizwa." 50Ku zwaaho lyiinu aavo va veena nne Jeeso mpuva ngombweereere choku mu siya yeeyeena.

51Mu lombwaana yaa va mu shaalyiire, yaa va zweete ijira vulyo lyoolyoona, nni va mu woonda, 52mmi ku zwaaho iiye nna va shotomoka choku ngombola cho kuzwa ha teni nna sa zweete.

53Nni va twaala Jeeso ku mupurisita mukulwaana a hulu. Mmi koo kooko nni kwa ka kunganera vapurisita vakulwaana voonse nne vakulwaana nne vangolyi. 54Pitorosi iiye nna ka shaalyiire ha masulyezana, vulyo ku irapa lyo mupurisita mukulwaana a hulu. Nne ikala nne va shaangavira, vava zootete mulyiro ku lyika kulyi tukutiza.

55Mmi lyiinu vapurisita vakulwaana nne va yerezi va vajuda va vaalyi ku saka vupaki voku mu hambiriza Jeeso kuti va woolye kumu ihayira ha teni. Mmi nni va vula ku waana nnaangati vu mwiina. 56Mmi vangi va hambirizi nni veeza kumu hambiriza, nni ku seena chimwe mwa teni vulyo chi wiirinzaana.

57Vamwe nni va ziima nnaavo choku mu hambiriza, nni vaati," 58Tu vamu zwiiwi nnaati, ' Ka ni rutunune iiyi itempere yi va pangwa cha maanza, mmi ku zwaaho njeeti nni nni pange yimwe yi sana yiva pangwa cha maanza." 59Mane nnaangati aho hape vupaki vwaavo nni vwa vula ku zuminzaana.

60Mu purisita mukulwaana a hulu nna ziima mukati kaavo cho kucho Jeeso nnaati, "Ka wiina choku itava ha teni? Ziinzi iizi ziva kweete kuku hambiriza?" 61Mmi nnalyi toontolyeza nna vula ku itava chimwe ha teni. Ku zwaaho hape mupurisita mukulwaana a hulu nna mu vuuza nnaati, "A njoowe Kirisiti, mwaana wa yo wiina Mikoonde? 62Jeeso nnaati, "njeeme. Mane kamu vone mwaana wo mukwaame nne ikeere ku iyaanza lya malyo lye ziho ze IREEZA nna keeza cha makope e iwulu."

63Mu purisita mukulwaana a hulu nna halula zizwaato zaakwe nnaati, Aa tu sii saka vamwe vapaki hape? 64Mwaa zuwa matuka. Lyiinu mutiinzi?" Mmi voonse nni va mu nyaansa choku swanerwa ifu. 65Vamwe mane choku taanga kumu swiira nne ku muwuumba nne ku mukava nni va mucho kuti, "Porofite!" Vaveresi nnaavo choku muhiinda choku mukava.

66Lyiinu Pitorosi choo siina haanze mu irapa, zumwe wa vahikaana kazana vo mupurisita mukulwaana nneza kwaalyi. 67Avaati nna vona Pitorosi nna kweete ku zoota mulyiro, mmi nna mu lolyerera a hulu. Mmi lyiinu nnaati, "Nnaawe saka wiina nne Jeeso wo munazareta." 68Ku zwaaho nna kanana nnaati, " Ka niizi mane nne kuti koto u waamba che chiinzi." Chiinga a zwaaho nna zwiira haanze mu irapa.

69Mmi hape nno uukooko mukazanaana wo muhikaana nna a ka lwiira vantu kwa teni, "Uuzu unkosi zumwe waavo!" 70Ku zwaaho nna lyi kanana hape. Ka vakazana vulyo ho hwaaho vantu va veena ha teni nni vaacho Pitorosi kuti, "Cho vusakusima uu wumwe waavo, ka kuti u mwiina Galaleya."

71Mmi nna taanga ku tukana nne ku koonka, "Ka nnizi uuzu muntu wumu kweete ku waamba ka haakwe." 72Ho hwaaho vulyo mukoombwe choku lyira lo vuuveri. Ku zwaaho Pitorosi choku kumbulukwa manzwi a Jeeso a vaati nna mulwiira: "Piri inkuku nni yi seeni kulyira lo vuuveri, mmo kuni lyi sampwiire kootatwe." Choku taanga ku sikooka nne kulyira.

151Kakusasana luli bapurisita bakulwana choku kopana hamwiina ne bakulwana ne bañoli mi ne chikota chonse cha Majuda. Linu chi basumina Jesu ni ku mutwala. Chi ba mu tambika kwa Pilato. 2Pilato na mu buza,'' Njiwe u Simwine wa Majuda?'' Cha mwitaba,'' Uwe njo wamba bulyo.'' 3Bapurisita bakulwana ba bali ku hambiza Jesu milandu mingi.

4Hape Pilato cha mubuza, ''Ko ni tabi ? Bone milandu ku bungi yi ba leta ni ku ku hambiliza!'' 5Kono Jesu kana abali ku chi mwi taba Pilato, mi iyo ndaba ni ya mukomokisa.

6Linu mu inako ya mukiti Pilato a bali ku lukululanga chifosi yenke, chifosi chi babali ku li kumbililanga. 7Mwateni ni basandukile muntolongo,mukati ka behayi ba bakwatilwe ka kuba ni chiyemba mu kusandukila, kubena mukwame ya bali ku sumpwa Banabasi. 8Bungi bwa bantu chi bweza kwa Pilato mi chi ba tangisa ku mu kumbila ku ba pangila sina mwa ba pangililanga inako yonse.

9Cha be taba Pilato mi nati kuti, ''Musaka kuti ime ni mi lukululele Simwine wa Majuda?'' 10Kakuti a bezi kuti i bali che baka lya muna bapurista bakulwana ha ba ba hi Jesu kwali. 11Kono bapurista bakulwana chi ba shongeleketa bungi bwa bantu kuhuwa ahulu kuti Banabasi a lukululwe.

12v 12 Mi hape Pilato cha ba buza nati, ''Mi linu Simwine wa Majuda iye ni mu chite bule?'' 13Hape chi ba huwa, ''Mu kokotele!''

14Pilato cha ba wambila, ''Bufosi nzi bwa tenda?'' Kono chi ba huwa ahula ahulu, ''Mu mu kokotele.'' 15Ka kuti Pilato abali ku saka ku panga bungu bungu bwa batu mu bu bali kusakila, mi cho ku lukulula Banabasi. Cha shupa Jesu mi ni ku mubaha kuti ba mu kokotele.

16Masole chi ba mutwala mukati ke ilapa (mu inkaamba), mi chi ba sumpila masole bonse hamwina. 17Chi ba zwatika Jesu chizwato chisubile mi chi ba zingela ihusi ya miya mi chi bai mu zwatika ku mutwi. 18Linu chi ba tangisa ku mu lumelisa ni bati, ''Osho, Simwine wa Majuda!''

19Chi ba mukaba ha mutwi ka luhe ni ku muswila. Ba ba kuchola mazwi abo habusu bwa kwe ku mukuteka. 20Mi linu ha chi ba mana ku mushubula, chi ba mu chupula chi zwato chi subila ni ku mu zwatika za kwe zi zwato, mi linu chi ba mu zwisa ku mutwala ku ka mu kokotela. 21Chi ba bika ya bali kulihila fela mu musebezi, ya bali ku ka zwa mu nkanda, mukwame ya bali ku sumpwa Simoni wa Sirene (isi wa Alexander ni Rufusi); chi ba mu hambiliza ku kulika cifapano cha Jesu.

22Masole chi ba twala Jesu ha cibaka chi sumpwa Gologota i talusa kuti Cibaka cha kaghovolyi. 23Ni ba mu ha waine ikopenywe ni shantukwe, kono ka hena a ba inywi. 24Ni ba mu kokotela mi ci bali kauhanyeza zi zwato za kwe ka ku sumikiza kwi ziba kuti uzu lisole ni lisole ka hinde nzi.

25I bali ke nako ya butatu ha ba mu kokotela . 26Ha chishupo ku ba ñoletwa indaba za ku mu lwisa, ''Simwine wa Majuda.'' 27Ku ba kokotelwe naye basa bobele, umwina ku malyo mi zumwi ku ma monso akwe. 28Mi inolo ni le zuzilizwa lita kuti a be haiwa ni zifosi.

29Abo baba kuhita baba ku mutuka, ni ba nyunga mwi twi yabo mi ni bati, ''Ehe! U bali kuti no ba lutununi itempele ni kui zaka hape mu ma zuba o tatwe, 30U lihaze u mwine mi uzwe u suke ha chifapano!''

31Mu nzila iswana bapurista bakulwana ba bali ku mushubula mukaati kabo nabo, hamwina ni banoli ni ba cho, ''A bali kuhaza bamwi, kono iye ka lihazi mwine. 32Musiye Kilesite, Simwine wa Isilaele a zwe a suke ha chifapano hwa hanu, kuti tu mu bone mi tu zumine.'' Mi ba ba kokotelwe naye na bo ba bali ku mu sheununa.

33Mi nako imane iyanza ha ikwana, keerima nni kaa wuumba inkaanda yoonse mbwiita che inako yoku mana iyanza ni tone. 34Mi inako ya kumana iyanza ni tone, Jesu cha huwa ka linzwi li zuweka ahulu ''Eloi, Eloi, la masabakatani?'' I talusa kuti, Ireeza Wangu, Ireeza wangu, Wani siila nzi?'' 35Bamwi kwa ba bo ba ba ku zimena he mbali, chi ba zuwa mi ni bati, ''Mubwene, cho u sumpa Elia.''

36Zumwi cha tiya, ku kahinda chiponchi ku chitila i waine i chanchumuka, cha chi bika ku mpela ya luhe, mi chi ku muha kuti a nywe. Uzo muntu cha wamba kuti, ''Musiye! tubone kamba Elia ukezite kwiza ku mu hangula.'' 37Mi Jesu cha huwa ka linzwi li zuweka ahulu mi cho kufwa. 38Ijira lya mu itempele chi lya haluka tobele kutangiseza ku iwulu kutwala hansi.

39Mi musencharona ya ba zimine na lolete Jesu, ha bona kuti wa fwa mu eyi nzila, cha wamba, ''Cha busakusima uzu muntu ibali mwana wa Ireeza.'' 40Ku bena bamwi banakazi ba ba bwenene kule. Mukati kabo ku bena Maria Magadalena, Maria (inyina wa Jakobo munini ni Josesi) ni Salome. 41Mi habena mwa Galilea ba ba mwi chilile ni ku mu tendela. Bamwi ba banakazi bangi na bo ba ba kezite naye kwa Jerusalema.

42Mi nako ya chitengu ha ya sika, ka kuti li bali izuba lyo mughivero nji kuti, izuba lwe Sabata, ni li seni ku sika. 43Josefa ya ba kuzwa kwa Arimatea ca keza mwa teni. A bali i membala ya bali ku kutekeha we chikota cha Majuda, ya bali ku lindile mubuso wa Ireeza. Na kenjila kwa Pilato kakusa tiya ni ku ka kumbila mubili wa Jesu. 44Mi Pilato cha komokwa ahulu hazuwa kuti Jesu cha wa fwa kale; aba sumpi mukulwana wa masole ni ku mubuza heba Jesu cha ba ku fwile .

45Ha zuwa kuti cha ba kufwile, cha lukulwila chitunta chakwe kwa Josefa. 46Josefa a ba li ku wulite ijira lyi tuva. Cha muzwisa ha chifapano, ni ku mu bungila mu ijira lyi tuva, mi chi ku mulalika mu ikumbu lya ba chakuile mu ibwe. Linu cha pindumwina ibwe mu menjilo e ikumbu. 47Maria Magadalena ni Maria inyina wa Jose ba ba boni chibaka i cho Jesu mwa ba zikwa.

161Izuba lye Sabata ha limana, Maria Magadalena ni Maria inyina wa Jakobo ni Salome, ni ba wula mi nunkiso, kuti ba yende ba ka singe mubili wa Jesu. 2Cho kufuma ahulu kakusasani ku sili kulunza izuba lye ntanzi lye Nsunda, chi ba yenda ku ikumbu izuba ni liseni kuñatula.

3Ba bali kuya bu wambola, "Njeni yeti a katu pindumwiine ibwe kuzwa ha menjililo e ikumbu?" 4Mi haba nyamuna menso, chi ba bona kuti ibwe liba pindumunwa, ka kuti libali ikulu ahulu.

5Ni benjila mu ikumbu mi chi ba bona muswisu ya ba zwete chizwato chi tuba, ne keele ku imbali ya malyo, mi ba ba komoketwe. 6Cha ba wambila, kanji mutiyi. Mu saka Jesu, mu Nazareta, ya ba bambulwa. Waa buka! Ka kwina hanu.Mu bone mu chibaka umo mu baba mulalikite. 7Kono muyende, mu ka wambile balutwani ni Pitorosi kuti mwa yende habusu bwenu cha ya kwa Galilea. Kwateni kwete mu ka mubonene sina ha ba milwili.

8Ni ba zwila hanze ni kutiya mu ikumbu, ba baIi ku chachalika ni ku komokwa. Ka kwina chi ba ba wambili zumwi kakuti ba bali kutite ahulu.

9Kakusasana luli mu izuba lye ntanzi lye Nsunda , kuzwa ha kubuka, a ba boneki lwe ntanzi kwa Maria Magadalena, iye ya ba zwisize badimona bena kumana iyanza ni bobele kwali. 10Cha yenda ni ku ka wambila a bo ba beena nabo, ha ba sina mukufwilwa ni ku lila. 11Chi ba zuwa kuti u hala mi a ba li bonahazi kwali, kono kahena ba ba zumini.

12Mi izi zintu hazi mana ca bonahala mu mu ikalilo umwi ku bobele ba bo, ha ba bali ku zwa hanze ye nkanda. 13Chi ba yenda mi chi ba ka wambila balutwani bakwe bonse, kono ka hena baba ba zumini.

14Ku zwaaho Jeeso cha boneka ku bene kumi ni umwina, ha baba ku ikela ni ba zimbulukite itaafule. Cha ba nyansa choku saa zumina kwaabo ni ku zuminina kwe inkulo. Ka kuti ka hena baba zumini abo ba ba muboni ha buuka ku bafu. 15Cha ba wambila, "Muyende munkanda mukutaze linzwi, mu inkanda yonse. 16Iye yo zumina mi choku kolobezwa, kahazwa, mi uzo ya sete a zumine kahewa mulandu.

17Izi nje zishupo zete zi yende nabo ba zumina: mu izina lyangu ka ba zwise badimona. Ka ba wambe mu mishobo mihya. 18Muba toole inzoka cha mayanza ab , mi ni heti ni ba nywe chonse chihaya kete ni chi be ihaye, Ka ba bike mayanza he iwulu lya balwele, mi ka ba hole."

19v 19 Simwine chinga mana ku wamba ku bali, choku hindilwa ku iwulu mi choku ke ikala ku iyanza lya malyo lye Ireeza. 20Balutwani chi ba yenda ni ku ka kutaza konse konse, mi Simwine cha tenda nabo, mi ne cha kooza linzwi che imakazo zi bali kuyenda nalyo.