1 Makorinte

11Paulusi, mata beruwa ku Jeso Keresite atikya abe mu apositora, shuku rusuno ku Rwezya, ni Sosetane mulikani etu. 2Kwi Kereke Urezya mo Korinte, ku bapa ibata Chenisa sha Jeso keresite, ibata beruwa kuba abato baba chena. hape tati ñera kowo ibati bera lina Shikati Jeso Keresite muzi baka kozo, ku Shikati awo indi yuywetu. 3Shishemo indi kozo ibe nanwe kudzwa ku Urezya shetu indi Shikati Jeso Keresite.

4Ndati kyitisa wu itumero ku Rezya shayenwe shuku tikya shishemo shu Rezya shi Jeso Kerisite amata nipa. 5Mata ni panga bafumu muzi njira kozo, muzu hweta indi mwi ngana. 6Tandi shuwu paki wa Keresite shiwata tishirwa atikya ingi njahamu mokunwe.

7Cwarehe kuku zupuwa zeziqxa zina rakyini hape yenwe nalindiri ku mweniswa za Shikati etu Jeso Keresite. 8Hape mbwani gise ku twara mameni sizi, atikya shani siye ku nyazuwa muliba lya Shikati etu Jeso Keresite. 9Urezya ana itumero kapa kusepahara, yamani beri mwi kopano a mwana kye, Jeso Keresite Shikati etu.

10Pani ndatini rungira, balikani, shilina lya Shikati Jeso Keresite, shuku tikya kwenu natishiri, atikya kusiye kuba ni kauhano mwikyo lyenu. 11Ndati rungira atikya ni njene ni kopano mwi ngana ixikyi indi maikuto.

12Hape yata bikuwa puru kandara ku mye, balikani, kwa bato ba Koloe ibana mwikyo lyenu. Ndata tarusa atikya: kwekye ya kutikya, ''Ndina ni Paulusi,'' kapa ndina ni Apolosi,'' kapa Sefasi,'' kapa ndina ni Keresite. 13''Jeso mukawu hana? Paulusi mata kokoterwa shayenwe? Nata korobezwa mulina lya Paulusi?

14Ndati litumera ku Rezya atikya, kuku yindata kolobeza, tana Crispo indi Gerusi. 15Kopani ku tikya kunjemwa ikaku tikya mata kolobezwa mulina lyanga. 16Hape ndata kolobeza wi njuwo a Sitefani. Kwanda yopa, amanda ku yanakana yuyumwe indata kolobeza.

17Cware Keresite amandi tume kuya ku kolobeza kono kuya ku kutaza evangeli. Amandi tume kuya kuku taza mayi uwu tali wu mutu, atikya shifapano sha Keresite shikare shina mata.

18Ku batifwa wulumiwa wu shifapano ingu wugigi. Kono mwikyo lyuwu Rezya amati tusa, ishi mata Urezya. 19Kwata ñoruwa, ''shandi bbure wutali waba batali. Shandi yalyanga nise ikutusiso ababa tali''.

20babatali kure? Ibali tuta kure? Ibati hweta ahuru kure? Amanda ku tikya Urezya mata ra rumuna wutali wuLyuvu kuwu panga wugigi. 21Nanga wutali wu lyuvu waru ku kalisa kaba yi zire Urezya. kwati tabisa Urezya muwu kutazi wati mwanahara wugigi atikya wutuse bati tishira.

22Majuda baku rungira atikya kwi qxewe zi makazo mi Magerike baku shaka wutali. 23Kono tati kutaza zuku kokoterwa kwa Keresite, i zuto zati tibera ku Majuda indi wugigi ku Magerike.

24Kono kuba Wurezya amata bera, ku Majuda kapa Ku Magerike, tati kutaza za Keresite kakuli ndi wutali Urezya. 25Kakuli wugigi Urezya wati bbara wu mutu, kufokora ku Rezya kwati bbara ku mutu.

26Nilyaye kuku beruwa, balikani. Kakwenu narana wutali wi kutisiso umutu. Kawunji wenu kali nibagi. Kabenji kokunwe ibata pashurwa murusinga rushi shikati. 27Urezya mata keta izuto zezibbi zu lyuvu ku sobisa baba tali Urezya mata keta babaku mata atikya basobise babagi.

28Urezya mata keta ibana peshi indi za kyenduwa mulyuvu. Mata keta izuto zuba yisa atikya zuku muzinamina, kulyeta izuto zibaraxa atikya zibe ni wima. 29Matarasi zopa kozo atikya kusiye ku shanganeha ikaku bani libaka liku likumusa puwuso wakye.

30Shuzu Rezya amatarasi, pani nina ni Keresite Jeso, yamataba wutali wetu ku Rezya. Yamataba kuku luka kwetu, ku cheniswa indi ku lyuwururwa. 31Shizi nepo, mayi ngatikya, ''nisiye yamatili kumusa ali kumuseze Shikati.

21Shindaya kunwe, bazatanga. yemwa ndiyere kuhweta kapa butali bukuya kutoroka izazlkiwa wuniti wa mulimo, yemwa ndiye ni buqha wowu kuru uwa mayi. 2Kunjemwa shindatiyanakana pundarana nanwe shikutishira ku jeso chresite indi kukokotera kwake.

3Pundarana kunwe ndakufokora, indi kuywapa nanyina. 4Wupaki wake indi zi tuto zakye ya kupwelisa shimayi iwutali,shikutikya tali kumwanahara mupupo wo mugyi. 5Shikutikya itumero akye ka muni ifwene wutali wu mutu,kono watukyo wufwene ni maata a mulimo.

6Shikutikya, tatihweta kwa bato ba baworushika, ka wutali wulivu wopa,kapa iyuwurena, uwulyuvu lyopa. 7Kono tatihweta wutali wa mulimo, wuzikasi iwa tazukuwa,butali wa matalyeta intanzi, mulimo,zinako izahacire kuya kare, yenshwe tibe ni rumoni.

8Kumarena u livu kunjemwa indi muqxiki yayizire shibarayizire,shiba yemwa bakokotere murena mulimo uyu rumoni pushifapano. 9Shina pukwata ñoruwa za mata rukiseza ibatu mushaka, kunjemwa ilyisho ilya tumwana, kunjemwa lyiti ilya tuyuvwa kunjemwa wurubi iwatiyanakana, izito za mulimo marukisa ku bapa ibatu mushaka.

10Zopa izito zama tamwanahaza mulimo kuxswe shimupupo. Mupupo wa kupukura izito kozo indi kusa izito ku mulimo. 11Cware ya yizire u mutu kwanda u mupupo u mutu kokuke. Akyopa, kunjemwa yayizire ishina mwikyo lya mulimo kwanda mupupo a mulimo.

12Yemwa tishangane mupupo uwulyuvu , mupupo uwa mulimo, kwa tilyetiza atikya tumwene izito shuwupuba zitatipewa ku mulimo. 13Tatuhweta izito shimayi atikya wutali wu mutu yemwa wa kuruta, shiwa turuta mupupo kutswe. mupupo wa tutoroka mayi u mupupo indi mupupo uwu wutali.

14Yomuku mupupo wo mucena yemwa kushangana izito izatudzwa ku mupupo a mulimo, cware ba gyigyi kokuke. shikutikya kayizire atikya bana mupupo. 15U mutu uyu mupupo matiyatura izito kozo.kono yeye yemwa akuyaturwa nu mutu. 16I yani i matukwana kuyiba amano a murena.matikwana kurayerera yeye?Tina a mano a chresite

31Popa yeme ,bakwanga kandara kukwana kuhweta kunwe ,shukurutiwa kwa bato shurupupo ,kono shukwatirutiwa wi nyama ,tandi bapundi ba badana kukiresite 2.Ndata ni relisa mashita ,kashi nyama, shilyivaka lyukutikya kanara kuzi kwanisa ,mi nanga i popani yema na kuzi kwanisa ,

3Shi livaka lyukutikya ni shili mbwinyama ,shili baka lyikutikya kuna muuna indi zifapano mwinkyo lyenu ndatitikya nishilyi mbwinyama ,mi natyenda shizisi za bato , 4U yumwe ashi hweta akya yeme injwa pawurusi yu yumwe yeme injwa Apolosi ,esi natyenda shi mikwa ya bato 5,Apolosi iyani ,paurusi iyani ,ba buya ngaho wuna tatishira shawo ,u mutu nu mutu mwama ta mupera mulyumo .

6Yeme ndata kuna ,Apolosi matatyerera ami ,ya matimenisa u Redzya 7,Yana zihweta iyani kanje ya matikuna kapa yama tityerera ,Uredzya ndamati menisa

8Yama tukuna indi yama tityerera i cuto shitsiki ngaho mi uyumwe ni yumwe shapuwe mupuzo akye shukulyikanisa musebezi akye 9,Shukutikya tati sebeza nu redzya ,inwe ndizi mbwa zuredzya inwe ndi miyaho u redzya .

10Shishemo shu redzya ishatapuwa ,ndataradzyini [ mutomo sina ] ndati mudzyinikawo iyi [ sikwara ] mi uyu yimwe yama tidzyini po ,mi mutu ni mutu a mamere mwa matidzina mina 11,Kunjemwa isha radzini ,mutomo tana wundata radzini yeme kiresite ,

12U yumwe pusha kwidzini [ mutomo ] wopa shi gawuda kapa silivera kapa shi macwe ingu wutokwa kapa shi miti kapa shumusuhera kapa kamwange 13,Misebezi u mutu nu mutu she i mwanahare ,shilibaka lyukutikya liva lyatiya i shelimwanahaza sheililimwanahaze shumunduro ,mi munduro she u like musebezi u mutu nu mutu kapa ingahare u sire ,

14Mi musebezi u mutu ushawukara wu yimine , yeye shatambure mupuzo akye , 15Mi musebezi a bato pushi wa kudzywanga u mutu yopa sha sinyeherwe mupuzo akye ,yeye shapalisiwe ,kamuni shapisiwe kumunduro .

16Kani izire akya yenwe nizi tempere zu redzya ,indi kutikya mupupo u redzya una kunwe 17,U mutu pusha kusinya i ntepere yu redzya ,u redzya sha mushinye ,shi livaka lyukutikya i tempere u redzya i ncena , mi tempere yopa i nwe .

18U mutu a siye kuli kitaka :u yumwe kunwe ashi lyumwana wutali mulivu lyopani ,a yarumukye litanya ,na kutikya a yarumuke yana wutali 19,Mi wutalyi wulivu lyopani ,wutanya mwa mesho uredzya kwa tañoruwa ,mati patika va vatali mwa mano awo 20.Kwata hwetuwa uredzya a yi zire mi yanakano ya va vatali akya inji mbango .

21Mi angahopa u mutu asiye kuli rumba sha batu , shi livaka lyukutikya i zuto kozo i nzenu , 22Nanga i pawurusi ,nanga Apolosi ,nanga Kefasi naga Lyuvu nanga wuparo ,nanga rufu nanga i zina ko nanga izi shiya kozo i nzenu. 23Mi yenwe imba kiresite ,mi kiresite inju redzya .

41Abato kowo batilyaye akya,tubavuya ba keresite ,indi zikombwa ze zizi kama za shikati. 2Shati shakahara kuzi kombwa ku baninjahamu.

3Yeme ndicito sheshice kundi yatura kunwe ,indi kwikuta abato, nanga ime ema ndakuliya tura 4. Ema nda kumwana wubbi wanga,nanga ndipakyo ema nda kubikiwa yo muxha shazopa,shikati ndushu ndiyatura

5Nisiye kuyatura izuto inako ka i cire kuya ,ni lindire ,shikati kacire kuya.yushulyeta zazi kama zilyififi muliseli a tandure mihupuro ya mwimeyo a bato .umutu nu mutu shakupewa kuibahaza kwati muswanera.

6Bakwanga ndahweti zopa kume ,indi kubapositola shinguli,atikya niyibe shina kuhweta ,atikya kusiye kuba nu mutu yi matilyikumusa ku babamwe. 7Iyani yi mata kupanga akya u bbare babamwe,Cicwe shikya shuhata pewa, shikya shukulimwana nakati inwe nata zipanga.

8Ni bakuta ,nu bafumu , nati wusa ye tswe kuku tswe, kapa natiwusa,atikya inditswe tu wuse nanwe. 9Shindati mwana nakati Urezya mata tibika kuba maapositola,kuba mulyuxho kumenisiza,nokoti bata yatwirwa kubburuwa tabikiwa lyaiwa kulivu indi mañyirobi ,indi abato.

10Yetswe tubagigi she libaka lya keresite, yenwe ni batali sha kereste ,yetswe tatiliyuvwa kufokora,yenwe nati liyuvwa kugipa,yenwe na yibahara,yetswe tati shuwurwa. 11Kuya inako yopani,nanga titifwa injara indi linata,tubaku zi raro,tata zupuwa nañina, tuba kumasikamo.

12Tati tse kubberika shamanja,bashiti sheka tati fuyora,tishishandiswa tatigipa. 13Indiputati ñyefurwa tati likataza ,tata shutuwa indi ku tapanguwa tandi masira ngulivu.

14Punda ñoru zopa paka kuni swabisisa,kuni remusa tandabana batishakuwa, 15Indipunaba ni maruti ba 10,000 kukereste,nu baku bashenu babenji ,shikutikya ime ndata nipaka sha jeso kereste shiliyi. 16Ndani rapera nindiyerisize.

17Ndanipa timotea mwananga indatishaka, yi mati sepahara kushikati, ani hupulise za jeso keresite.mundati rutira koko mwizi kereke zizimwe. 18Babamwe batalikumusa nakati kandishiya nanwe.

19Zini ndukuya kanga papani shikati ati mati shaka,shandibe ni mai abati likumusa i ndi mata awo, 20Muwuso wuliro ema wa kuya shiliyi kono shimaata 21Shinati shaka kuyakunwe shicupa kapa shilirato,indi shimupupo wu xhumu.

51Kwatayuvwahara liñusa atikya kuna wushashi mwikyo lyawo,wushashi iwahata tishirwa mwikyo aba macaba. Liñusa lyatikya yuyumwe kunwe matukwama ni mukaza bashe. 2Induwe matilyukumusa.shuha tilyira ngaho.Muqxiki imarasi zopa matudzwa mwikyo lyawo.

3Kono yeme ndumuku kumumbiri,kono ndina mupupo,kanda yatura kare imarasi zopa, shindaranako. 4Nakushangana paqxiki mulyina lya murena jeso, Ikare nda yatura u mutu. 5U mutu yopa a pewe mumanja a satani kubburuwe i nyamake,shikutikya mupupo wupalitswe mwi liba lya murena.

6Kulyurumba kwenu kakushiyama.Tama kani yizire atikya mumena womudana wa tukulisa mukamu kowo? 7Nilicenise ku mumena uwakare shikutikya nibe ni mumena wo mupiya.chresite ingu iya kita kwi paseka iyi shitabero. 8Cware titabere mukiti kashimumena u wa kare,mumena uwu mikwa mibbi. kono wube iwecira womuku mumena mucena indi njahamu.

9Ndata niñwera liñoro atikya nise kukopana inda bato ibatipanga wu shashi. 10Yemwa ndakutikya babashashi a bato wu lyuvu kapa kuyimina,babezi,ibatirapera milimo,nisikame shire nawo nidzwe nakwenda mulyuvu.

11Papani ndati niñwera nise kuli pashiyango nabato i matilibera muzatanga kono imatipara muwushashi kapa uwuzi, milimo, imatisinya, kapa zidakwa,babashashi,sa kulya shilyuwa na bato bapa. 12Shikya pundati kopana niku yatura ibana mwi kereki?Cware,u siye kuyatura bapa ibana mwi kyo lyi kereki? 13Kono Mulimo matiyatura bapa ibana kwinje,Ukuse abato bababbi mwikyo lyenu.

61Ati yuyumwe mwikyo lyenu ana muzeko indi yuyumwe asye ku ywapa kwenda ku bana mulyuvu kwenda kuba bacena 2,Kayizire akya baba cena kuti bayature bu lyubu. cware pubati atula bulyubu yemwa bakukwana kusikamisa izito ziwu tokwa? 3Niyizire akya kuti tu ature indi ma ñyiroyi ?,ndi babamwe babenji shuhuru zi zuto tisiye kuzi atura .?

4Cware ati nina muzeko mu wuparo bopa, cware shikya natilyetiza zintaba zopa kwa bato ba baku mu batiberwa muni kerekev 5Ndati hweta akyo nakya niswebye kana kopani nkokunwe kunjemwa wuna wutari yatikwana kuhweta kumurumeri indi yamatipakwa nake. 6Murumeri matizeka ind mugenyake yari murumeri papakati abahari barumeri,.

7Atu yumwe mwikyo lyenwu ana muzyeko indi yu yumwe . Barumeri bata kwama kare kunwe. Shikya pubata ni shandira? Kaniyizile akya baba cena shi ba yaturwe shu livu 8,,ishili nwe natikyezira babamwe bubi bunati kyezira akyopawu nati pakuwa nawo ,bazatuwe

9Niyizire akya bahali baruka baka wumuwuso wurezya? Nisiye kulyi kyitaka, nwe mahure .indi batirapera milimo indi sodoma 10Uwuzi indi batirakaza, zidakwa, bati hwet zezibbi, kitaka babamwe baku kumwana mumuwuso a mulimo 11.Hape babamwe kunwe. Shabikiwa kucena, kukokoterwa indi ku bikuwa shi mupupo wa murimo womucena she Jeso chresite mulimo

12Ezito kozo zina papakiki, kono kakozo zati kwana kuku tusa kapa ku tuseherapo. Izuto kozo zi shiyama kume kono kamuni shandi tishire atikya zindi yendise 13Zuruwa izi wura indi wura uzyu ziruwa ,kozo shikati kuti azimane kozo ,cware mumbiri ka ubuhure kono ugwa urezya ndi muno umu mbiri .

14Urezya yimata tambusa shikati shati tambuse inditswe sha matake 15Yemwa nayibwa kya mubiri enu zirama zimubiri wa Keresite? cware zirama iza Keresite ndizi bike kurihure? Kwati kwanahara!

16Nata nayubwa akya yima tikopana indi lihure mati fetuha kuba mumbiri mukiki indi lihure? Ikimana yatikya. ''Babiri shababe mumbiri muxikyi'' 17.Yima tikopana indi shikati matifetuha kuba mupupo mukiki mumpupo akye.

18Niywape wuhure .. shibi indi shibi shatisi umutu shina papenje umu mbirike yati para shi buhure mati foseza mumbirike ahuru.

19Niyizire akya mubirinye enu i tempre ya mupupo o mucena,watipara kokunwe.,wati zyera ku mulimo and yemwa nati rituwa 20.Kakuri nata wulwa shiteko yati tura.indi kutikya yemwa nakuriyuwa.

71Shintaba ina ma tandi ñwera shinda kuhweta i cini , she kube naqa muñyana a ku sikama ngaho a makupata mukazi. 2Shilyibaka lyikuywapa wu mulyuko ,muñyana ndi muñyana a be ni mukazakye ,I ndi mukazi ni mukazi abe ni bakye ,

3Mi muñyana ape mukazakye izati muswanera ,indi mukazi ape bakye izati muswanera ,mi indi mukazi apange akyopa muñyana . 4Mu mbiri u mukazi u njemwa mu mata akye ,Una mumata a bakye ,shi mukwa i wangahopa mumbiri u muñyana unjemwa muni mata akye ,una mu mata a mukazakye .

5Ni siye kuli yimina ,na kana ati narumarana , , atyi nina i nako i yu kurapera mi ni shusizane ,ta dyaburusi asiye kuni lika , 6Mi pundati hweta akyopa ndati ni panjira wutwere ,ka kunipa murawo . 7Ndara kushakya akya kambe a bato kowo batiba tandi me shi lyi vaka lyukutika u mutu nu mutu mata puwa shuku cincana .

8Ku ba hacire kurowura indi kubakazi i bu zimberwa ,shinda kuhweta i cini wuqa akya balisikamine ngaho tandi me 9.Ati batishitira kuli [ kuma ] kuli pata va rowure ,basiye kubburuwa kuzi takazo .

10Ku varowura , ndati ba rayera kame i mulyumo mukazi asiye ku kawuhana ni bakye . 11Ati makawuhana a lyi sikamine ngaho asiye kurowuruwa ,kapa va lishuse ni bakye akye ,indi munyana asiye kutanda mukazakye .

12ku va vamwe ndati ti kya ,ndati vazira ka shikati , ndatitikya murumeri i yana mukazi iya hatitishira ati matishakya kusikama nakye asiye kumu hindyeka ,asikame nakye 13,Mi mukazi yana muñyana yahatyi tyityishira [ yaha tirumera ] ati masha kusikama nakye a sikame nakye 14,Muñyana ya hatyityishira matyi chenisiwa ku mukazakye ya tishira ,indi mukazi ya hatyityishira matyi chenisiwa ku bakye ya tyishira ,puqu akyopa kambe Avana venu kambe vana masira , mi pani va cena .

15Yaha tyityishira a shishakya ku kawuhana a kawuhane ,murumeli yo muñyana indi yo mukazi zopa yema za kubayama ,Uredzya mata ni vera mwi kozo 16.Mi yewe mukazi u yizire kya kapa shupalise vaye aye , mi yewe muñyana u yizire kya ,kapa mbu palyise mukazwe .

17Fera mwa mata pyera u mutu nu mutu ,mwa mata tibera Uredyza ,u mutu nu mutu ayende akyopa ,ndi shindati rayerera muni zikereke kozo . 18Ati mutu mata beruwa ,mi manjeni muni mupato asiye ,asiye kulipanga nokoti yama njene muni mupato ,ati u mutu ama beruwa kwanda mupato asiye kunjena mo . 19Mupato kashicimwe indi kwikini mupato kashicimwe ,intaba inju kwenda shumurawo wa Urezya .

20U mutu kweke asikame muni wuparo wakye wukarana nawo mwinako pukara ku beruwa 21,Ati mata veruwa akya u umu vuya usiye kubbirayera , mi atyi mati kwana kurukuruha ,u lyi kyetire akyopa 22.Mi mu vuya yama beruwa ku shikati mu rukuruha u redzya , ya maveruwa yo murukuruha mu vuya a kiresite 23,Nata wuruwa shiteko inkuru ,nisiye kufetuha va vuya ba bato 24,Bakwanga u mutu kwekye a sikame mukararana mina mwi nako pukara kuberuwa .

25Mi kuba hacire kurowuruwa ,ndi ,munjemwa i tayero yu redzya ndati tilyeta mayikuto anga ,mi popa ndata shemu buwa ku redzya akya ndi sepahare 26,Cware ndatiyanakana akya wuqa u mutu asikame ngaho mwana mina shilyivaka lyama zyiyezi ingana ko .

27Atyi wa lyi shimina ku murwakazi usiye kulyi rukurura kukye ,Atyi yemulyi shimine kumukazi usiye kushaka murwakazi 28.Mi indi pumatirowura kashibe ,Indi pumatirowuruwa yemu kupanga shibe ,mi i vangahopa sheba ve mumashando ,mi yeme ndasha kuni gusa muni mashando ngapa .

29Mi ndatyityikya bakwanga inako i nfupi ,I bana bakazi vave nokoti vanjemwa wo. 30I batilyira ba ve nokoti yemwa ba kulyira ,va va taba ba ve nokoti yemwa batave ,i bati wura vave nokoti kunjemwa shi ba tsuwa 31. I batilyitukiseza zu lyuvu lyopani vave nokoti yema ba kuli tukiseza ,kakuti wuparo wu lyuvu lyopani i she lyimane .

32Mi shindatishaka inshu kutikya kubbiraera kusiye kuva muni nkyo lyenu , mi yaha cire kurowura mati mamera iza shikati ,musha mutavisiza Uredzya . 33Mi munyana ya rowura mati tokomera mukazakye , musha tabisiza mukazakye 34.Mi mukazi ya rowuruwa indi musizana yaha cire kurowuruwa bati cincana , mi yahacire kurowuruwa mati mamera iza shikati akya ave yo mucena muni mumbiri indi mupupo ,ya rowuruwa yeye mati mamera zulyuvu lyopani , mwatyelyi kutabisiza bakye .

35ndishi hweta akyopani ndati ni tusa ,ka kunipatkya tandi tihweta zopani akya sheshiqxa icire kono kuni twara kuiza tiswanera ,akya ndi kutikya ni bberishire Uredzya kunjemwa ishati ni gusa .

36Mi u mutu ashi yanakana akya icuto i shati swatiswabisa akya u mutu kali mabbarazu lyumo zakye izi kurowuruwa ,mi ati mati mwana akya matiswanera kurowuruwa a kwisi mwamatishashira arasi akyopa ama kupanga shive mi a rowuruwe , 37Mi mushemi yo mugi muni mutima akye ,ko kunjemwa i sha mushimini ,mi ana shibaka shukwisi mwamatishashira iywa ngahopa a shiyaqnakana zukwisi murukuruha kwisi a shi yanakana ku bika mwanakye akya asiye kurowuruwa ma tipanga naqa 38.Mi yama tirowuza mwanakye i yu musizana matisi naqa ,indi ya hati rowuza mwanakye matisi naqa kubbara .

39Mi mukazi kwekye mushiminiwa ku mirawo ko kubakye .mwinako yamatipara bakye ,mi ashifwa mushutuka karowuruwa kurwezi ,mi sharowuruwe kuya matishaka kweke ,mi ibe ngaho kushikati 40.Mi mwikaturo anga ati matipara tandishana ,pusha kulisikamina ngaho shabe mulyiketa indi kumana mi nda ndatiyanakana akya ndina mupupo u redzya .

81Izopani zulyuwa izata kyezirwa shitabero iyi milimo, ''yetswe tiyizire atikya tina a mano'' ukuli mwenisa mi rusuno rwati nxini. 2Atikya u mutu kweke, matiyanaka uyizire icimwe, u mutu yopa kayi zire shika kushaka kuyiba. 3Kono yuyumwe matishaka Urezya, umutu yopa ayibahara kuke.

4Cware shizito izi kulya izishi tabero zi milimo, iyi maswaniso tiyizire atikya milimo iya maswaniso iyulivu kunjemwa shikutikya kunjemwa mulimo tana muxiki, 5Shina pukwatuberiwa milimo iya hatipara kwi liro indi papeshi, kuna milimo yiminji indi mashikati ngamenji, 6Cware kutswe,kuna mulimo ,tatye kuke izito kozo zitatipara, Shikati muxiki, Jeso Keresite, shukutikya izito kozo zatu kwanahara shukupara kuke.

7Cware amano yapa manjemwa ku mutu kweke. Babamwe baruku likanisa milimo kurapera, bakulya zilyuwa shikutikya izito izi shitabero shi milimo. mi zi qsxuma zawo zilyangana shikutikya zitoli.

8Kashilyuwa shitati kwana kuti tarusa ku Rezya. yemwa taku yekezwa atikya yemwa takulya , ku shiyama kambe tatilya ngaho. 9Itukuruho yi kulyi qxawo-qxawu isiye kuba libaka lyayuyumwe yamati fokora mwi tumero asiye kuwa. 10Shikutikya u mutu matukumwana. ibana amano, kulya zilyuwa ni milimo mwi kereki.kamutoli kono kufwa zuqsxuma indi kususuweza kulya ishadzu ku milimo?

11Shikuyuvusisa initi iyi milimo babatoli mo,bazatubetu kopa chresite matafwa indi kumaniswa. 12U shifoseza mukwe matiremika ziqxuma zake zezi ntoli indi kupanga shibe ku Keresite. 13Ndipapa shulyuwa shakuwusa mukwe, ndiku kulya inyama hapye, shiku tikya ndise kulyetiza muzatanga kuwa.

91Kandi muruku ruha? Kandi mu apositora? Amandi mwene Jeso Shikati etu. yenwe kanibatusi banga muliyi lya shikati? 2Ati kandi mu apositola kuba bamwe, cware ndimu apositora kunwe. cware yenwe ndiwu niti wanga wu apositora ku shikati.

3Kopani ndikukuli ramurera kubapa ibandi kataza. 4atikya tibaku (mata) amano ukulya indi kunwa? 5Tubaku mata uku sikama inako yinde ni bakazi betu ibati tishira, tandi ba Apositora kowo, indi bambetu ba shikati, indi Sefasi? 6kapa Banabasi ngaho indi mye ibati swanera ku bberika?

7Iyani yatyeri kwenda kwindwa nizi sinyehero zakye? Iyani yatyeri kukuna minti mwi fuba hape amakulya zipata zamo? Kapa iyani yatyeri ku babarera zi Ngu hape ama kunwa ku muziriri azoo? 8Amanda ku hweta izuto zopani mumata umutu? Kana murawo wati hweta akyopani?

9Shuku tikya kwata ñoruwa mwi wuka a Mushe? usiye ku yaziya muromo Upuru ati yati shaka kulya mabere, ''Atikya Urezya mati qxawu-qxawu Ziñombe? 10Ku tikya Urezya mati hweta ku tswe. Atikya ati yamati lima i swanero a lime shi sepo. Yewe yumati vuna mabere uvune shiku tishira atikya shuyu ya bireko babamwe? 11Ati tata kuna izuto zumu pupo kunwe, kuzuwo nanyina atikya yetswe tivune kakuli zi bberikiso zina kunwe?

12Ati babamwe bati panga zi swanero zopani kunwe, tibaku zizinji? nanga ndipakyo, yemwa taku rungira zu swanero zopa. Yemata ku kwana kusiya kutumina lyiyi lya Kersite.; 13Kana ni yizire atikya ibati sebeza mwi Tempere bati shangana zu lyuwa zawo mwi Tempere? Tani yi zire atikya ibati sebeza Pwi Alutare bati shangana kuzati newuruwa pwi Alutare? 14Mwi njira yati swana, Shikati mataba rayera atikya. bapa ibati twara lyiwi bapare shiliyi.

15Kono amandi litusise kuyi yimwe yizi swanero zopani. Hape amanda ku ñwara zini atikya ku mwanahara shichimwa ku mye. Wuqxa kufwa atikya umutu asiye kusiya wuyi kyetero wanga wukuli kumusa. 16Ndishi kutaza burumiwa, ndimuku libaka likuli kumusa, shuku tikya ndishindati swanera kwisi. Wushwamana wuna kumye ati amanda ku kutaza lyiyi.

17Ati ndatisi zati shakuwa, ndina mupuzo. Kono atiku kuzati shakuwa, ndishina shukwisi atikya ndisepahare. 18Mupuzo anga shikya zini? Mindishi kutaza, ndatipa wurumiwa wunda hati lifisa hape amanda ku rungira abato atikya bandi tuse kuku kutazi wurumiwa.

19Mye ndimurukuruha kwi zuto kozo,ndatiba mutanga abotokowo, shuku tikya ndati shaka ku kwama babanji. 20Ku Majuda ndatiba Mujuda, atikya ndikome Majuda, ku bana mwi li murawo, ku bana mwishi li murawo, atikkya ba kome ibana li muraro. Ndata rasi zopani nanga imye kali ndi muku mwishe li murawo.

21Kubana kwishi li murawo, ndatiba nokoti ndina kokyo li murawo,nanga imye ndarna kokyo lyu murawo Urezya, kono mishi lyu murawo a Keresite. Ndata rasi akyo atikya ndi kome ibarana kokyo lyu murawo. 22Kubabaku mata babe ni mata, atikya ndikome. ndataba ni zuto kwa abto koo. atikya babamwe bapaliswa. 23Ndatisi kozo zopani ngaho shu wurumiwa, atikya indi rasi muku fuyora.

24Tani yizire atikya, kowo ibati tiya, ibana muku tiya, muxiki ngaho matipewa mupuzo? Cware ni tire kupewa mupuzo. 25Kuya mati tiya matili tuta indi kuli yendisa. Bati panga akyopa atikya ba shangane i Turu iyati bbwara, tati tiya atikya tika shangane i Turu etu ya hati bbwara yati tura. 26Kono amata kutiya ngaho kuzipa mu pupo. 27Ndatowuha mimbiri anga indi ku wupanga wuvuya, kudzwapo ndati kutaza babamwe, atikya shandi siya ku shutuwa.

101Ndati shaka akya ni yibe,bashebetu barana mwishi ulidzudzo kono bata kyitira muliwate 2,Bata korobezwa kumushe mulidzudzo indi mwiliwate 3. Kono batalya zulyuwa zatifana shilyuwa shimupupo, 4Kowo bata nwa ami ingati fwana ngumupupo, batanwa kuli we limupupo,lyata bacera. lyiwe lyopa kali keresite

5Shikati ema baratwa uwunji wawo, mimbiri awo yata hasanera mulikanda 6,Zopa zitemuso zati xhe atikya tisiye kurakaza zezibbi shibata rakaza.

7Nisiye kupanga milimo yiyimwe tandibabamwe kuwo,kwata ñoruwa,abato bakusikama peshi bakulya bakunwa indikwiki. 8Tisiye kupanga woshashi ,shibata rasi wowo, mwiliba lixhiki kwakufwa abato bali 23,000 shilibaka lyopa.

9Nisiye kulika Keresite batamulika kowo baku mana kubburuwa kuzi nywaka. 10Nisiye kubiraera shibata biraera kowo ,bata bburuwa shilingeroi lirufu.

11Izito zopa zata pagahara kuwo shimutara,Zita ñoruwa shitaero etu yetse wi nako yopani yama menisizi 12Cware Imati hupura atikya uyimine alindire a siye kuwa. 13Kanicire kuyerwa kumuliko waha cire kumonuwa, kumutu. Shuku tikya, Urezya matisepahara muku kutishira muliko kulikwa kuzatini bbara, mu miliko ana injira yuku nidzisa kuwo atikya ni kwene ku gipe.

14Yenwe natishakuwa nidzwe kuwushashi. 15Ndati hweta kunwe yenwe a bato batihupura,ni ya ture shindati hweta , 16Ikomoki izimbuyoti zitati fuyora ,ikabero yama rwapa akereste? Mukamu utati vunjara, kandi wutati shengena mumu mbiri a Keresite? 17Kuna mukamu muxiki,yetse tabenji mumumbili muxiki, tatilya mukamu muxiki.

18Nilyaye abana bayi siraere ;batilya zitabero bashikopana mukatara, 19shindati hweta cini? mapikica pakacito? zilyuwa zi natipanjira zitabero pakacito?

20Shizito zibati panga bahedeni zitabero ,nanga batipanjira mupupo womubbi Urezya, amanda ku shaka atikya ni panjire mupupo wo mibbi! 21Yemana kukwana kunwena mwikomoki a shikati indimwi komoki u mupupo womubbi. Amana ku kwana kurapera pwi tafure a Shikati indi pwi tafure umupupo wo mubbi 22.Tati shendekera shikati shimuna?tibagi kumubbara.?

23Izito kozo zati tishirwa ,kono kakozo zina ituso, izito kozo zatishirwa, kono kakozo zati xinikawo. 24Kusiye kushanganeha umutu i timashaka zizake ngaho,kono bashake zabamwe.

25Nilye kozo zati wuliswa mumusika, kunjemwa kuwuza zu puzo zimi yanakyeno. 26Lyuvu indya shikati indizina mo. 27A ti kuna yahati tishira yimakumemi kuzulyuwa ,mi mati shaka kwenda sa kuwuza zimi yanakyeno lyangaho.

28Ati yuyumwe mati kuzira, ''Atikya zulyuwa zopa izi shitabero'', Usiye ku zilya. Shi libaka lyayama kuziri, indi shi libaka limi yanakano 29.Ema kwakutarusa zixuma zizwe kono zayuyumwe, itukuruho yatikwana kuyaturwa akyare shizi xhuma zuyumwe 30. ndishilya shikulitumera ,ndati katazuwa akyare kuzi ndalitumeri kuzo?.

31Kapa natinwa kapa nati lya ,koco shinatisi ni pange akya shikati a rumbiwe. 32Nisiye ku bbiraezwa majuda kapa magerike, kapa mwi kereke a shikati. 33Nitabise abato kowo mwi zuto kozo, ema naku litabisa yenwe ngaho kono indi babamwe nati panga akyopa akya bapaliswe.

111Ni likanise yeme shina pundatikya ndirasi za matisi kiresite. 2Mi ndati ni rumba shilyibaka lyukutikya nati ndiyanakana muzintaba kozo. Ndati ni rumba shuku tikya nakumareri ituto indata nipa 3.Mi ndatishaka ni yibe cini ,mushoro u munyana kwekye i ngwa kiresite ,mi munyana, mushoro u mukazi ,Uredzya mushoro a kiresitye . 4Munyana kwekye ashi rapera kapa ashi porofita mu dzata inturu ku mushoro mati shu bura mushoro akye .

5Zini mukazi kwekye ya matirapera kapa kuporofita kunjemwa shama dzata kumushoro ,matishuvura mushoro akye ,mi icuto ishati fwana indi ku dgumu . 6Mi ati mukazi ama kudzata i cuto kumushoro a ngahopa ara dgumu ,mi ati cuto ishati mwiguni akwi dgumu a rare shicimwe kumushoro .

7Mi munyana a makuswanera kurara inturu kumushoro ,shukutikya yeye shi swaniso indi kanya yu redzya, mi mukazi i kanya i munyana . 8Shukutikya munyana amasiwe kumukazi ,kono mukazi nda mata isiwa ku munyana .

9Mi munyana a muwumbuwe shi lyivaka lyu mukazi ,kono mukazi nda mata wumbuwa shi lyi vaka lyu munyana . 10Mi angahopa mukazi mati swanera kuba ni shi supo kumushoro i shatiqe atikya matyendisuwa shi lyivaka lya mangiroi .

11Nanga ndipakyo , mukazi munjemwa kumunyana , indi munyana munjemwa kumukazi kokushikati . 12Shukutikya mukazi pwama tayisiwa ku munyana indiye munyana mati pakuwa kumukazi ,mi kozo zopa zati dzwa kuredzya

13Ni yature nanga nwe ,i swanero akya mukazi a rapere mulyumo kunjemwa shama dzata ku mushoro ? . 14Mi ndatyityikya i zi mushoro zatyityi ruta akya munyana atyi yama kwidgumu zinshushi zakye kulyi shubura , 15Mi mukazi aku ba ni zinshushi ze zinde i kanya kokukye ,kakuti matapuwa zi nshushi tandi lyidzyira ilya cekyi mushoro . 16U mutu ashishaka ku lyeta zinkani mi hupuro yopa [ mikwa ] yopa munjemwa wo kokutswe ,munjemwa wo indi mu zi kereke zu redzya .

17Mi shinda ku ni remusa , yema ndakukwana kuni rumba ,shukutikya ni shishangana yema na kulyeta wuqa kono nati lyeta wubbi . 18I ntaba yiyimwe ini puni sina kukopanera munizi kereke ndati yuvwa muna zifapano kunwe ,mi papamwe nanga zitindi dakisa . 19Shukutyikya zi kawuhano indizo zati swanera kubako kokunwe akya kumwanahare i batishirwa muni nkyo lyenu.

20Mi ni shikopana mushivaka shicumwe kakulya shilyivera isha shikati . 21Ni shilya uyumwe nu yumwe mbwa pwerakye kulya zulyuwa zakye ba bamwe ka bacire kulyazizawo, mi yu yumwe mufu injara ,zini yu yumwe mu dakwa , 22Kana ni banjemwa mayuwo muni tyelyi kalyira indi kunwena mo ? ,kapa nati shwawura ngaho i kereke u redzya ? mi nati swabisa ba banjemwa mbunditikya kokunwe ? ndi rumbe ?kuzopa yemwa nda kuni rumba .

23Mi yeme ndata tambura kushikyati, shinda nipa ndico ,mi kana kutyikya shikati jeso mu masuku ngapana nga mata vetekuwa mata isa i cira. 24A kulyi tumera a ku camara-camara ,akutikya ni ise nilye wopa mumbiri anga i wavunjelyiri yenwe ,nipange akyopa ni ndi yanakane shaco .

25Shi mukwa i wangahopa puvara kurera akuisa shuniso ,mi akutyikya , shiniso copa vulyikani wowupiya ,mwigazi anga ,ni pange akyopa puna tinwa mo ,atikya punakwisi akyo nakuni yene kyenao. 26Mi inako koyo puna kulya i cira copa mi kani ti nwena muni shinwiso copa ,she ibe mbuna kuhweta zurufu rwa shikati kufitera pushayera .

27Shi mukwa wopa u mutu nu mutu isha lya kwicira copa indi kunwena mushi nwiso copa shi mukwa i wahatitishirwa ,shave ni mafosisa i wumumbiri indi gazi a shikati . 28U mutu nu mutu a lyiremuhe ndi mo ,mi cware alye kwicira ,mi a nwene muni shinwiso copa . 29Mi kuya matyilya indi kunwa a hati remuhe mumbiri wa shikati ,mi mati lyilyira indi kulyi nwena ikaturo . 30Shi lyivaka lyopa kuna va venji i bati fokora mwiknyo lyenu indi i batimashira ,mi vavenji kali vata fwa .

31Kambe tatyi lyitatuba tswe a beni ,kambe na kamuni sheti aturwe . 32Mi takuyaturwa kushikati tatyi tina lyikutye kokukye akya tisiye kuya kuyaturuwa nu lyuvu

33Mi he bakwanga nishi kopanera kulya nilyi lyindire . 34Mi u mutu i mafu injara a lye kumuzi,akutikya kukopana kwenu kusiye kuni shanganisa i katuro ,mi zintava zizimwe zimata ñwara shendi zirukise pushi ndakuya .

121Kwamana indizimpo zu mupupo wumucena bazatubanga,ema ndakushaka akya nisiye kuha yiba. 2Ni yizire atikya pukalini bahedeni,na rukwendiswa shi milimo ye mibbi ya hatihweta,mwinjira yina kwendiswa shawo. 3Cware ndati shaka atikya kuku umutu i matihweta shumupupo wu rezya imati kwana kutikya, Jeso mukutuwa ,kuku i mati kwana kutikya jeso i shikati , tana shimupupo wo mucena.

4Papani tina zimpo zati cicana ,kono mupupo wa tufwana. 5Hape kuna zi kawuhano ku miberiko kono Shikati matufwana, 6Hape kuna miberiko yati cicana ,kono Urezya matufwana imati zipanga atikya zikwanahare kuyuyumwe.

7Papani kuyuyumwe a pewa kumwanahara kupewa kumupupo zimpo kowo. 8kuyuyumwe apewa kumupupo mai nguwu tali,kuyuyumwe mai ngamano shi mupupo wati fwana.

9Kuyuyumwe apewa itumero shimupupo watu fwana,kuyuyumwe impo iyu kupwelisa shi mupupo muxiki. 10Kuyuyumwe apewa maata nguku panga zisi, yuyumwe wuporofita.yuyumwe kuketa mwikyo yumupupo,yuyumwe mishowo yati cicana-cicana yuyumwa kutoroka zindimye, 11Yuyumwe indi mupupo wa tisebeza muzopa kozo ,kupa zimpo kuyuyumwe muwati shashira.

12shikutikya mumbili muxiki kono wuna zirama zizinji ,hape kowo zirama zizinji zimumbili wa tufwana,wuna ku keresite. 13Shumupupo muxiki kwetu tata korobezwa mumumbili muxiki ,kapa mujuda kapa mugerike ,indi yu mushimina kapa kurukuruha,kwetu tata panguwa kunwa kumupupo muxiki.

14Shikutikya mumbili paka shirama shixiki kono izinji, 15atilikondo lyatikya, shikutikya kandilyanja ,pakandi shirama shimumbili,ishumumbili nanga ndipakyo, 16Atiliti lyatitikya ,shukutikya kandi lisho ,paka ndishi rama shumbili,nanga ndipakyo zi rama zumumbili, 17Ati mumbili kowo kambe ilisho ,kamba amano ngukuyuvwa kamba ngana kure,? ati mumbili kamba liti ,kamba kuyuvwa mushuni kuna kure?

18Urezya mata bika zirama zumumbili kwenda shamata zipanga, 19kamba kutikya kozo zirama zaku fwana kamba mumbili wuna kure? 20Cware zirama izinji kono mumbili muxiki ngaho.

21Ilisho yemwalyakukwana kutikya kulyanja,yemwandakuku shaka,nanga mushoro kuhweta kulikondo atikya yemwa ndakuku shaka, 22Kono zirama zumumbili zatimwanaha wutoli zina wutokwa, 23Hape zirama zumumbili zitati hupura akya zati sepahara,nanga titizipa likute,ndizita ti kutyeka ahuru,kono kozo zirama zina ituso yinkuru, 24Cware zirama zati mwanahara zitati mwana atikya ziku likute ndizina likute kukitira ,shukuti kya urezya mata zikopanisa zirama paxiki ,hape a kuzipa likutye lyati kitira za hati rara.

25Matapanga akyopa, kusiye kuba ni kukawuhana mu mumbili, akya zirama zili babarere shiswanero yatiswanera. 26Hape shirama shixiki shishi masiza kozo zirama zatimasiza paxiki. kapa shirama shixiki shishi kutyekuwa kozo zirama zatitaba paxiki 27.Cware mumbili muxiki koku keresite, indizirama ni shirama.

28Urezya mata yirika mwikereki wintanzi bapositora wuwubiri baporofita, wuwutatu baruti indi batipanga mata ngu zisi ,indi wuzi mpo zuku pwelisa indiba titusa,indibati panga mibberiko iyiwuyendisi ,indi bati hweta misho yati cicana. 29kowo mapositora?kowo maporofita? kowo maruti? kana kowo bana mata ngukupanga zimakazo?

30Kana kowo bana zimpo zikupwelisa?kana kowo bati hweta zindime?kana kowo bati tarusa zindime 31Nishakye zimpo zezi kuru,hape shandini qxe zizinji zezi qxa mwinjira.

131Shikutikya ndatihweta shirulyime urwa bato indi mañiroyi. Atikutikya ndi muku lyirato.Ndatipanga lyirata nokoti shilyimba. 2Shikutikya ndina impo iyiwu porofita indi kuyuvwisisa izito iza lyizika izi wuniti, inda mano,indi kuba ni tumero iyukudzisa marundu. Ati ndi muku lyirato ndi muku shindina nakyo. 3Ati kutikya ndatipa zindina nazo ku baba hungwe, indi kupa mumbiri nga atikya wupisiwe ati ndi muku lyirato kuku shi ndatishangana.

4Lyirato lina ziqxuma indi kuruka. Lyirato yemwa lya kulikumusa. Kashikulyukumusa. 5Kapa mahanyi kashiwe ,wumune,kashuwupuba kumenga,kapa kulyi bera wubbi. 6Yemwa ya ku tabisa bahali ba cena. Yemwa ba kuli tabisa mwi niti. 7Lyirato lyati zika izito kozo.indi kutishira izito kozo.indi sepo kwi zito kozo, indi kuyuvwi sisa mashando kozo.

8Lyirato yemwa lya kumana,atikuna wu porofita kuti, shiwumane.indi rulyime sherushitye kuhwetuwa, mano, shangaye kuku mana. 9Shiku tikya kuyiba kwetu ikuru pati, indi wuporofita wetu ingurupati ruqxiki 10.Zinako zozuworushika puza kuya,kuha mana sheku mane hapye.

11Pukalyi ndimupundi, ndaku hweta notikya mupundi,ndaku hupura notikya mupundi, ndaku yanakana notikya mupundi. Pundakuba ndi mukuru, ndaku bika iziwu pundi kurupati. 12Shapapani kamuni ndikumwenise mushimponi, kono shishifateho ni shifateho.Ndiyizire rupati rurumwe ngaho. kuti ndi yibe shikuyira shumata ndiyiyiba. 13Zopa zitatu zati kara akyopa, itumero, isepo iya kuwuso,indi lyirato.Sheshikuru kuzopa lyirato.

141Ni tundamene muni lyirato ,i ndi pukuna, ni shukyere zimpo i zi mupupo, shihuru iyu buporofita. 2Mi ya matihweta zindime ,ama kuhweta na bato mati hweta nu Redyza ,kakuti kunjemwa yama tumuyuvwa ,mati hweta i zahati yibiwa mu mupupo . 3Ya matiporofita matizira a bato iza ti dzini kawo ,izi ku kutaza izatyi gisa mutima . 4Ya matihweta zindime mati dzinikawo yumunye ,mi yama tiporofita matidzini i kereke .

5Ndara kushaka akya kwenu ina tihweta zindime , nanga kukitira popa , ndara kushaka akya ni porofite ,kakuti yamati porofita ana kuwuso kuya mati hweta muni zindime ,[nakana u yumwe katitoroka akya i kyerekye kwene kudzinuwa], kono pani ,nwe bakwanga akya ndiye kuhweta mu zindime zina hati yubwa , Mi he bakwanga ndakuya kuhweta kunwe muni zindime ,shikya shishe ni shangana po ?, 6Yema ndakukwana , na kana kanditi hweta nanwe ,kwizuto iza ta tandawurwa . kapa shi zivo kapa wu porofita kapa kuruta .

7Inka kusire kwizuto i za hatipara i zina murumo mutsiki tandi kapara ,kapa kambuli ,ati shezi lyilyisiwe murumo mutsiki ,ingahare shekuyibiwa akya kwa lyilyisiwa pala kapa kambuli? 8Ati torombita she i lyilyisiwe shi murumo iwu mukawuhana, iwati yuvwahara naqxa, i yani kakulyitukisiza i ndwa? . 9Mi shumukwa i wa ngahopa indinwe ati yema na kulyeta shuhuru izimwe zintaba iza ti yu bwahara, ingahare she kuyibiwa i shati hwetuwa ? she ibe nati li hwetira mu mupupo .

10Mu lyuvu kuna mi futa iminji iyi zindime ,mi kunjemwa shilyati toraka. 11Mi ati kandi izire kulya tyenda lyiyi , kutitindibe nokoti u mutu yo mukyelyira ,mi ndiya yama tihweta kume indiye mukyelyira .

12Cware yenwe shina puna tukufalyeri kwisi izuto izyi mupupo , ni shakye kuyinjipa i kwati dzini kawo i kereke . 13Ya mati kwana kuhweta zindime a rapere akya a kone kutarusa . 14Kakuti ndishi rapera kandi tyi hweta zindime ,mupupo anga watirapera kono i kutisiso anga ,yema ya kusebeza .

15Cware ndikyare pani ? shendi rapere shu mupupo ,indi kurapera shi kutwisiso ,shendi yimbe shu mupupo indi kuyimba shi kutwisiso, 16Indi pumatyilyi tumera ku Redzya shu mupupo , indiya bana popenje ingahare baku hweta ''amen''. Indi puka kuli tumera ati kayi ka izire shi matihweta?

17Injahamu yewe mati litumera naqa .kono yu yumwe a makwidzini kawo . 18Ndati lyitumera ku Redzya ka kuti ndati hweta mu zindime ku nibbara. 19Kono muzi kereke ndara kushaka kuhweta mayi nga manalyanja shi kutwisiso anga ,akya ndikwene ku hweta mushowo i wa hatiyubwahara ku mayi inga tikaya mo 10 000 .

20Bakwanga ni siye kuyanakana ndati ba pundi, kuzi runya ni be tandi bapundi ,mi muwutali ni be ni bakuru. 21Kwata ñoruwa mu murawo,shendi hwetye ni shicava sha bato u mushowo irwezi ,indi shi miromo abato barwezi ,mi indi popa kamuni sheba ndiyubwe me, ku hweta shikati.

22Mi nanga ndipakyo zindime shi supo,ka kuiba tishira kono kuiba hatyityishira ; zini wuporofita shisupo,ka kuiba hatyityishira,kono ku barumeri. 23Cware i kereke koyo ati ya kopana, mi kowo ,mushibaka shi cimwe ,mi kowo bati hweta zi ndime indi pukwakunjena ,kapa ndi pukwakunjena a bato i baxhu i zibo .Kapa i ba hacire kutishira ,mi basiye kutikya na ti puka

24Kono kowo bashi porofita ,indi pukwakunjena ya hati tishira kapa yaha yi zire, mati kolyisa kokuwo,shuyaturuwe kwi zuto kozo za mati hweta. 25Za zukuwa iza muni mutima akye za tandururwa mi shawulye puwuso shipata, mi a kubamere Uredzya ,mi a hwetye atikya, Uredzya ana nanwe.

26Kukyaruwe bakwanga ? ndatitikya ;ni shi kopana u mutu nu mutu kokunwe shabe nuruyumbo kapa ituto ,kapa intaba ya tandururwa ,kapa zindime ,kutarusa mandime izuto kozo zipanguwe shi kwidzini kyerekye. 27Ati kuna i bati hweta zindime ku hwetye ba biri kapa batatu shu kupuwa shibaka akya u yumwe a taruse. 28Mi ati kunjemwa yama titoroka ni siye kowo batupo muni kereke ,nisiye u mutu kweke ali hwetire yeke koku Redzya ,

29Kuzirwe ba porofita ba viri kapa ba tatu ba bamwe ba yature i shatihwetuwa . 30Yu yumwe kokunwe ku ibasise ashi puwa kutandurura iza paturura , yuyumwe ikaku hweta ati qxamwii.

31Kakutyi sheni porofite kwenu shukulyipa shibaka ,ndi kutikya kwenu ni rute ,mi kowo bakutaze 32Mipupo aba porofita ya tyendusuwa ku baporofita. 33Kakuti Uredzya kanju mifilyifilyi kono injwi kozo, inka mwatisiwa muni zikereke kozo iza ba rumelyi.

34Mi bakazi ba tupo muni zi kereke ,yama bakutishirwa kuhweta, mi batiswanera,kuli bika kwinshi shina puwa tihweta murawo. 35Ba shishaka kutalifera shicimwe ba akwuze ba bebawo kumuzi kakuti kwatyi runa bakazi kuhweta muni zi kereke . 36Kana kutikya lyiyi lyu redzya ku lyata kalyera kuya i ko kunwe ? kapa inwekye ngaho lyata shangana?

37U yumwe ashi lyi mwana wu porofita kapa u mutu yana mupupo ,a yu bwisise akya zindati ni ñwera i taero ashikati. 38Yu yumwe ati yama ku yubwisisa a shitye .

39Cware ba kwanga ni twere mitima enu nanyina ku kuporofita, mi nisiye kuyibara ku kuhweta zindime. 40Mi izuto kozo zirasiwa indi shi murawo .

151Ndati mihupulyisa burumiwa bunda kutaza kokunwe buna tayamuhera ,ina gipiri kuyo, 2.Yina tipalwisa kayo ati naiburuke ati yo ndamisumushiri ,ati ngahopa kuti shira kwenu kujemwa ituso.

3Kakutyi zizimwe; ndamipi shinda zimuheri indime ;atya Kresite matafwa shiribaka lyizibye zetu ,shimanoro ngati hweta 4.Ndikutikya mata zikwa ,mi amati tambuka lyiva lyubutatu ,shi manoro ati hweta .

5Ndiku tyikya mata mwanwe indi Kefasi ;indi babalishumi sha baviri bata mumwana 6.Kuwuso matimwa inako ixiki ba lumeli bati kita batibbara mashumi ngamana lyanja uwujni wabo bushi para babamwe bata fwa. 7Kuwuso mata mwana i Jakowo indi ba Apositola baku mumwana .

8Ku mamenisizi , akuya kuli mwanahaza kumye, nokoti ka mbututu kapa kuwa mwinako yahalyi ndiyo 9.Mi yemye nduyo mudana kuba Apositora. Mi yemwa nda kuswanera kubyerwa mu Apostora kakuli ndata shandisa i kereki yu Urezya.

10kono shishemo shuredzya pundalyi ndico mi shishemo shakye kokume , ndasebeza nanyina kuba bbara kowo. Pakame kono shisemo shu Rezya shina kokume 11.Nanga yeme ,indi bo ,ico tiruta shukutikya ba shitire .

12Mi pukwati rutiwa akya Kiresite mata tambuka ku bafu ,shikya bati hweta babamwe kokunwe akya kujemwa i zuho yababafu? 13Shyiva kujemwa izuho ya bafu cuwa Keresite yemwa tambukye. 14Kambe Keresite yemwa tambukye, i tuto etu injemwa ituso indi tumero utu ijemwa ituso.

15Hape kuti tishangane akyi tyizipaki zyu Rezya, i zyi mbuzi, kakuti tati paka akya Uezya mata tambusa kiresite zini yama mu tambuse 16Ati bafu yemwa baku tambuka, Kresite indye yemwa ta mbukye . 17Atyi Kresite yemwa yemwa tambukye, itumero enu inku i tuso ,mi ni shina muzyibwe zenu.

18Ndi kutikya bata fwera ku Kresete bata fwerila. 19Ati tasepa Kresite muvuparo bopa ngaho, tiba mayi kubbara batu kyowo.

20Kono Kresite mata tambuka ku bafu, miye ndirya pili ryabafu kowo. 21rufu purwataya shu mutu mutsiki, indiyo izuho ya bato yataya shu mutu.

22Shi kutitya abato kowo pubatifwa sha Adama, sha kyopa abato kowoshe bapare sha Kiresite 23,Kono umutu undi umutu shatambukye shi nako akye, Kresite ndiyu ntanji;i ba kresite she batambukye pusha kuya.

24MIi shekuye ma nisizo, i nako pusha bika muwuso mu mata a mulyumo a tatye, pusha kumana wurena indi muwuso kowo, indi mata 25.Kakutyi mati swanera ku busa kutwara pusha bira zira zakye mu makondo akye 26.Shira shama menisizi, shisha menisiza rufu .

27Shikutika shikati mata bika izito kozo mwikyo lya makondo akye , mi tikya ''mata bika izito kozo'' Ichena akya amaya ku kopanya yopa yamata bika izuto kozo kokukye. 28.mi izuto kozo pukalyi za bikiwa mwinshi lyakye ,mi yeye u mwana mbwa bikiwe muta matakye, Zopani shazi rasisini atikya Urezya Tatye abye yekye ngaho.

29Shilyi baka lyikutikya bati korobezwa shilyi baka lya ba vafu, ati bafu kamuni shaba tambukye, shikya zini pubati korobezwa shawo? 30Mi inditswe shikya putatyi para zikozi za mayiba ngapani kongo.

31Ndatifwa liba ni liba, chopa ndishindati chenisa shuli kuli kumusa kunwe, bakwanga, atikya ndisitye Jeso keresite shikati etu ndati tikya ndina mwi kozi i yurufu shilyiba ni lyiba. 32Shikya ndati shangana, kuku lyayisisa izuto zu mutu, Ndata lwana indi shibatana mu Efese, ati bafu yemwa ba kutambuka ,tilye ndi kunwa kakutyi lyakuca tatifwa.

33Nisiye kulyi ki taka ''Shiyangu sheshibbi shati sinya Izuto. 34Nilyiremuhere nipare shu kuruka mi, nisiye kukezira bubbi .kakuri babamwe baku izibo yu Rezya ndati ni zira akyopa aca niswewe.

35bamwe she ba hwetye ingahare bafu sheba tambuka? sheba ye ni mumbiri i wa ingahare? 36,?Kurakini amano kwe shi mata kuna yema sha kupara na kashi tufwa.

37Ushi kuna mumbiri ka mumbiri wopa ushe uya, zitanga zati bika. zati kwana uroto kapa ichuto ngaho. 38Urezya shape mumbiri tandi shamata kyeta, hape ku itanga ni tanga ni mumbiri atyeni. 39Ka nyama koyo yati fwana.kono kuna mumbiri muxikyi i wumutu, indi yiyimwe mumbiri uba nyawuya, yiyimwe mimbiri uzini, yiyimwe yizu Shwii.

40Kuna mubiri wakulyiro indi mumbiri wa peshi kono rumweni i ru mimbiri yakulyiro rwaticicana indi lumonyi lyi mwi imbiri ya papeshi 41iyi lyiva rwaticicana indi rumweni iru mwezi, indi yizi ñyata, kakutyi inyata iyimwe yati cincana ni nyata iyimwe ku rumweni.

42I ndi kutambuka kwa bafu she kube akyopa ,mumbiri i watikunuwa ushi bbwara,she utambukye ka mu bboro. 43Wati kunuwa wati nyanyisa she utambukye ni rumweni,wati kunuwa shu kufokora she utambukye ni mata. 44Wati kunuwa nelyi nyama yu mumbiri wu mupupo kuna ,kuna mumbiri iwi nyama,hape kwarana mumbiri iwi mupupo.

45Kakutyi kwata ñoruwa atkya u mutu iywi tanji adama mata panguwa shumupupo i watyi para ,mi Adama iywa ma menisizo mataba wuparo wata pewa mupupo. 46kono mupupo ama wuye piri, kono wataya ngaho, indi mupupo

49Umutu ywu iyu tanji kalyi nju lyuvu, uyu muvu ,i yu bubiri kalyi unji lyiro. 47Shasire iyu lyuvu induwu lyubu inka basire, shasire iyu lyiro indi wulyiro inka basire. 48Shina puta dzata shiswaniso i shumuvu ,shetirare shi swaniso shilyiro akyopa.

50Cware pani bazato bangu ndatikya inyama indi ngazi yemwa za kwana kuyora sanda shumuwuso wa murimo, amakwaku kwanahara atikya ishati bbwara shiyore ishahati bbwara. 51.Nilyaye ndati mizira, zezi zukuwa zi niti: Tibaku kufwa kwetu ,kono shati yaru mukye.

52Mwi nako intsikyi shukukwapa kwilyisho shintorombita yatilyira shi mulyira shi murumo o mukuru ,mi bafu she batambukye mi ka bashibbwara mi inditswe ,mi inditswe sheti fetuhe. 53I swanero akya sheshi bbwaara shidzatye kwaha bbwara,mi mimbiri yati bbwara shayi rare kwaha bbwara.

54Inako yopa sheshi bwara she shi dzatye kuha bbwara she shi fwa shi dzatye kuhafwa popa cware kuti ku ezahare lyiyi lyata tikya rufu rwata minuwa shu , kutura 55Yewe rufu kukyira kwe ndikure, yewe rufu shi bburazo cwe kure ?

56Sibburlyiso sh rufu shi bee ,mata u ngu rufu murao 57Ndalitumela ku kurezya yamatipi kuyira sha shuikati etu jeso kiresite

58Cware bazato banga bundatishaka ni gipe nisiye kunyangasa ni gipire, kalina yiba atikya musebezi a Shikati wusiye kuba wimbuzi

161Ku zi [koreko ] izatyi panjirwa barumelyi ,nipange mundata irayerera zi kereke i za galatia. 2Mwilyiba ilyitanji rwisunda u yumwe nu yumwe kunwe a bikye kuru pati i kokukye, shama kopyanya shityi kanyo, panga akyopa atikya kusiye kuya kuba ni koreko pusha kuya.

3Pushanda kuya, kwekye ishani tishira shendi batume indi mañoro akya ba twere zumpo ko jerusarema . 4Mi ati kwatiswanera yeme ndiyende ,sheba yende name .

5Shendiye kunwe pushindakuya kwenda mo masedonia ,kakutyi shendiyende shinjira iya masedonia . 6Tama shendisikame nanwe shibaka sheshire shendi sikame nanwe indi pushipepo ndi kutikya sheni ndituse kundi sindikiza kushendi yenda .

7Mi ndara kuyanakana akya kuni mwana popani mwi nako ince ,mi ndati sepa akya shendisikame nanwe mayiba nga menji shikati pusha kutishira. 8Ndisise mo ifese kutwara ko pentekonta. 9Kakuti ndata yazwira mo mumbero,o mukuru i wu musebnezii wati dzwera kuwuso mi ibatyi kakana a benji .

10Pukakuya timoteya ni mwene kya a sikame kunwe kunjemwa shamati ywapa. 11Mi kusiye kuba nu mutu ikaku mu shwawura ,,kono sheni musindikize shi kozo akya kwene kuya kokume ,kakutyi ndamulyindiri ni ba kwanga. 12Hailyi Apolosi mwana a ba kwetu ,ndata mu kutaza kakyenji atikuya ayende ko kunwe inda bana ba bakwetu kono ya matabere tindi kantsenene kulyeta popani ,sha yende pusha kushangana shibaka.

13Nilyaye ni gipe mwi tumero ni be na banna ,ni be ni xhumu. 14Zintaba zenu kozo zinatisi ni zisi shilirato.

15M i ndatyi ni rapera bakwanga ni izire iwu njuwo a sefenansi ndi mi tamuno ya Akaya indi kutyikya ndata sikama na ku ba bberishira ba rumeri . 16Ndatyikya ni yubwe a bato i bangahopa indi batyi bberika natswe musebezi mutsikyi .

17Ndataberi kuya kwa sitefana si ni fortunato indi Akaiko kakuti batandi tusa mwinako pukaru kuku nwe. 18Ba pumulyisa mutima anga indi wu wenu ni tishire i batyi panga a kyopa.

19Zi kyerekye iza Asia zati rumelyisa ,Akila indi purisira indi kyerekye iya mwinjuwo awo batyini ni rumelyisa ahuru kuredzya . 20Bakwetu kowo ,batini rumelyisa ni rulyimyelyise shulyi ntsupita ko kucena.

21, Kurulyimelisa inku lyanja lyanga yeme pawurusi. 22Ati kuna u mutu ya hati shakya Uredzya a be anatema maranatha ,Uredzya matyiya . 23shishemo sha shikati etu jeso kiresite shive nanwe. 24lyirato lyanga lyisikame nanwe kwenu.ku jeso kiresite ,Amen.