Hihumita

111Buk nafa egiorok nayya to hoi, iyye Tofilo, nafa ero higiemita hitiyenita iko hirro innafa etiyana Yesu, 2man to holoŋ nafa owuyye inyia ido, ta halu ho hisio nohonyie hiro nohonyie atta elimak Loyiri lo Olibo te efahat illafa onyimu inyia. 3Ta halu ho hitigiama nohonyie, atta inyia hisio wan nohonyie lo owuar to hosie hatara ahutuhuti no oremik isia huruk. To holoŋitek tomwana aŋwan oliew inyia to hosie atta hiro hiram no obie no Hollum.

4Ifa atubai inyia iko isia daŋ atta inyia elimak isia hotobiaŋa ebusak Yerusalem ati anyar etila itierit tara Monye, hiram nya, ojo inyia hijo, "Etiru itai tara hanaŋ 5hijo dede etifoto Yoani to hiffioŋ ati efoto iso itai to Oyiri lo Olibo ta halu holoŋitek ilak."

6Nafa atubahini isia daŋ anabotie atta isia hifi inyia, "Habu, hara iso hu holoŋ inna inna ewuye eyyani ahabuwe to Israel?" 7ejo inyia to hosie, "Obe ara itai eyyen holoŋ kuyya okit no lojo ojo monye to hilohittok no honyie. 8Ati efwotu iso itai golon, lawoŋ Oyiri lo Olibo ta hatai, ara iso itai asuti illalaŋ man teni to Yerusalem iko to Yudea ojo to Samaria, iko ta ŋacio inno fau daŋ."

9Ifa ejo Habu Yesu hiro hunna, iyya nafa oriŋari isi ahide, ahafari ifa inya, ojo itiran atta eŋofok inyia to honyiehite hosie. 10Nafa holoriŋa isia eido toktok hololot inyie, agunyak, hiyo ohorik weta aŋati hose to boŋojin inno lobuwor. 11Ejo isia, "Itai hiyo ilo Galilea, nyo eweita itai inni riŋa eido? Yesu ille ore wan eido owu iso inyia aciohini to hikoi inna iyya nia egonyuni itai inyia owuyeri eido."

12Niya acohini isi A Yerusalem to doŋe no Oliveto, nafa eliaha aŋati ho Yerusalem, to loton nafa ho holoŋ no Sabato. 13Nafa eba isia, atta isia efie ahide hahaji hitarihi, nafa etolojori isia. Ara ifa isia Peturu, Yoani, Yakobo, Anerea, Phillipo, Tomaso, Batulumeo, Metteyo, Yakobo onyi Alfeyo, Simone. Zealot, iko Judas onyi Yakobo. 14Ottuba ifa isia nobotie iyya nafa odulori isia amojori. Ojo ŋoruo owuon iko isia haba, Maria hotonye Yesu, iko halasirak honyie.

15To holoŋitek niyya oweta Peturu to hiji ho hilasira, hiyy nia iyya 120, atta hijo, 16"Halasirak, obis ifa to higierita halieuni innafa lojo Oyiri lo olibo ahosiere inno ero hutuk no Davide hiram no Yuda, lafa enyiamari hiyyo illo eniefu Yesu.

17Ati ara ifa inyieja lobo lo hoi ojo efotu ihoriti ilo lo rumu inyia to igiem honyie." 18(Iyania atta tuŋani lia enyiaŋu fau iko to higiemita inno loru. Niyya atta ahuye iko hoo, atta wan no honyie tuada, atta monyiet innohonyie apulohini ta fau. 19Afanu hiyyo ila amanya te Israile daŋ hiyen hijo elliloŋo fau nyia hijo to ruttan hosie Akeldama, ojo "Fau nyia no Hoto." )

20Iyya egioro to buk no Psauma, 'Isiara fau honyie hotowuana ania ojo hidofe hotobiaŋa lobo tuŋani amanya dia; ojo 'Isiara lobo tuŋani hame heyari mai nohonyie.'

21Nia, obis to tuŋani lia lafa ejufuta iyyohoi holoŋitek daŋ man aciahari Habu Yesu inyia awoŋ to hiji hohoi, 22To hiteiri no hibatisio no Yoani man to holoŋ nafa eyari inyia ahide tara hohoi, anyar ara asut to hohoi to hebuhu no honyie." 23etiwetik isia hiyyo lohorik, elliloŋo Yosefo Barsabas lafa ara fure Justo iko mattias.

24Omojo isia atta hijo, "Iyye, Habu, ille eyyen tajia inno hiyyo daŋ, nia ituhutek lari lia tara hiyyo hullo lohorik enyimu iyye anyar orutak to mai ho Judas to hiji hefahat. 25anyar eyari mai inna ebusari Judas to heno honye oyiriari." 26Atta isia hibiro to Yosefu iko Mattia hijo ŋai iso orutak ta mai ho Judas atta hiyyo ebirok ta Mattia lafa ofonihini to efahat tomon holobotie to hiji hefahat.

111Atta efahat iko halasirak illafa owuon to Yudea etiru hijo efwotu halufak hiram no Hollum. 2Nafa awoŋ Peturu a Yerusalem, atta illafa liyya owuon te iluluŋ no hagotok hitiara mwaŋa inyia. 3Ejo isia, "Eriaha iyye iko hiyyo illo obe ogoto ejio iyye edaha he isia!"

4Atta Peturu hitiara hilima to hosie hiram nia nalanyar; ejo inyia, 5Amojo naŋ ifa to bore gala nettok no Joppa, atta naŋ egonyu iyya rigia ihulo nobo ottu afau, iyya waraga nettok ebusuni te ido to kali aŋwan; inno orubuni da hanaŋ 6Atta naŋ riŋa toktok. Atta naŋ egonyu hejek aŋwan inno ciaŋi inno fau, ciaŋi hahonyak, ciaŋi inno oreta, iko cieŋ inno hide.

7Atta naŋ etiru nobo hutuk ojo ta hanaŋ, "Tete ahide, Peturu; totohoi atta iyye hinya!" 8Ajo naŋ, "Obe ara ania, Habu: Abe naŋ lanya innak hirro to hutuk hanaŋ inne lobe lolibo iyya inno loru." 9Ati etiraŋ hido hirori te ido, "Inne elimak Hollum hijo olibo idek hejio ebwot." 10Eba na hinyiahita hunik, tara atta hiro hinyiak aciahari bi daŋ a hide a ido.

11Teyya, owueta ifa illak hiyyo lohunik to hosiere ho haji nafa ewuanari iyyohoi; efahini ifa isia tara ho Kisaria ta hanaŋ. 12Elimak Loyiri nayya heno he isia, ojo hidofe hotobiaŋa naŋ awuon ho nobo higigia tara hosie. Halasirak ille ofu hanaŋ, atta iyyohoi efi ahaji ho tuŋani lia. 13Elimak inyia iyyohoi jai egonyu inyia anjilo owueta te ikat ha haji atta hijo, "Ifahak hiyyo a Joppa hefi henyiahini Simone, ille ara fure Peturu. 14Ohu iso inyia elimak itai nobo sayye no oremik etilahu itai iyye ho hegiamak illa haŋ hoi."

15Iyya hetiara na naŋ hiro to hosie, awoŋ Loyiri lo Lolibo to hosie, iyya lobo tara hohoi to hitieri. 16Egigilu naŋ hiram no Hollum, jai ojo inyia, "Dede ebatiso Yoani to hifioŋ; ati ebatiso iso itai to Loyiri lo Olibo."

17Ati le esio Hollum te isia hisiorita no ara iyya esiarari inyie to hoi iyya nafa eruhori iyyohoi to Habu Yesu, hara ifa Naŋ ŋai, hijo anyar etirrija nayya Hollum?" 18Ifa etiru isia hirro inia, atta isia enyiai holo ojo hinak hirro to hitiraŋi, ati etihabwo isia Hollum atta hijo, "Atta Hollum hisio ebusak no hiyyata inno manya na halufak.''

19Atta heruhok illafa etisarrai hiyyo ade to ye ne Stifen efie alamarai, a Fonisia, Sipro, iko Antioka, ati elimak isia hiram no Yesu hame to hiyyo illo Yudei. 20Atta ilamuk illafa afanu to Sipro iko Sirene man Antioka hiro to hiyyo illo Grik, elima ifa isia to hosie sayye inno olibo inno Habu Yesu. 21Owuon ifa hani na Habu he isia; atta iluluŋ no obolo huruk ta Habu.

22Afanu sayye no hosie to hitira ne ikelesia no Yerusalem: ojo isia atta efahak Barnaba man ta Antioka. 23Ifa awoŋ inyia egonyu hisiorita inno Hollum, omune ifa inyia; ojo hido inyia atta huluwak isia anyar odule iko Habu ta tajia inno hosie daŋ. 24Ara ifa inyia tuŋani lo olibo ojo hidofe efut iko Oyiri lo Olibo iko huruk, atta hiyyo ariai afonihini ta Habu.

25Atta Barnaba eno a Tarsus anyar ohu hiwolo Saulo. 26Ifa arumek inyia dia atta eyyani inyia a Antioka. Attati awoŋ, to hiŋa nobotie ottubahini isia ta mai nobotie he ikelesia atta hitiyen hiyyo ariai. Ellilloŋo ifa hiyyo lefahat Kristiani ta Antioka.

27Iyya to holoŋitek hunna afanu hekilak to Yerusalem antioka. 28Lobo tara hosie, lara fure Agabu, odioto a hide etihutek Loyiri hijo owuon iso hiŋa nettok ta fau daŋ. Ohu iso hitiara to holoŋitek inno Klaudio.

29Atta hetiyanak, iyya oremik ifa isia, awahan efahak luaha to halasira a Yudea. 30Egiem isia nia ; atta efahak arobiyaha to hiyyo illo hittaha ta has inno Barnaba ho Saulo.

211Ifa efi iyyohoi ade tara hosie atta iyyohoi arrek babur, atta iyyohoi hibot man abore gala no Kos, ifa motie nohonyie atta iyyohoi boto abore gala no Rodes, ojio teyya abore gala no Patara. 2Ifa arrumu iyyohoi babur na allaŋ a Fonisia, errek iyyohoi atta iyyohoi hillaŋ.

3Nafa ewolo iyyohoi Sipro, ne egonyu iyyohoi inyia to oko hani ne ihorroŋ no babur, atta iyyohoi efie a Siria man ewueta iyyohoi to Tire, ta mai nafa no ohu babur ebusari innak hirro. 4Ta halu na arrumu nohoi hetiyanak, atta iyyohoi hittole dia holoŋitek hattarik. Odule ifa hiyyo niyya hifia Paulo to Loyiri hijo hotobiaŋa ohu a Yerusalem.

5Ifa esaha holoŋitek innohoi dia, atta iyyohoi ebusari mai nyia, atta iyyohoi efie ade atta isia daŋ ho ŋoruo iko durre innohosie enyiamari iyyohoi ade to bore gala nyia. Atta iyyohoi rigoŋo aŋati hari lomojori, 6atta iyyohoi hijo to hosie humo to hirro bidaŋ inne ehum isia te iyyohoi. Atta iyyohoi arrek babur ojio isia atta aciahari ahaŋ.

7Nafa esahak iyyohoi hilluta man to Tire, atta iyyohoi hiba to Ptolemais. Dia atta iyyohoi hifonya iko halasira ejio hidofe ettole dia he isia far lobotie. 8To motie nohonyie, atta iyyohoi efi a Kesaria. Atta iyyohoi ajiŋak nobo haji no Filipo, herarani le ikelesia, lafa ara hitahattarihi, atta iyyohoi hittole he inyia. 9Owuon ifa tuŋani lia iko hoduo aŋwan inne ekila.

10Atta iyyohoi hittole dia to holoŋitek innak, atta lobo tuŋani lo Yudea awoŋ la ara hekilani, ara ifa fure nohonyie Agabu. 11Ottu ifa inyia te iyyohoi atta adumu hittodit no boŋo no Paulo. Atta efitari hejek innohonyie iko ha innohonyie atta hio, "Ojio Loyiri lo Olibo hijo, 'Ofu iso Judei illo Yerusalem hifit monyie ittodit inna daŋ tiji, atta hisio inyia ta has ho ettaha illo Jentails.'''

12Ifa etiru iyyohoi hirro niyya, atta iyyohoi iko hiyyo daŋ inna amanya ta mai nyia tana to Paulo hijo hotobiaŋa ohu a Yerusalem. 13Atta Paulo hitiraŋ, "Nyo nia egiama itai, ille eyio ejio hidofe ewuro taji nanaŋ? Awuon nayya la ayyen hijo ahu naŋ hifita, obe ara hidofe hifita hame, ati ahu hidofe naŋ ye to Yerusalem to fure na Habu Yesu.'' 14To hibo na Paulo hiro, atta iyyohoi ebusak inyia atta hidofe hijo, ''Isiara wahan no Hollum hegiamai.''

15Ta halu ho holoŋitek niyya, atta iyyohoi adumu siwali innohoi atta iyyohoi efie a Yerusalem. 16Atta illak hetiyanak to doŋe no Kesaria ejufari iyyohoi. Atta isia eyyani iko lobo tuŋani lohosie la ara fure nohonyie Mnason, tuŋani lo Sipro, hetiyanani lafa howiti, lafa ewak iyyohoi hittole daŋ he inyia.

17Nafa eba iyyohoi to Yerusalem, atta halasira efwotu iyyohoi to mune. 18To motie nohonyie atta Paulo efie ikohoi to Yakobo, owuon ifa ettaha ille ikelesia daŋ dia. 19Ifa efony inyia isia, atta inyia hitiara hilima to hosie hirro daŋ innafa egiem Hollum to hiji ho Jential te igem nohonyie.

20Ifa etiru isia, atta isia daŋ hitihabwo Hollum, atta isia hijo to honyie, "Toriŋe inni halasik, hara hiyyo to inne eruk to hiji ho Judei alif jai. Awak isia daŋ adule hiriria hifahi. 21Elimak ifa hiyyo isia daŋ hiram nohoi man beren, hijo etiyana iyye hiyyo illo Judei illa amanya to hiji ho Jentail anyar obusak hitiyana no Musa, ejio hidofe iyye elimak to hosie hijo hotobiaŋa ogot durre illohosie, hijo hotobiaŋa hidofe ejufuta imohiti maruahi.

22Anyar egem iyyohoi nyo? Ofu luŋa isia etiru hijo eba iyye. 23Igiamai hirro inne elimak iyyohoi iyye. Ewuon iyyohoi iko hiyyok illafa elifo. 24Iyari hiyyo hullo ino itilibo wan nohoi he isia, atta iyye adumak hirro innohosie to hosie, anyar ogit isia hosie innohosie. Anyar oyyen hiyyo hijo oteler hirro innafa elimak hiyyo te isia. Anyar oyyen isia hijo ejufuta iyye hifahita.

25Ati to hirm no halufak ille eruk, egiorok ifa iyyohoi ejio hidofe esio to hosie hituhutita hijo hotobiaŋa isia ehutok aŋati to hibulucita inne esiarahini to rijorihien, tara hotojin inno ciaŋi inne obunak hiyyo iko tara hirro inno somon.'' 26Atta Paulo eyari hiyyo liyya, to motie nohonyie, atta inyia hitilibo wan nohonyie daŋ he isia, atta eno ahotwe haji imojit, atta elimak holoŋitek inne etilibori hiyyo, man esiarahini hisiori te isia daŋ lobotie lobotie.