MAREKA

111Ngapa makalyero a mayi Jeso Kresite, mwana Mulyumo. 2Shiyata ñoruwa ku muporofita Haizaya, '' Lyaya, ndatitumina mutumisi, ika ku rukisa injira. 3liyi i lya tudzwa mwikanda, ''U rukise injira u Mulyumo; Iwarushike.''

4Johani akuya, kukorobezwa mulikanda indi kuruta i korobezo iyu kubashira zibye. 5Lyuvu kolyo mo Judea indi Jerusarema ba kwenda kuke. Batatupikwa ku Johani mwinda iya Jordan kubashira zibe zawo. 6Johani matarara shiraro ishi kamere indi rukanda ru shikabi mushudqu shake, kakulya baxhosi indi ziñishi.

7Mataruta atikya i matiya mumapwake mugyi nabbi. Kamuninditsingame ndixhopure zishangu kumulyinda. 8Ndatikorobeza shami yeme yeye matini korobeza shimupupo womuchena.

9Shilyiba lyopa jeso a kudzwa mumuzi a nazareta mu munzi wa galilea, i matamutupika mwami i johani mwinda iya jordani. 10Jeso mwinako yifupingaho kakudzuwuka. aku mwana liro kalilyayazuka mi mupupo uwa tufwana nokoti ukyiri watu mutyeshira kokuke. 11Kwakuyuvwahara liyi ilyatudzwa kuliro. ilyatitikya yopa i mwananga indatishaka yindatitwa nabbi.

12Popangaho mupupo wakumukataza wa wakumutwara mulinkanda 13Mikakwishara mwinkanda mayiba inga mashumi ane akulyukuwa ni satani karana nizibatana bavuyabake ibakumubberishira

14Johani kakubikwa mwintorongo jeso akwenda ko galilea kakwenda kuhweta liyi lya mulimo 15Akutikya mayiba kalingamana indi muwuso wake kawa sheri shufupi ni bake nitishire liyi

16Kakwenda kurukomu lyilyi wate iya galilea,a kumwana simoni indi andreasi muzata simoni akwikyi ka nyandi shikutikya bayambi. 17Jeso akutikya kuwo, nindichere, mi mondinipange i batiyamba a bato 18Papa ngaho bakusiya tunyandi twawo ba kumuchera.

19Jeso pukarukukita kuwuso, a kumwana jakowo mwana zebediya indi johani muzatake,barana mushisepe kushimina kanyandi. 20Akubabera bakusiya shawo zebediya muwoto ni bavuya bake, bakumucera.

21Barukuya mo kapenauma,rwi sabata,jeso akwenda muma sinagoge aka ruta. 22Bakulyangana kuzaliku ruta, kakuruta nokoti una i qhumu katandi bañoli.

23Popa munyana mo sinagoge ikarana mupupo wo mubbi aku shupura. 24Akutikya shikya shimatishaka atikya tirasi, Jeso iya Nazareta? Maya kuti mana? Ndiyizire atikya iwe. U mupupo o mucena u wa mulimo! 25Jeso akuhweta kumu pupo akutikya tupo,Tupo wakudzwa kuke ! 26Mupupo wo mubbi wa ku muwusa peshi wakudzwa kuke kakulira shiliyi.

27Kowo a bato bata kakamara, Shikya copa? Kuruta kwake kuna i qhumu? I matikwana kurayera mupupo wo mucena kumuwuvwa! 28Zihweta zake kozo za kwenda muma naha kongo mo galileya,

29Pukakudzwa mo sinagoge , kakudzwa mwi njiwo simoni indi andreasi, kuru pati rwa jakowo indi johani. 30Makwenyani a simoni bararanjire baku mashira likyebe baku zira Jeso izakye, 31Kakuya, kaku muyisa shilyanja kumu yimisa, lyikyebe lyakumana,kakukalisa kuba kubapa,

32Maxshumu yapa ,liba kalicire kuwulya, bakulyeta kuke abato ibatutwanga ibana madimona, 33Abato kowo iba muwukuwa bakuya pumumbero ake., 34Kakupwelisa abato iba kumashira matuku ingahatufwana indi kudzisa madimona,yemwa atishire madimona kuhweta shikutikya bamuyizire,

35Kakutambuka maxsehumu nanyina, kalyi marungwe kaxsenine, kakudzwa kwenda kushibaka shicimwe yekye kopa aka rapera. 36Simoni indiba bamwe kuruku mushaka. Bakumushangana bakutikya kuke, 37Kwetu takukushaka yewe.

38Akutikya, Takwenda kukumwe, kudzwa mwilinji muwukuwa, kutikya ndika rutye ko, nanga ndakadzwako, 39Kakwenda koko mo Galileya, kuruta mo sinagoge kudzisa madimona.

40U mutu ikaku mashira imbingwa kakuya kuke. Kakumuringira,akuwa shimadzi akutikya kuke, atimatishaka, undicenise. 41Kakumufwera zuxhuma, Jeso kakuwara lyanja lyake, akutikya ndatishaka.Kakupwara 42.Shikupweraka imbingwa yaku mana kakupwara.

43Jeso aku muzira atikya a kwenda 44.Akutikya, use kuzira a bato cicimwe, u kwenda uka lyumwenisa ku ba prisita, ukabazire izizimpo zimatatyeyiwa ku mushe kulyicenisa kumwanahaza wupaki kuwo.

45Akudzera kuwuso kuhweta ku mutu kweke mayi atikya jeso kashinjena mumizi mushikati karukusikama koshire ni mizi abato ba kudzwa muzibaka koozo.

111Pubarakuya po Jerusarema, barana shifupi indi Betefage indi Betani, pulirundu lya olive, Jeso mata tuma barutuwa babili. 2Mata hweta kukuwo atikya, nakwenda mu muzi una shifupi nanwe mboni kashangane u hashi yomu shimina, yahacile kuka wukwa ni mulyetye kuni. 3U mutu puka kunuwuza, shikya puna tikyopa? nirataba atikya: Shikati matikashaka, popa mbwaka tumine kuni .

4Balyu kwenda baka shangana u hashi mushimina pumumbelo papenje, muyati hambushira injira. 5Abato barayimine papa bakutikya shikya puna tichutura u hashi? 6Barukwitaba mwa matarataba mina Jeso, baruku basiya.

7Barutiwa babiri Balyu kulyeteza Jeso u hashi, balyu kuyara zunguwo zawo Jeso a ku kauka. 8Abato babenji balyu kuyara ziraro zao mwi njira, ba bamwe balyu kuyra mapara ngu bata kakara muzimbwa zawo. 9Balyi kuya kuwuso indi kulyugho: balyu kuhuwelyeza hossana! Kurumbuwe yamatiya shi lina lya Shikati. 10Kurumbuwe muwuso watiya, muwuso wa sheetu Dafita. Hossana, muliiro, kuliiro!

11Jeso pokali kunjena mo Jerusarema, kali kwenda mwi keriki, pukali kumana kulyaya i zuto kozo, liiba kalilya takita, kali kuzywa mo indi lishumi ka bababili , kali kwenda ko Betania, 12Pulyalikuca bakusiya Betania, Jeso a kufwinjara.

13Pukarana shire a kumwana mutyi wi feiga yina mapapa, a kalyaya ati matikashanga cicimwe kuyo . pukaru kushera ema shangane cicimwe tana mapapa ngaho , kali kanako i feiga. 14A kutikya kumuti wi feiga, atikya kurakini u mutu yu shulya shati bikiwa kuwe, kudza papani indi kwendilyira barutiwa bake baruku muyuvwa .

15Bakuya mo Jerusarema Jeso pokali kunjena mwi keriki, kali ku kalisa kuhindyeka i bali kwendindisa i bali kuwura mwi keriki, Kali kuwusiza papeshi zitara zawo i bali kuncinca marwapa, indi bana barana zi puna ze zi kuru baruku wulisa zinkwilimba. 16Ka kali tishira u mutu yire nayire ku njena mwi keriki, mapindi shichumwe.

17Kali kubaruta, atikya ema kuñoruwa atikya injuwanga, she iberuwo injuwo ya ma raperero urushika koro? yenwe natyisi malibiko abezi. 18Maprisita ba bakuru indi ba ñoli puba rukuyuvwa kyopa baku shaka shuba kumubbura, barukuywapa shuwunji warakuya kuzututo zake. 19Mayiba kongo maxhuhumu karu kuzwa mu muzi.

20Shicaca maxhehumu pubarukuya baku mwana mutyi wi feiga kali wakukutiri indi kuzinzi. 21Pitrosi a kuyanakana a kutyika : Rabbi mwana mutyi wi feiga wu matakuta wa kukuta.

22Jeso aku barataba a kutikya : ni bee ni tumero ku Shikati. 23Shinjahamu ndati nizira atikya ; U mutu kweke yushuzira lirundu lyopa , atikya yima , akaliki muliwate, akaha bbirayela mumoyo ake, matitishira atikya sha mahweti shati rasisini kuti apewe akyopa ku Shikati.

24Ndatitikya kokunwe; Kocho shi nati rapera indi kurungira nitisire atikya natishishangana, mbuzibe inzenu. 25Puniyime kani tirapera ati nina intaba nu mutu nu mupatire , Shenu yakulilo ani patire mirandwenu. 26Nakwaha patira shenu yaku liiro muku kuni patira mirandwenu.

27Balikushuka mo Jerusalema. Jeso pukali kuya mwi keriki, Maprisita ba bakuru indi bañoli, Ba bakuru kuya kuke ; 28Bali kutyikya ; u tizire i qxumu yu matirasi shayo? Hali iyani mata kupa i qxumu yu marasi?