Makorose

11Imendi Paurusi, muapositora a Jeso Keresite shukushaka shu Urezja, indi Timotea mwana mukwanga. 2Kuibatitishira indi bana itumero kubakwanga ku keresite barumeri ibati sepahara koku makorose. Shishishemo indi kozo Urezja shetu. 3Tatikambira ku Urezja, shetu ywa Shikati Jeso Keresite, nanga titinirapereranga.

4Tatayuvwa zi tumero a Jeso Keresite indi shi lirato lyusitye ku barumeri Urezja. 5Nina lirato lyopa shukutikya mwi sepo yinatiyanakena mushibaka sha mulyiro. Natayuvwa zi sepo yopa mulyuvu lyiniti indi lyiii. 6Ilyataya kokunwe. Lyiii lyopa lyatalyeta zibika mizatukura mulyuvu kolyo. Zatapangahara kunwe indi mulyiba lyina tazuyuvwa indu kulyututa shishemo shu Urezja indi niti.

7Natarutuwa akyopa koku Epafrasi, shukombwa ishatishakuwa, ishati sepahara koku Keresite kokunwe. 8Epafrasi matiyibisa lirato indi mupupo.

9Shilyibaka lyi lirato lyopa, kudzwa rusuku ropa yemwa tisiye kukurapelyera. Tataringira utiyisize ingana shukushaka kwakye, indu kuyuvusisa. 10Tatirapera atikya tiyedye mumikwa iyatuswanera shikati koko koko. Tatirapera atikya tibike zinzi mumumbero ye miqha zishenukuna shuwutalyi Urezja.

11Tatirapera shiqhumu muzibaka kozo shiqhumu irumweni rwakye, nibe numutima womure, indukwidze. 12Tatirapera atikya tiradze kupa wuitumero ko ku Shetu, imatukwana kutipa atikya tilye shufumu shuwurumeri muromwini.

13Matitiramulyera kutiyendisa lyififi indu kutungusa mumuwuso a mwanakye, imatishkuwa. 14Shamwanakye tatapuwa kulyiururwa indi kupaturwa zibe zetu.

15Mwana mutu shuswaniso shu Urezja yahatumonuwa. Ndu Mwanakye yi ntazi kuzuwumbuwa kozo. 16Shayeye izuto kozo zatawumbuwa ,inzina kulyiro indizina papeshi izatumonuwa indizahatumwanuwa. Nanga mamweni hali kwindisa hali muwuso izuto kozo zatapanguwa shayeye zatapanjurwa yeye. 17Inje iyintazi kwizuto kozo, mikozo ziyimine shayeye.

18Inje ndumushoro umumbiri, indi kereki. Inje indimakalyero indi tanzi kuibatatambuka kubabafu, ndukutikya kwizuto kozo abe ndiyakuwuso. 19Urezja matatabera atikya izuto kozo zisikame nakye. 20Shayeye matashusa izuto kozo sha Mwanake kokukye. Urezja matatilyetiza ikozo sha marwapa akye pushifapano. Urezja akuyiziriza izuto kozo shayeye,indizina papeshi indi zamwilyiro.

21Indunwe kwitanzi, narana shire nu Urezja mikalitizira zakye shimiyanakeno indi nzisi zezibbi. 22Shukutikya kalyi matanushusa shimimbireru yi nyama shurufu. matakyo atikya nibe babachena, kunyazahara, kwahaya kulyiringira wumbi pu maswake. 23Nishidzera kuwuso ni tumero ningipe nisiye kuzikinyeha, nisiye kushera kwi sepo yi evañi yina yuvu. Yopa iyatahwetuwa kwibanako kowo mulyiro. Ndilyii lyopa, yemye Paurusi, ndakuba shukomwa.

24Ndaradze shamashando ingandiyeri shayenwe. Ndatimenisiza shinyama anga ishakara kumatomora a keresite shilyibaka lyumumbiri ake, yoyo i kereki. 25Shilyibaka lyi kereki ndabi shukombwa, shumumberuko wamandipi Urezja shilyibakai lyenu. Kuyiziriza lyiii lyu Urezja. 26Inkunutu yinitiyatazukuwa kwintazi muzinako zezipiya. Pani kalyi zamwenusuwa kwibatishira kokuye. 27Yatamwanahazwa kubarumeri bakye. Wowo batashaka Urezja kubayisa shufumu shurumwinji yinkunutu mwikyo lyi lyinji. Shukutikya Keresite ana kunwe, yeye yana, sepo yurumewni.

28Inje itatuhweta. Katitiyereza umutu nu mutu, taturuta umutu nu mutu shuwutali, atikya tukwene kulyetisa koku Keresite. 29Ndishindatirasi kanduturwana shituso yiqhumu akye ingatisebeza shayemye shiqhumu.

21Ndatishaka atikya niyibe indwa yinkuru indaturwena yenwe, indu bakwaha Laodesiya, indu bahachire kumwa shifateho shamesho mwi nyama. 2Ndati bberika atikya mitimawo igipiswe indu kushangana shilirato atikya bapuwe wufumu kowo wuku yuvusisa bayibe inkutu yu Urezja, yeye keresite. 3Kokukye kwazusurwa murawo kowo shutali indi izuwo zezi zika.

4Ndatinizira atikya umutu asiye kunikyitaka shamayi u kunishesha. 5Nanga ndipakyo atikya ndi muku kukunwe mwi nyama, ndina nanwe shumupupo. Ndatitabera kumwana wuqha we indikugipa mwitumero koku Keresite.

6Nishishangana Keresite Shikati, Niyendye kokuke. 7Nukunuwe kokukye, niradxi kokye, nigipe mwitumero shinatarutuwa, kanayire wuitumero.

8Nitokomere umutu asiye kunihapa shituto yu wutali indu kunishesha shizezi njemwa ituso, Shukuyiziriza zirasi zulyuvu, yemwa koku Keresite. 9Shayeye tatipara wuparo shakuyira shumumbira Urezja.

10Nayiziruzwa shayeye. Ndumushoro wi qhumu yumuwuso. 11Kokukye nanjeni mumupato shumupato iwahatapanguwa shumutu, Watadzisuwa shumburi inyama, shumupato a Keresite. 12Natafwa nake mwi korobezo. Nakutambuka shikutishira shiqhumu yurezja, imatatambuka kubafu.

13Natafwa shilibaka zuzufoso zenu indi kurakini mupato winyamenu, Natapalisuwa kwenu nakye shukutikya matipatiri mirandwetu. 14Matatakura lyuñoro lyumurandu lyu murawo iwali kutishimina . Mataya kuzimanisa shukukokoterwa pushifapano. 15Matachutuza murawo indu muwuso. matabaswabisisa pukakanda indu kubayatura pushifapano.

16Umutu asiye kuni nyaza kuzukulya indu kunwa, nanga pumukiti nanga pumwezi u mupiya nanga rwi sabata. 17Yopa ndiminzire izatiya, mimbirazo i Keresite.

18Nisiye i kurakini mupuzo kumutu ya manikitaka shukuruta shukulyukokobeza indu kubberishira mañiroyi; Iywangahapa matyenda kuzaharamwana matilyanganiswa shimiyanakano yinyama. 19Yemwa alipate mumushoro. kudzwa mumushoro kuya mumumbiri kowo indu mumashanganisezo indu mumusifa indu kulishangasisa kozo; zatukura shukukulisuwa Shurezja

20Ati matafwa indi Keresite, kuzututo zitanzi ulyuvu; shikya punatipara shi mirawo yulyuvu: 21"Usiye kuyisa, usiye kuxata, usiyekupata?" 22Kozo zopa zatisinya umutu ashipara shazo, shizitayero indu zututo za bato. 23Mirawo awo yatumwanahara kababatali shushurumeri shawo indu kwahatokomera mumbiri awo. Zezinjemwa ituso shukutikya zatigisa inyama awo.

31Ati Urezya matanitambusa indi Keresite, nishake izuto puliro, kwasise Keresite kulyanja ilikamu ilyu Urezya. 2Niyanakane izuto puliro, qha shizuto mulyubu. 3Kakuli nafu, hapye wuparo wenu wazukuwa indi Keresite mu Urezya. 4Pushe Keresite akumwanahara, yeye wuparo wenu, indinwe shenu mwanahare murumweni.

5Nibikye kurufu, hapye, abato ibana mulyubu-- zikezo zuwushashi, masira, indi miyanakano, indi zishaka zezibbi, kurakaza yemwa yakushakahara. 6Kakuli wuhali wu Urezya watiya shilibaka lyopa. 7Shazopa indinwe natayenda shazo indi kupara shazo. 8Cware nidzise kuwuhali wizuto, kumyenga, indi mihupuro womubbi, matapa, indi mayi ngamabbi ingati dzwa muzuporo zenu.

9Nisiye kulikita wuxhiki, kali natazyisa umutu uywakare indizisi zakye. 10Nabiki umutu yo mupiya yamata panguwa shingana yipiya kuyamana indi shuwupyeho shaya matazipanga. 11Kamunishe nibe ni Magerike indi Ma Juda, mupato indi kukunjemwa mupato, babakyelira, mukwa Sitia, mubuya, murukuruhi, kono Keresite injwawo kowo, hapye ana koko.

12Nibikye, nanga, tandi Urezya shamatakyeta wuxhiki, shuwuchena, shukushakuwa, shumukekechima, indishishemo, kupanguwa, indi wushiyama. 13Nilikutyekye wuxhiki nu wuxhiki. Nibe uwushishemo kuyuyumwe nuyumwe. Hati yuyumwe matibbiraera shayuyumwe, matipatira mwinjira iyatifwana indi injira yu Mulyomo shamakupatiri shayo. 14Kozo izuto, zina lirato, izapanguwa kusepahara.

15Nisiye shishemo shaba Keresite shuwuse mumitima enu. Kali ishishemo atikya natabyeruwa mubbiri muxhiki. Hapye indukulitumera. 16Nisiye liyi ilya Keresite lipare muwufumu. Shishishemo ni rutye indi kukutyeka wuxhiki indi Lisamu indi zunjumbo indi mupupo uzunjumbo. Niyimbe shikulyu tumera mwimyeyo inu indu Urezya. 17Hapye kosho shinatipanga, muliyi hali shukushaka, nishipange mulina lyu Urezya Jeso. Nipye wulitumero ku Urezya Tatye kokukye.

18Bakazi, nilibike mwisi lyabebenu, ngaha shiyata bikiwa ko Shikati. 19Babye, nishake bakazi benu, nisiye kuba babahali kokowo. 20Bapundi, nikutyekye bashemi benu mwizuto kozo, zopa zatitabisa Shikati. 21Bashe, nisiye kumyengisa abana benu, ndukutikya basiye kuzwafa.

22Babuya, nikutyekye babberekisi benu shukwatiswanera kwamana shinyama indi zuto kozo, qha shamesho abato akya bani rumbye, kono shukutupo shameyo. Nuywepye Shikati. 23Kosho shinatisi, nisebeze shumupupo tandi Shikati hapye qha shabato. 24Niyizire shenitambure ku Shikati zipo izukuyora. Shikati Keresite yeye shani palise. 25Kwekye yahati panga naqha shapanisuwe shukuhapanga zeziqha zamatapanga, kunjemwa kuswarerwa.

41Yomukuru, matapa babuya izatuswanera indu kurukera. Ayizire akya indiye ana yomukuru mulyiro.

2Nitundamyenye kurapera. Nilyayiremo shukulyutumera. 3Niti raperereko indutswe, Urezya ayazure mubbero shilyiyi, kuhweta ikunutu yiniti aKeresite. Shilyibaka lyazopani, yindilyi mushimina shayo. 4Akya nirapyere indiku yibahaza shumukwa akye iwandurukyera kuwuhweta.

5Niyedye nuwutali kudzera pyenje, Muhweturo enu wube omuqha akyopa. 6Niya lyiyi lywe lyibe ni shishemo. Nisiye kubikamo isawutu, ndukutikya niyibe shukwitaba umutu kwekye.

7Shanizire zizakye, Tikike shabayibahaze kunwe. Murumbwana yamatishakuwa, Shukombwa ishati sepahara, indi kwi qhama mubuya Shikati. 8Ndamutumu kokunwe akya, niyibe yomukuru shayemye, ndukutikya sha susuweze imyeyo enu. 9Ndatumu indi Onesimo, murumbwana yamati sepahara indi kushakuwa, yomuxiki kunwe. Shebanizire kocho ishatipangahara kopani.

10Arisitako, yamashiminuwa namye, matiniwaya, indi Mareka, mukura a Barabasi yomukazi [ashiya kunwe, numutambure]. 11Indi Jeso yamatiberuwa Justusi. Bapani wekye wumupato nduwundatisebeza nawo mumunso Urezya.Batandi qhawu qhawu.

12Epafarasi matiniwaya. Ujwa kunwe hapye mubuya a Jeso Keresite. Yamanurwena moni zi tapero zenu, ndukutikya niyimye nibe barasi indi kuba bamyenisizi kwi zuto kozo Zurezya. 13Ndatipaka injahamu kokukye, akya tidzere puwuso nu mubberiko enu, kwi ibana mo Laodisea, indi bana mo Yerapolisi. 14Luka, iñaka yamatishakuwa indi Demasi bakanirawaya.

15Matirawaya bakuru bakye mo Laodisea, indi mo Nimfasi, indi kyerekye iyina mwi njuwo akye. 16Puluñoro lyopani lyakubaruwa kunwe, lyabaruwa indi mwi kyerekye ama Laodisea, hapye umwene atikya ukabare lyuñoro lyopa mo Laodisea. 17Akuhweta ku Arkipo, "Lyaya misebezi yumatapyewa ku Shikati, akya uwurasi.''

18Kwi waya kopani kuna mulyanja lyanga-- Pawusi. Nuhupure kulyishimina kwanga. Shishemo shinilikanye.